البروزاك ونوبات الهلع والخوووووف
 

السلام عليكم ورحمة الله وبركاته

انا يادكتور اعاني من اكتئاب مصاحب لنوبات هلع وخوف .. ورحت لدكتور عندنا ووصف لي في المره الاولى سيروكسات نص حبه مع ريمون نص حبه واستمريت عليها شهرين وتحسنت حاتلي من ناحية الاكتئاب تحسن كبير بس من ناحية الخوف صار التحسن بطئ ووصف لي الدكتور سيرالكس مع ريمون نص حبه واستمريت شهرين ثانيات ونفس المره الاولى تحسن بطئ وقبل اسبوعين رحت للدكتور وصرفلي بروزاك مع ريمون نص حبه يوميا انا الحين لي اسبوعين اخذ بروزاك واحس اني متحسن كثيرا من ناحية الاكتئاب واحس ان ودي اضحك ومستانس بس لايزال فيني التفكير السلبي اللي هو الخوف يعني اذا جيت ابي اطلع برا البيت يجيني تفكير غريب اني ابي اطيح او اتعب ولاعندي احد واحس ان الجلسه في البيت هي قمة الامان عندي ... عاد انا مادري يادكتور هل البروزاك مفيد في علاج الخوف والتفكير السلبي عند الشخص يعني يغير هالمفاهيم الخاطئه اللي مخزنه في راسي .. ياليت القا الجواب الشافي منكم .......

حياك الله أخي الفاضل ***

أخي أنت بحاجة إلى جلسات سلوكية لتعديل الافكار السلبية و تدريب على أساليب مواجهة الاعراض والخوف الان العلاج الدوائي وجدة لا يكفي , لابد أن تكون الفائدة أكبر بين العلاج الدوائي والسلوكي , لكن الدواء يمكن أن يفيدك فية د. عبدالرحمن الاطرم لانه ذو خبرة و إستشاري في الطب النفسي ***

تحياتي لك , و أتمنى لك الشفاء العاجل

السلام عليكم ورحمة الله وبركاته
البروزاك يحتاج وقتا كافيا لاظهار نتائج ايجابية بالنسبة للرهاب ولم تستفد من الادوية السابقة قد يرجع لعدم تناول جرعات كافية

يادكتور انا حالتي يمكن وصفها برهاب الساح
لاني قريته في الصفحه لرئيسيه عندكم وكل اعراض هالمرض فيني .. يعني في البيت مافيني شي واجتماعات الناس والعزايم عندي في البيت عادي لكن اذا جيت ابي اطلع برا البيت جاني هالتفكير السلبي .. لاتقولون لي ابي جلسات سلوكيه لاني عايش في قريه ولافيه عندنا عيادات نفسيه واللي يصرفلي هالعلاجات دكتور باطنيه وله خبره طويله .. فاللي ابي اعرفه هل البروزاك يفيد لمرضى رهاب الساح ..

يفيد انشاء الله في حالات كثيرة حسب جرعات مقننة بعد تقبل الجسم له واعطاءه وقت كافي