يحب من لا يحبه ..!
 

السلام عليكم
في عندي مشكلة محيرتني ..هي ما تخصني مباشرة بس تخص وحدة من صديقاتي ، متزوجة و عندها ولد ( 5 سنوات )- و هو بطل القصة - غير البنتين اللي اصغر منه ، السالفة انها عايشة مع اهل ريلها في بيت واحد . و زوجة حماها بعد بنفس البيت ، فطبيعي يكونون عيال صديقتي و عيال حماها ربع خاصة ان بجر حماها أكبر من ولدها بست اشهر بس ، الغريب تعلق ولد صديقتي بولد عمه اللي ماله حدود ، و الاغرب كره ولد عمه له ...على كثر ما يحبه و يعطيه اللي يبي من العاب على كثر ما الثاني يكرهه و يطقه ، ...يعني ودي اعرف شنو سبب تعلق الطفل بشخص مو بس ما يحبه ...ياذيه بعد !! ، هذا من ناحية ، و من ناحية ثانية كسرت خاطري صديقتي لما قالت لي انها وايد قاعدة تتعب بتربية عيالها ، هي وايد حريصة و دقيقة بالتربية بس نتيجة الاختلاط اللي حاصل بين عيالها و عيال حماها ( اللي امهم ما تدري عنهم ) تشوف عيالها يتلفظون بكلمات مو حلوة كلش ....و على قولتها اللي يقهر انها تسمع منهم ( سب قوي هي نفسها عمرها ما تلفظت فيه ) و طبعا ما تقدر تتدخل بتربية عيال حماها بسبب امهم النسرة ،و لما تيي بتعلم عيالها و توجههم يقولون لها ان عيال عمهم بدوا بالتحرش و طبعا ما يصير يسكتون عنهم ... من كثر ما شفت صديقتي حايسة احتست معاها ، و ياليت الاقي جم نصيحة عندكم افيدها فيهم . ...و شكرا

أوافقك أن "الحب من طرف واحد مصيبة"!! لكن في مثل هذه الظروف التي تفضلتي بذكرها تبدو المحكات للحكم على سواء السلوك "ضبابية" .
إقتراحي لها أن توجه أبناءها بشكل مباشر وعن طريق "الحب" وليس "الدلع"!

الله يوفقها.