متى تكره نفسك ... ؟؟
 

السلام عليكم ورحمة الله و بركاته ..

متى تكره نفسك ؟؟؟

عن نفسي أكره نفس عندما ...

1- أزعل الماما و البابا ( و خاصة البابا لأنو كثير ما أقط عليه دلاقيم )

2- لما أصرخ على الخادمة و هي جاية تناديني للأكل ..

3- لما ما أحل كويس في الامتحان ...

و اذا عنك أنت ... ؟ متى تكره نفسك

اكره نفسي او الومها عندما افعل شيء للغير ويردها لي بعكسها
ودئما اردد هذي العباره ( انا لا اتعلم من اخطائي) اي اني مهما سويت لهم الخير ردونه لي العكس
وكل ما اقول ما ابي اعلمهم او اساعدهم انسي وارجع مثل الاول واندب حضي العاثر

اكره نفسي عندما لا اقدر ان ارد او اتعامل بموقف ما في الاماكن العامه
اكره نفسي عندما لا يقدرون الناس ما افعل لهم والله وحده يعلنم ما بي الصدور
اكره نفسي عندما اسامح الاخرون الذين اضروني بسرعه اي لا استطيع ان اصبر والعجب اني انا لتي تبادر بسمح اي لم يعتذروا لي حتي او انسي انهم اخطوا بحقي لاني بطبعي نسايه جداا
اكره نفسي عندما اعرف الذي امامي يستغلني ماديا او معنويه لاغراض في نفسه
ولك مني ارق تحيه
اسرار

عندما أضرب أطفالي ....


وقد أقضي ليلتي كلها بدون نوم .. على الرغم من أنني قد أكون ضربتهم في الصباح اليوم السابق ..


أؤنب نفسي .. وأقضي طول الليل أتنقل بينهم أقبلهم وأحتضنهم وهم نائمين ...

شكرا على المرور

عندي شغلة ثانية أكره نفسي لما أسويها ...

لما أكبر المخدة عن الصلاة ( عن غير قصد )

انا يا غاليتي
اتفق مع كلامك وبكلامك البسيط اختصرتي ما كنت اريد ان اقوله في ردي الاول
اسرار

والله عن نفسي كرهت حالي بس ساعه ساعه وحده

لما عصبت وضربت اخوي ضرب مو سهل

كرهت حالي اليوم لاني متوتره واعصابي مشدوده

بنت خالتي جت بتودعني لانها بكره بتسافر

عطيتها تطنيشه مو سهله وبالحيل كرهت حالي لما راحت

بخصوص ابها بوست بنت اختي الصغيره وقالت هذي لخالتك جود

اشكرك ياضحي والله يسعدك

والله طلعت شوي من الحره الي بقلبي

أيواااااااااااااا

عاشت جود ... و الله طلعتي منتي هينة تكفخين ...(:

خطيييييييرة مررررررررة ...

بس ما كان عليج إنج تفلعينة .. حرميه من شي يحبه عشان يفرفر ...

إللي عندنا الحمد لله امينن مثلي ... بس إذا عصبوني أخزهم خزة و أقول لهم

هين .. ما أطلع kurapica إذا ما راويتكم .

بس ... يعني أقفل تموين الحلاو و الكاكاو ... أرفع الجام ... ما أعطيهم أم أهتمام لما يتكلمون

أخليهم يتحرقصون من القهر ... و ما أرضى إلا لما ترجع لي .....

تعرفين شغل يهال ... سو لي .... حط لي ...

بس عن سالفة بنت خالتج ... ما كان لازم تسوين معاها إللي سويتيه ..

بس هم الحالة إللي كنتي فيها ما كانت سهلة ...

لو مكانج جان سويت أكثر من جذي ...

إللي بقلبج طلعيه لا تخلين فيه شي ...

حياج الله كل يوم تعالي ...

الله لا يحرمنا من ضحكتك الحلوة

ياجنوني ياضحي

انا مدري وش صاير لي هاليومين

تبلد مو طبيعي

جوالي انقطع فجاه ويقولون انه عطل فني

ومن ثلاث ايام وانا ادور احد يشغل جوالي ب س للاسف ماحد حولي

.......................................

طلبت من الوالده اننا نسافر رفضت تقولي نسافر جده عند عمك

وانا اقول نسافر للطائف عند ابوي

واخوي له راي اننا نسافر لابها

وش هالحاله

واقتنع الجميع بعدم السفر بسبب سفر عماتي ؟؟؟؟

والله حاله نراضي ناس علي حسابنا

بس وش نقول حكم القوي علضعيف

شكرا لسماعك اقصد قرائتك لاحرفي

دمتي في رعايه الله وحفظه

شكرا للمرور

السلام عليكم

kurapica " شنو يعني اسمك؟؟"

سؤالك, جوابه صعب, وعميق, يحتاج الواحد يفكر ويفكر, ويظل يفكر

بالنسبة لي, الجواب وايد صعب, أكثر مما تتصورين, لأنه في مواقف وايد
مريت فيها, وتركت أثر عميق في نفسي, صعب إن اصف الإحساس....

أكره نفسي.............
.. لما أحس إني في بيت مو بيتي, وأهلي مو أهلي, لما ما أحس إني انتمي لهم

.. لما الضغط اللي حولي يكون شديد, ويخليني في وضع أعجز عن إني أطلع منه
وما أقدر أفكر إلا فيه, والحل مو بإيدي, لأن اللي يسببه شخص آخر مو أنا

..لما تنتابني مشاعر مخلوطة من الغضب والكراهية والحزن والحقد تجاه ناس
مفروض إني أحبهم, لكني ما أقدر

.. لما "أكون مظلومة ومقهورة وفي ذات الوقت عاجزة ... اقتباس من زنبقة السفح"

.. لما ولما؟؟
أعتقد إن اللي ذكرته يكفي

شكرا

بالنسبة لي اكره نفسي حين اقوم بعمل لست مقتنعة به في قرارة نفسي لكني على الرغم من ذلك اقوم به

واكره نفسي حين اغضب على سبب تافه او اكبر مسألة صغيرة

واكره نفسي حين اهمل دراستي في بعض الاحيان