|
حرااااام , ليه كذا , هو مو بشر زيكم ؟
وش ذا ,
ليه كذا ليه صار الانسان تفكيره محدود ؟ مو حرام اللي يصير ؟ ليه هو مو بشر زيكم ؟ إن كان الله كرمك عليه بنعمة , تصير مغتر فيها ؟ حسبي الله و نعم الوكيل الله ان شاء الله يوريك لا حول ولا قوة الا بالله القصة و ما فيها .... إنه واحد جا يخطب وحدة و هذي الوحدة عندها اخ من ذوي الاحتياجات الخاصة ( التوحد ) أنا أقول لكم إن الأم كانت الغلطانة , المفروض تخلي كل شي عالمكشوف ذي خطبة و بعدها زواج , يعني عذاب طول العمر , و معاير المهم جا ذا الواحد , و خطب بنت الناس , و ذو الناس , ما قالوا إن عندهم شخص من افراد العايلة عنده توحد ... و صاروا يخششون فيه و يدعسونه عشان اهل الزوج ما يشوفونه بعد ما تمت الخطبة , و انكتب كتاب الاثنين , اتصل هذا الرجل بيسولف مع مرته سمع صوت الأخ اللي فيه (التوحد) ... قال لها الزوج وش ذا الصوت ؟ قالت له البنت و هي على نياتها ما تدري ان اهلها خاشين السالفة قالت له : ذا أخوي ... فلان قال لها : ما قلتي لنا إن عندك اخ اسمه ... فلان قالت له : بلى هو اخوي , بس هو شوي مو صاحي , فيه توحد عصب الرجّال و صكر الخط , و من ثاني يوم دز لها ورقة طلاقها ليه كذا ؟ و الله حرام , تشوفون فيه الشخص اللي مو صاحي , بس هو اصحى منكم انا شايفته , هو واحد من الأهل , و الله أعقل من العاقلين , اول ما ندخل , يجي و يسلم علينا , و بعدها يروح و يجيب لنا شي نشربه و يضيفنا مع انه عندهم بدل الخادمة الوحدة ثلاث خادمات , و إذا شاف شي موبزين في التلفزيون , او غيره , يعصب , و يصكر التلفزيون اول ما يأذن نسمع صوته يقول : الله أكبر , الله أكبر ما أقول إلا حسبي الله و نعم الوكيل إذا كنت شايف نفسك أعلى منه , بيجيك يوم و ربي بيخليك أسفل منه لا حول و لا قوة إلا بالله و بعدين أحسن , البنت افتكت من المعقد , و الله جاب لها واحد محترم , و بالعكس كل ما يدخل البيت يكون جايب شي لأخوها اللي فيه توحد الله عوضها خير لكن أنا اللي قاهرني , هو ذاك الأهبل منه لله |
قصة مؤثرة حقاً ضحى .. ومايؤذي أكثر انها واقع لمستيه ورأيتيه ..
و المؤسف ان الخطأ هو خطأ الأهل .. الأطفال المصابين بالتوحد ليسوا مرضى .. هو مجرد خلل في عقل الطفل و إلى الآن تفاوتت الارآء حول سببه الأكيد .. أطفال التوحد علاجهم التأهيل .. فما يعانون منه في المقام الأول هو عدم القدرة على الإتصال بالعالم الخارجي .. ومما ذكرتِ بدا واضحاً ان هذا الاخ المصاب .. مدرك لكثير من الامور حوله .. بالتالي .. نسبة تأهيله وعلاجه ستكون كبيرة جداً .. الحديث عنهم يطول .. كل ما اعرفه ان بهم النابغين .. وان بالإمكان تأهيلهم ليتكيفوا مع الحياة .. على أية حال .. الحمدلله الذي عوضها خيراً من ذلك الزوج .. و ارجو صدقاً ان يتم الإلتفات لهذا الأخ ... فهو لايختلف كثيراً عنا .. شكراً لمشاعرك الطيبة والرقيقة وصادق دعائك ضحى .. |
والله ما توقعت ان فيه ناس باتخلف هذا اذا كان يرى ان مثل هذا المرض
عيب في البيت وما اضن انه يراه عيب لو كان فيه اوفي بيتهم وهذا ما يستحق انه تقال له كلمة انسان فكيف يكون زوج لا حول ولا قوة الا بالاله مع شكر الشعبي |
في رأيي انها نجت من زواج فاشل بحكم عقلية الزوج .... |
اختي اساير ... شكرا على مرورك
تسلمين ... شكرا لك ... والحمد لله على كل حال ... و شكرا على مرور الأعضاء الأخ الشعبي الأخ ثامر شكرا لكم كلكم على مشاعركم الصادقة |
للأسف فيه ناس كثييييييييييييييييييييييير
كذا مايحمدوون ربهم للأسف الله يمهل ولايهمل.................. الشكوى لله |
هلا ضحى
نورتي وينك ضحى من جد في ناااااااااااس كذا كثيرررررر هذا ان دل على شي دل على تخلف الشخص بس احسسن ربي فكها من واحد جاهل ولا تقهري نفسك ولا حاجة ربي يحفظك ويسعدك دووووووم شكرا مرررررررره |
للأسف و الله ناس شايفين عمرهم ....
رورو انا عادي ما ني قاهرة نفسي دحين , البنت تزوجت و صار عندها ولد و بنت ربي يخليهم ... يهبلوووووووووووووووووووون السالفة قديمة حدها , لكن امس تذكرتها و قلت أكتبها شكرا على المرور |
لا تعليق ^_^
|
أتفق مع الأستاذ ثامر في رأيه
|
الحمد لله على كل حال ... و انا بعد لو تشوفون بالموضوع قايلة انو احسن افتكت منه ...
و شكرا على لكل الاعضاء |
:(
|
السلام عليكم
بس خلونا شوي منصفين يمكن الرجل خايف من العامل الوراثي ويجيه عيال فيهم توحد ويتعب معهم ويمكن ان عدم افصاح الاهل من البدايه ان لديهم ولد مريض بالتوحد خلاه يفكر ويقول اذا هم اخفوا عني هالشي يمكن مخفين عني اشياء ثانيه ويمكن الزوج الثاني الي تزوجته الاخت الله يسعدهم مع بعض طبعاً كان عنده خبر من البداية وانا ا توقع ان الي صار في الزواج الأول خلاهم ياخذون درس ويقلون للعريس الي جاي عن كل شي ولا يخفون شي الي ابي اوصله هو انا ما ناخذ الموضوع بطريقة عاطفية بحته والشي الثاني انا نحاول ان ناخذ العبره من مثل هذه القصص ومنها على سبيل المثال في القصة السابقه ان الصراحه راحه في كل شي والوضوح نور يريح كل الأطراف التسرع في اتخاذ قرارت مصيريه شي غير صحي بالبته وغيرها من الفوائد الي مايسعني ذكرها الان حبيت اطرح راي يحتمل الصواب ويحتمل الخطاء والله يسعدكم ويحفظكم يارب اخوكم الأمل القادم |
صح كلامك , و انا كمان كنتت قايلة في الموضوع ان الغلط من الام هي اللي
غبت على العريس , لكن ما عليه .. عسى ان تكرهو شيئا و هو خيرا لكم شكرا لك على مرورك الله لا يحرمنا من ضحكتكم الحلوة |
| الساعة الآن 05:37 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا