أرجو من الاستشاريين مساعدتي
 

السلام عليكمورحمة الله وبركاته

أولا حبيت اني أنضم لهذا المنتدى الرائع وأكون دائما عند حسن ظنكم .

هذه أول مشاركه لي في هذا المنتدى وحبيت أكتب فبه مشكلتي عسى ألاقي الجواب الشافي.

أنا متزوجه وام لطفلين قبل لا اتزوج كنت أخاف من اي حادث اشوفه او اسمع بخبر وفاة احد او اني اروح للبر كنت اخاف من هذه الاشياء واخاف انام في الظلام وكان عندي قله في النوم .

لين تزوجت بعد اربع سنين من زواجي وفي يوم من الايام كنت جالسه اشوف التلفزيون بروحي ومره وحده احس بدقات قلبي احس اني اسمعها بوضوح في اذني وارتجف وأحس بخنقه وكنت خايفه لدرجه ما تتصورونها وبنتي كانت عندي ورحت اتوضا واصلي لأني كنت خلاص حاسه انه هذا هو الموت واني بموت رحت اصلي ما قدرت اتخيل القبر وعيالي وزوجي بعد ما اموت المهم اتصلت في زوجي وخذني المستشفى وسوولي الفحوصات قالو مجرد قلق المهم اتكررت عندي الحاله كل يوم بعد هذا اليوم كانت اتييني نوبات من الهلع وارتجف واخاف واحساسي كله بالموت المهم رحت اتعالج عند دكتور نفسي وعطاني العلاج والي هو الزانكس والسبرالكس وخذت العلاج لمدة 7شهور وبعدها حملت قبل ما اوقف الدوا فقال الدكتور اني ما اكمل اوقف لمدة شهرين وبعدين اذا احتجت اكمل العلاج المهم اتحسنت وايد خلا فترة العلاج اما الحين بعد ما وقفت الدوا احس اني بموت وكل تفكيري بالموت وان هذا الي يصيبني كله احساس الموت واقول اني بموت قريب وافكر في عيالي واصيح حياتي كلها عذاب وما انام الا الصبح عندي قله في النوم خاطري انام مثل الناس واقوم الصبح جربت لكن ما في فايده .
هل هذا اللي فيني احساس بالموت او اني اتوهم من الخوف .

بلييييز ساعدوني والله اني اتعذب ومب قادره اتحمل .

ليش ما في احد يساعدني :(

أهلا بك

ما ينتابك من مشاعر الخوف هو بسب اضطراب الهلع لديك وبما أنك نوقفت عن العلاج تنتابك الاعراض لا تخشي شيئا اتمنى أن تذهبي لمراجعة اخصائية نفسية وليس طييبا للتنفيس الانفعالي وتعلمك طرقا للمواجهة النوبة وستعلمك الاسترخاء النفسي هو مهم جدا وناجح مع حالتك هذه

والله يرعاك