نفساني - جرائم من بني الانسان

لسلام عليكم ورحمة الله وبركاته

طبعا الجرائم لا تأتي من العدم ... و الفاعل هو دائما الانسان

الجريمة الاولى ...

في احد الايام ... ذهبنا في العطلة الصيفية ...الى الشاليه ... و تركنا الطير نونو

مع القطة المفترسة سيزر ... ( يا اني كنت اكره هالسيزر .. ياااك تجيب المرض )

المهم كنا حاطين الطير مكان ساعة الحائط فوق الباب ... و حاطين للأثنين أكل

و كان أبوي الله يعطيه العافية كل يوم يحدر الديرة عشان يوكل نونو و سيزر

و بعد ما عدنا الى البيت ... و جدنا المفاجأة الكبرى ... قفص الطير طايح من

فوق الباب , و الطير مختفي , قعدنا نتابع اثار ريش الطير , و لقيناه تحت

سريري , منتف ملعون بوخيره , سكين الله يرحمه , كله من سيزرو البلاعة

المفترسة ... شلون نطت فوق الباب ؟ صارت شاذي ... , شلناها بعد ما عرفنا

الجريمة التي ارتكبتها و حذفناها بعيد عن بيتنا ...

طبعا السبب الأول و الاخير كان علينا , حنا اللي هدينا القطوة على الطير ..

الجريمة الثانية ....

اذا كان احد فيكم قاعد ياكل خليه يقط اللي بيده , و يحط يمه ازبالة إذا كان من

النوع اللي تلوع كبده

يقول لك كان في يوم من الايام ... امي و ابوي طالعين عشان اختي الكبيرة

تعبانة حييييييييييل ... راحوا يودونها المستشفى ....

المهم ...

انا و اخوي الكبير و خواتي الصغار في البيت ... فجأة شفنا شي يتخطرف

بين القنفات ... صرخوا اليهال ... واااااااي فااااااااار

اخوي و انا صرنا رمز العدالة زورو , و سوبر مان , دخلنا اليهال دخل غرفة

و سكرنا عليهم الباب , و صرنا نطارد الفار , اختي الصغير صارت تصرخ داخل

الدار و تضرب الباب حيييييييل ما ندري وش بلاها بطلنا الباب عشان نشوف وش

فيها , خلصنا منها بسرعة و سكتناها و سكرنا الباب ,

لكن تتوقعون وش اللي جرى ؟ ...

الباب ما عاد يتسكر , و انا اسكر فيه حيل , ولا راضي يتسكر عدل ,

طليت تحت الباب , و الا اشوف الحلو الفار بين شقي الباب , و عيونة مبطوطة

و طالع منها دم , و حلجة يجيب المرض , و شلكة , مسكين الله يرحمه

اذا كانت لايعة كبدكم .... ترى انا من النوع اللي ما تلوع كبدي , عادي

و بعد الحادثالمؤلم , صرت انا و اخوي , نرفع اعلام النصر ... مستانسين ليه

حرمنا احد الكائنات الحية من العودة الى استرها محملة بالطعام ...

جرررررررررررم

موصح .... ؟

غيرالجرايم الاخرى التي تحدث بين امريكا , و غيرها من الدول و خاصة العراق

و فلسطين .... و هذا اكبر جرم ....

.......................................يتبع