نفساني - ^^جواهر وجوليا تتحدثان^^

بسم الله الرحمن الرحيم

السلام عليكم ورحمة الله وبركاته

حوار مثير ... بين جواهر و جوليا :

( الحجاب )

جوليا : أنتم حجابكم يغطي الوجه ؟
جواهر : ايه
جوليا : الله يعينكم كتمه مع الحر
جواهر : ايه صح بس نار جهنم أحر
وأبي الكل يعرف شي أنا مسلمة وأفتخر بحجابي
ماتضايقت منه وفي نزعته عذابي
ولا يشرفني تركه يااحبابي
انا مصونة بيني وبين الغريب الف حاجز و حاجز
كثير يتمنون يحضون مني بشي بس لا..لا ....

انا فوق انا نجمة محد يوصلها..انافي القمة محد يحصلها (الا بشرع الله ) بس فيه أقلية لهم رأي مخالف بس صوتهم عاااااالي العفن مهما كان قليل ريحته قوية ..

(قيادة السيارة)
جوليا : ماتسوقون انتم صح ؟
جواهر : لا طبعا
جوليا : اهاليكم مايوثقون فيكم ؟
جواهر : انامسلمة ويشرفني ماأسوق...اناملكه عمرك سمعتي ملكه تسوق ؟
انااغلى من العين والموق ... اناالحمدلله مكاني فوق
فيه من يتولى امري ويخدمني بذوق
ويوديني لأقل وأبعد مشوار مايعوق
جوليا : ليه ماتطلعون لحالكم ؟
جواهر : لأني اغلى من أن أترك لحالي
في الشارع في من يبي يذوق طعمي الحالي
في الشارع في الصالح والطالح يتمنى يجي قبالي
اهلي يخافون علي انا غالية
يخافون علي حتى في نظرة غريب حانيه
يخافون على سمعتي لاتخدشها كلمه نابيه
يخافون على كرامتي لا تنجرح وتنكسرسمعتي السامية
بس في اقلية لهم رأي مخالف بس صوتهم عااااالي العفن مهما كان قليل ريحته قوية

(المساواة)

جوليا : انتم مظلومات مررره صح ؟
جواهر : لا
جوليا : اجل ليه رجالكم حرموكم من المساواه ؟؟
جواهر : ومن قال أنّا نريدالمساواه
اناامرأه ... انا انثى
اناضعفي هو سلاحي هو فخري وعزي وكفاحي
انااختلف عن الرجل ...انا لي قلب وجل
كيف اواجه الدنيا بثقل... ماابغى مساواة في العمل
كيف احمي اسرتي اجل ؟
انا ابي احد مسؤول عني وانا له متابعة
مااعرف انا اشيل همي ..يامر وانا اسمعه
جوليا : وش تعرفين اجل ؟
جواهر : اعرف اسعده بودي وشوقي اللي اجمعه
امسح جبينه بيدي ولا اترك فرصه لمدمعه
ماابغى مساواة....اناخلقني الله ... ويعرف اللي ابغاه
بس في اقلية لهم رأي مخالف بس صوتهم عااالي العفن مهماكان قليل ريحته قوية

(التعدد)

جوليا : ياصبركم على رجالكم حاقرينكم صح ؟
جواهر : لا
جوليا : اجل ليش الواحد مايقتنع بزوجته وبس
مثلاً العربي يتعدد بالزوجات لا وبالدس
جواهر : شريعة الله
انا مسلمة قبل اكون عربية ...وأعرف اللي خلق البشرية
هواللي عطى الرجال الصلاحية...وموعيب ان التعدد منتشر هنيه
هذا شرف لي ولكل بنيه...ان اوامرالله تتنفذ وبحسن نيه
وانتم عندكم من زود (( الحرية )) ...يمشي الرجال ومعه زوجته وخويّه
بس في اقليه لهم رأي مخالف بس صوتهم عااالي العفن مهما كان قليل ريحته قويه

منقول بتصرف بسيط