عاجل جدا لكي سيدتي د فوزيه الدريع
 

اهلين ... حبيبتي

بصراحه انا من عشاقك و احترمك كثير واحبك واثق بشورك ورأيك...

وابيك الحين وبعد إذنك تساعديني بمشكلتي الي بقولها لك

انا تقدملي واحد وخطبني وجلست معه وارتحت كثير و انا استخرت كثير وماعرضلي اي شي حسيت براحه ,,, قعدت مع اهله (امه) انسانه طيبه وعلى نياتها وحتى الأبو كلهم خوش ناس.
وهو الرجال يوم سأل ابوي علية كلآ يمدح بأخلاقه وماعليه خلاف.

بس طولت فترة الخطبة كثير ,,,, والحين ابوي سأل علية واحد كان مسئول عنه في الشغل وقاله انه هو رجال طيب وأخلاقه كويسة بس لللأمانه هو يتعالج عند طبيب نفساني
ويوم ابوي قابل الدكتور قاله ان هو يعاني من مرض اسمه (الأضطراب الوجداني) وهو ماهو موزمن يجيه على فترات وياخذ كورسات علاج وهذا اخر شهر له.

انا الحين مره متردده وخايفة وماعرف شي عن هذا المرض أخاف اوافق واندم يكون شي صعب وماأقدر اكمل معه او أتحمل .

ياليت ياقلبي تشورين علي وتعطيني تفصيل عن هذا المرض وهل هو مدى الحياة يقعد ولا مجرد فترة وتعدي,,,, وهل اقبل فية وإلا ارفضه ونتهاينا...
بس انا ارتحتله وارتحت ل أهله وموعارفه ايش اسوي

ابوي يقولي خلاص محنا مجبورين والحمدلله ماصار شي بينكم بس انا قلتله بسألك بالأول واشوف ردك لي بعدين ساعتها اقرر قالي اوكي.

وانا الحين انتظرك على احر من الجمر ...ولا عليكي أمر ياقلبي تردي علي بسرعه لأني مستعجله مرررررررررررره.


ولك مني كل الحب والتقدير .................


الله يوفقك ويقويك ويسهلك امورك كلها,,,,,, اللهم امين