الأطفال ... عالم
 

نعم ... الأطفال عالم

فمن يدخل عالم الطفل يرى كل شيء

فليس الطفل كما يقول الكبار( ياهل و ما يفهم )

........ - كيفكم بحول -....

الياهل هذا إللي ما يفهم ( على قولتهم ) امبحلق عينة ...

مو على بالكم يهال ألحين نفس يهال أمس .... تقصون عليهم بجم كلمة .


ذاك اليوم في جمعة الأهل ... جلسنا أنا و خالي نتكلم عن تربية الأطفال

بعد ما شفته يمسك يد ولده على استكانة الشاي الحارة لما صار ولده يبكي.


و قعدنا نتكلم بالانجليزي علشان كان الأطفال متجمعين بمكانا و ما بغيناهم
يفهمون

ما وعيت إلا ولد خالي نقز من مكانه و قال : أدري اتحجون عني

قلت له : أثاريك طلعت أسود الدؤلي بالانجليزي ... اشفهمك ؟

قال: أصلا خذينا بالروضة معناة كلمة شاي بالنجليزي
..............................................

راحت هذي السالفة و جت غيرها . بنت خالتي الصغيرة

كنا قاعدين نشوف التلفزيون ... ماوعيت إلا و فزّت .

قالت: اشحاطة على عيونها كأنه روب امعفن

كانت تتكلم عن المذيعة و كانت حاطة شدو على عينها لونه أخضر

............................................

و راحت هذي السالفة و جت غيرها

كنا عند اشارة المرور و عند اليسار صوب الزرع لقينا شجرة معوية
واااااااااااااااااايد عن حدها .

فقال ولد خالي : إي شفتوا هذي الشجرة لأنو إللي زرعها ما حط لها
خشب يحدد اتجاه نموها .

......................................

هذي سوالف تحكي الفطانة عند الأطفال ,, أما عن الدهاء و الخديعة و الخطط .



كمان في يوم جمعة العائلة خلصنا من الغدا و قمنا الصالة للشاي .

طلعنا كلنا عدا الأطفال كانو متجمعين على شكل دائرة يرأسها ولد خالي .

فرحت عندهم و سألتهم عن سبب هذه الحركة

فرد ولد خالي : شغل اصغار الكباار ما يدخلوا في شغلنا .

تدرون وش اطلعت المؤامرة ؟؟؟

خمطوا أغراضنا و شنطنا و صرنا اندورهم ... و يوم قلنا لهم ليش
سويتو جذي ...

قال الزعيم : عشان تعرفون تقطون أغراضكم .

.................................................

هذي سوالف الأطفال يوم الجمعة ...

فخلوا بالكم منهم ... لأن للأطفال عالمهم الخاص .


........................................


شكله الأخ كيلوا راح ينتف شعره من هالموضوع


الله لا يحرمنا من ضحكتكم الحلوة