|
يارب ارزق من يرد على مشكلتي الجنه ورفقه الرسول صلى الله عليه وسلم
السلااااام عليكم
ابي ادخل الموضوع اللي ذابحني انا ابتليت بلوه مالها اول ولا تالي انا انخطبت من ولد خال ابوي واخته زوجه اخوي بالاول قالتلي اخته موافقه قبل لايخطبوني رسمي انا رفضت لاني مابي اتزوج والولد مو راضيه فيه ولا مقتنعه وقالت لامها هالكلام امها قالت اوكي ماراح نيي بعدين اخطبتله امه وحده ثانيه رفضو جان يرجعوني ويخطبوني من اهلي لما قالتلي امي رحت لاخته وقلتلها ليش ماحترمتو رايي ليش امج كلمت اهلي اتصلت بامها وسالتها قالت عني اني مااعرف مصلحتي (( اهي شكو مو امي ولاشي طاح حظها ماكو احد رضا بولدها ياتنا لان امي ماراح تردهم ولانهم يصير ولنا وغير هذا عندي اخت اكبر مني ماياها اي خاطب وامي حال اي ام بالدنيا تبي تشوف بناتها يتزوجون وامي تتمنى ناخذ ناس يقربون لنا وابوي يقول غريب مانزوجج انا قلتلهم راي صارلي يومين اقولهم لا جان تيني امي امس وتبجي وطاحت عندي قلتلها خلاص افكر كلمت اخته من يديد قلتلها طلعوني من المشكله اللي ورطتوني فيها وابي الرفض يي من صوبكم كلمت امها قالت مااقدر عشان مايقولون اننا نقص عليهم او لقينا عيب بنتهم (( الله لايبارك فيها لو فيها خير احترمت رايي ما وهقتني مع اهلي)) الله يخليكم ساعدوني انا بين نارين ارفضه وهذا قرار انا مقتنعه فيه لكن اخاف يصير شي بامي واحمل نفسي مسؤوليه وهذا خوفي الوحيد انا احب امي مابي يصير فيها شي او اني اوافق عشان خاطر امي وانسى نفسي واهدم حياتي مااقول الا لاحول ولا قوة الا بالله وبعد التوكل على الله مالي غير نصيحتكم الولد مايعيبه شي لكنه لايناسبني وحاولت احببه في نفسي لكن مو داخل هالشي براسي عموما الزواج بكبره مافكرته فيه ولا ابيه حاليا ولا اكو احد بالي كل شي قلته وقراري الرفض لكن خوفي على امي اخاف يصير فيها شي الزواج مو لعب ولاني مستعده اتحمل هالمسؤوليه وادعولي اطلع من المشكله بخير لي ولامي ومن كثر تفكيري ماكل شي وتعبانه ولا اذوق طعم النوم واحس بدوخه وانهرت والذنب اللي بيتحمله ام الولد اللي بالغصب تبي تزوجني لو فيها خير احترمت رايي وماوهقتني والحمدلله على كل حال واسألكم الدعااااااااااااااااااااااااااااااااااء ردووووو علي قبل يوم الخميس لان الرد بنعطيهم فيه والسلام ختام |
السلام عليكم
يبدو وبشكل واضح بانك مدركة معنى مسؤولية الزواج ومايترتب على الموافقه او الرفض ان كنت حقا لا ترين هذا الشاب الزوج المناسب لك فمن حقك رفضه تمسك برأيك ان كان هذا قرارك ولم يبدر منك اي خطأ بل كنت تسعين للابتعاد عن الخلافات والمشكلات اما والدتك فراحتها في راحتك انت حاولي ان تقنعيها بوجهة نظرك بهدوء وعقلانية وفقك الله وكتب لك الزوج الصالح |
السلام عليكم
شكرا لردج السريع دكتوره والله المشكله صعبه بالنسبه لي كلمت امي وقلتلها انا مابي احمل نفسي مسؤوليه مو قدها حاليا ولا ابي اييب عيال وقلتلها عن امه وانها اخطبتله وحده بعدين رجعوا لنا كل مااحاول افهم امي بوجه نظري تقولي انا مااغصب بس كل البنات تزوجوا بس اصغر منج وعندهم عيال وعددت فلانه وعلانه وتخاف علي ان ماكو احد ييني وتخاف من الغريب وبما ان هذا قريب فتعتقد انه المناسب لي قلتلها يما انا مو مقتنعه فيه واحاول اقتنع ماكو فائده اشوف نظرات امي الحزينه ودي افرحها بس هذا الشي مو مقتنعه فيه ولا اهي فاهمتني وتقول ماادري يابنتي انا اتمنالج الخير وهذا قريب ويصيرلنا ونفس الاسطوانه واعرف انه امي ودها تزوجني اليوم قبل باجر لكن المشكله فيني مو مقتنعه فيه ولا يناسبني وهقتني امه بسبب عنادها الله لايبارك فيها وانا مااقدر اخذ شخص ماابيه ولايدخل بمزاجي وماابي اتحمل هالمسؤوليه وتوني بعز شبابي عمري 20 سنه بس اهلي يحسووني اني عله عليهم واذا رفضت جنها نهايه العالم عندهم يقولون احنا باجر بنموت وماكو احد عندكم ويمكن هذا رزقج الوحيد وكلام الاهل مايخلص انا عن نفسي مابي لكن اخاف على امي هذا همي وكل تفكيري اخاف يصير فيها شي وانا اتحمل هالذنب والله يعلم ان نيتي اسعد امي وبحياتي ابرها وكل شي سويته عشان رضاها بس هالمسأله مصيريه الزواج انا اللي بعيشه شسوي ماكو احد يفهمني مابي اتزوج لاني مو قدها حاليا مااقول غير الله لايبارك بام الولد اللي عاندت رايي والله يفرج همي وان اطلع منها مثل رمش العين ونسمع شي عنهم واهلي يرفضون مو بس القرار مني وكلهم يقتنعون ادعولي الله يخليكم انا محتاجه هالدعاء |
عزيزتي الله يوفقك ويرزقك الزوج الصالح بالوقت الذي تكونين فيه انت مستعده لذلك
يبدو بان هناك امور أخرى تجعلك ترفضين هذا الشاب بالذات ومن حقك عدم كتابتها وانت مقتنعة برأيك ولاتريدين التنازل عنه وهذا ايضا من حقك يبقى مشكلة والدتك وكيفية اقناعها اخبريها باسلوب هادئ الزواج قسمة ونصيب وأمر كتبه الله لكل فتاه وهي في بطن امها ورزقك موجود عند رب العالمين وهذا الشخص ليس الوحيد بالعالم وكم من بعيد وغريب كان افضل من القريب وشيء اخر حبيبتي لا تقولي " لا بارك الله فيها " كي يوفقك الله في حياتك اكثر تحياتي لك |
والله قبل شوي كلم امي الحزن اللي فيها يحسسني بذنب
وقالتلي بقلب مكسور وحزين والدمع بعيونها واليأس كانه اخر شخص بالدنيا فكري واذا تبيني ازيد مده التفكير بقولهم واشترط عليه سنه بعدين يتم الزواج قلتلها انا مو مقتنعه صليت ودعيت ربي وحاولت بس مو مقتنعه لا بالزواج منه ولا من غيره قالتلي عن سوالف حريم انخطبو ورفضو والحين تزوجو رياييل كبار السن وندمو على رفضهم انا منهاره مابي اشوف الحزن بعيون امي وكاني انا السبب وامي فرحتها تسوى الدنيا واهلها لكن بهدم حياتي اما دعائي بان لاربي لايبارك فيها لانها سببت لي مشكله انا كنت غنى عنها ومن القهر اللي فيني مشكلتي هي هم امي وحزنها وخوفي يصير فيها شي وانا السبب لا امي فاهمتني وتقارن نصيب البنات فيني انا مقتنعه برفضي وهذا بالنسبه لي اهم شي مستحيل اعيش مع انسان مو مقتنعه فيه لكن امي همي الوحيد ادعولي ان الله يفرج همي مو بس الرفض يكون مني ومن امي بعد ومشكوره على ردج والله يوفقج بكل خطوات حياتج بالدنيا والجنه دارج في الاخره |
حبيبتي
انا متفهمه المشكلة ووالدتك ما نلومها وهذا من خوفها عليك وحرصها وقلقها بسبب كثرة القصص التي سمعتها وتخشى ان يكون مصير بناتها شبيه بتلك القصص لا سمح الله لا تلومينها وحاولي ان تهدئي الامور ولا ترفضي لمجرد الرفض ولا تقولي لا هو ولا غيره فقد يتقدم بعد فتره قصيره الشخص المناسب لك ولكن عديها بانك ستتزوجين من الشخص الذي تشعرين تجاهه باطمئنان نفسي فالله سبحانه وتعالى يبث في قلب الفتاه الراحه والطمئنينة عندما يتقدم لها رجل هو من نصيبها ويشعرها بعدم الاطمئنان وعدم الراحه من الشخص الذي ليس من نصيبها وهذا الاحساس بحد ذاته نعمه من الله عز وجل لان مسألة الزواج من اعقد واصعب المسائل فهي اساس عائلة جديده وذرية جديده وانساب ادعو لك من كل قلبي بالتوفيق والهداية وان تنتهي المسألة بهدوء ورضا من الطرفين |
| الساعة الآن 08:41 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا