نفساني - ماأظن فيه أحد عندة مثل مشكلتي أرجوكم تردون عية ...

السلام عليكم
أول مرة أشارك بهـ المنتدى وأتمني ماتخيبوا ظني فيكم
مشكلتي هي
لما باأواجهة شخص سواء شخص واحد أو أكثر لما أبدأ بالكلام
أبدأ تمام وشوي وإلا بنص السالفة أتوقف مو عارفة ايش أقول ووش كنت بأقول
رغم لما أجلس مع حالي وأتدرب على الموقف الاقي نفسي تمام وأمشي بالكلام
وكنت أراجع عند طبيبه نفسية وكانت تقول عندي رهاب بس والله ماكنت أحس بنفس الحالة هذي وهي اني مااقدر اتكلم أو انسى السالفة بالاصح
ومرت معاي الحالة لماكنت بالتربية العملي هو ابدا في الدرس وأي حركة تنسيني بس هالحين احس الحالة بدأت تزيد معاي
مع العلم لما أروح مناسبة وأي مكان أكون واثقة من نفسي وشكلي وبدون خوف بس مشكلتي هي بالكلام وحتى السلام يجيني مثلا خوف لما باقول السلام إنهم ماراح يردوا عليه او انه اللي حوليني راح يتريقوا..
هذي هي مشكلتي وجزاكم الله خير