من خالد حائل الى د.سليمان القحطاني
 

انا خالد من حائل عمري ست سنين ونص وانا دايخ ابانام ومتى تعطيني موعد والباقي بكرا وتصبح علىخير

* خــالــد / حــايــل .. وشـــــلــــونــــــك طـــيــــــــــــــب .
 

* الســلام علــيــكم .. وشــلــونــك يــا خــالــد .. .. يــاللـــه بــكــرى إذا وصــلـــت مــع مــامــا إلـــى حــايــل .. وبــعــد مــا تســلـــم عــلى أبــوك ... واخــوك الــكــبـــيــــر ... وقــلـــه أنــا أســلــم عليـــه كثــيــر مــــرّه .. كــبــر الــريـــاض ... وســـلـــم على كــل أخــوانـــك .. وقــلــهـــم أشــتــقــــت لــكــم وأنـــا في الــريـــاض ...
* أنـــت الــبــارح دايــخ ونمـــت .. بــس قــلـــي فــرّشـــــت أســنـــانــــك وألا لا ... إذا فـــرشـــتهـــا يــصـــيــر عــنـــدك نجـــــمــــــــــه زي هـــــاذي ( * ) والنـــجــمــــه قــلـــنـــا بـــريـــال واحــــد .
* وشــــلــــون اللـــعـــبـــه ... شـــريــــــت الحــجــــر حـــقـــهـــا و لا لا .
* بــعــــديــــن أكتـــب الــلــــي ودك تــقـــولــــه ... وأخـــوك الكــبيـــر يــــكـــتـــب كـــل شـــيء ... وهـــو بــــعـــد يكتـــب الـــلـــي تــقـــولــــه .. بــس تـــكــلـــم بشــــويـــش مـــو ســــرعــــه . .. بــكـــره إذا مـــا صــــرّخـــــــت .... ولا زعــــقــــت عــلى مــا مــا أنـــا أكـــتـب لــهــــا زي مـــا كتـــبـــت لــــي ، وخلـــيــــهــــــا تـعــطــيــــك ممــــكـــن 3 نجـــمـــــــات ( * * * ) .
* إذا وصــــلـــــت حــــايــــل مــــا تـــروح للــبـــقــــالــــه يــعـــنــــي مــــا تـــطـــلــــع مـــن البـــــيــــــت وفـــيـــــه بـــعــــد نجـــمــــــات ... يـــــوه يـــبـــــي يــــصــــيــــــر عــــنـــــد نــــجــــمـــــات كـــثــــيـــره .. بــــعــــديــــن تشـــــتــــري ســـيــــكــــل ... صـــح .
* يــالـلـــه مـــع الســـــلامــــــه يــاخـــالـــد .... بـــــعــــد أنـــــا دايـــــخ مـــثـــلـــــك أبــــي أنــــام .

الى الدكتور / سليمان القحطاني . من خالد
 

الســـــلام علــيكــــــم ورحمـــــة الله وبــــــركاتــــــه
هلا دكتور طلعنا من المطار 8.30 ورحت للبيت ومارديت امس لأني مشتاق لاهلي .
وأمس مالبست ........ ونقطت شوي على السرير .
وانا ماطلعت من البيت واليوم الجمعه نبي نطلع مع العائله للمنتزه
وانا اسف مافرشت اسناني البارح
لكن وعد ان افرش اسناني الليله .
وانت وشلونك طيب ؟
وانا مشتاق لك كبر حائل .

* الحــمــد للــه عـلى الســلامــه ..
 

* صــبــاح الخــير يــا خــالــد ... وشــلــونــك الـيــوم .... وكــيــف المنــتــزه اللــي رحــتـو لــه حــلــو .. فيــه الـــــعــاب و إلا ..لا .. مــا كــان فيــه بــرد .. وإلا أنــت لابــس زيــن ... مــدّفــي ....
* أنـــا بــعــد مشــتــاق لــك كـثــيـــر كــثـــر الـطــيـارات ألا في المــطـــار ، وفي الســمـــاء ، وإن شــاء اللـــه إذا جــيــت للــريــاض أشــوفـــك ، وعــنــــدي لــك هـــديـــه حــلــوه ... أخــليــهـــا لــك مــفــاجــئــــه .. كـــيـــف اللــعــبــه شــغــلــتهــا .
* تــعــرف يــا خــالــد أنــا أكـــتب لــك ، وأكـــل ( مــن الــلــي جــبــتـــه لــي هــديـــه بــــس أنــا مــا نــي عــارف هــو كــلــيــجــا ، وإلا مــعــمــول حــلــو مــره مــره ... حـــتـى جـــدّتـــي تــقــول حــلــو بــس هــي مــا تــقــــدر تــاكــلــــه عــلى شــان هــو قــاســي مــــالــهــا ســنــون طــايــحـــات .. مــا كــانــت تفــرش أســنــانــهــا يــومــهــا كنــت أقــولــهــا يــوم أنــهــا صــغــيــره بــس كــانــت تعــيــي .. بــس حــطــيــتــهــا لــهــا في الــشــــاي عــلشـــان يــصــيــر لــيـــن ، فــرحـــانـــه هــي كــثــيــره ، وتـقــول : لــك شــكـــراً .
* الــيــــوم إذا قــمـــت عــلــمــني في اللـــيــل قــبــل مــا تنـــام .. كــل الــلــي ســوّيــتــه .
1- فــرشــت أســنـانــك
2 - الــبــارح قــبــل مــا تنــام مــالبـــســـت ذيــك .. ؟؟ !!
3- نــقــطّـــــت أشــوي ولا .. لا
4- طــلــعــــت مــن البـــت و لا ... لا
5- في النــهــار لمــا كنــت تـلــعــب .. تــروح للــحــمــام مــن يــوم تحـــس بــذاك .. عــلــشـــان مــا تــســويهــا صــح يــعــنــي تــســويــهــا في الحــمــام .
6- كـــــــم مــرّه صـــرّخــــت على مــامــا
7- قــلــي مــامــا مــبــســوطـــه مــنـــك كــثــيــر وألا شــوي .
8- كـــم عــنـــد مـــن نجــــــمــــه حــلــحـــيـــن .
* ســلــمــنــي على بــابــا ، وعــلى أخــوك الــكــبيــر اللـــي يخــليــك تــســتعــمــل الأنتــرنــت ... شــــفـــــــت أنــا قــايــل لــك أخــوك مــا يــقــول لا أبـــد عــلشــــان هــو يحـــبـــك كــثـــيــر زي أخــتك الكــبيــره .
* يــاللـــه يا خــالـــد أنــا هلـــحــيــن أبـــروح أنـــام تعــبــان مــن الكـمــبيــوتــر ، وأنـــا عـــارف انـــك ذكـــي وتــســـمـــع الــكــلام ، قــبــل مــا أنــســـى لاتــنــســـى تــشــرب الحــليــــب في الــصــباح . مــع الـــســـلامـــه .

الى الدكتور / سليمان القحطاني . من خالد .. 2..
 

السلام عليكم ورحمةالله وبركاته
وشلونك دكتور ؟
رحنا للاستراحه ولعبت وانبسطت لكنها برد شديد
وامس رحت مع ابوي واخوي الكبير للمزرعه
وجينا متاخرين شوي ولا رديت عليك
ولا لبست هاك اليوم ....... ولا بللت على نفسي
وصارخت على امي خمس مرات
ولعبت بالتراب وامي هاوشتني
وبكرا ان شاء الله ابي اروح للمدرسه .
وبعد مااجي اكلمك واعلمك عن المدرسه واصدقائي
وانا مشتاق لك كبر مطار حائل وطيراتها والرياض بعد .
والسلام عليكم .

...... ماقدرنا نكتب رد لجل كذا كتبنا موضوع ..........

* يــالــلـــه بـــدت الـــدراســـه بــعــد 3 شــهــور تجــي الإجــازه !
 

* الســلام ، عليـــكــم ورحـــمــة الله ، وبركــاتــه ... وشــلـــونـــك يا خــالـــد ... الـيـــوم أنــت رحـــت للمـــدرســــه ... وبـــعـــد أنـــا كــلــّمـــت المـــديـــر حــقــكـــم ألــي أســمـــه راشـــد ، ويـــقــول : أنـــــه يــعــرفـــك ، ويــعــرف أبــوك ، وأنـــك شــاطـــر في الــدراســـه ..... وبـــعــديــن كــلــمـــت المـــرشــــد الــطــلابــي أبــو عــادل ... على طــول عـــرفـــك وقــال : هــو مـــاخــــذ في كـــل الـــدروس ( 1 ) يــعــنـــي ممـــتاز .. أنـــا قلــتــلــــه ســلّــــمـــنـــي على خــالـــد قــال : تعــرفــــه وأنـــت في الــريــاض ، ... قلــــت : لــــه أيـــه ... هـــو صــــديـــقـــي .. بس ويـــقـــول : إن المـــدرســـيــــن إذا يبـــــي يـــطــلــــع مــن الــحـــصــــــة على شـــان يـــروح للـــحـــمـــام مــا يـــخـــلــــونــــه يـــروح ..... قـــال لـــــي أبـــــد أنــــا أقـــــول لـــهـــم كــلـــهــــم يــــطـــلـــعــــونــــه إذا يبــــــي الـــحــــمـــام ... خـــلاص بــعـــديـــن عــلـــمـــنـــي إذا فيـــــه أحـــــد مــا يـــخــلـــيــــك تـــــروح للـــحــمـــام ...
* قــلـــي الآن كـــم عــنــــــدك مـــن نــجــمــــه .
* بـــعـــديـــن التـــراب الــلـــي لــعــبـــت فيــــه نــظــيــف وإلا وســـخ إذا كـــان نــظــيــــف يــعــنـــي رمـــل نــظــيـــف مــثــل اللــي في البــــر مــا علــيــــش قـــل لمــامــا يــقــول : ســليــمــان ألــعـــب فيــــه شـــوي ، وإذا خلــــصـــت أغــســــل يـــديـــــــه ، وبــعــــد أقــــص أضــافــــري زيـــن .
* مــا قــلـــت لـــي في الــنـــهــــار تـــروح للــــحــمـــام ، وإلا لا ..
* قـــلـــي ليـــــه صـــرخــــت 5 مـــرات ... وأمـــس يــعــنـــي يـــوم الأثــنــيـــن كـــم مــــرة صـــرّخـــــت ..
* كــــم يـــوم الآن مـــا رحـــــت للـــبـــقـــالـــــه .
* وشـــلــــون أخـــوك الـــكـــبيـــر مــعـــك الآن يـــروحـــبـــك مــعـــه وإلا لا .
* خــالـــد ســلــمنــي على أبــوك ، وعــلى المــرشـــد ، والمـــديــر .
* يا الـــلـــه كــلــمنـــي عــن المـــدرســـه ، وشـــلــون الآن تحــب المــدرســـه شــوي وإلا كــثــيــر ، والمـــدرســـيــن وشــلــونــهــم مــعـــك .
* خـــــالـــد تــعــــــف أكــــثـــر شـــي أحـــبــــه جــــدّتـــي في الـــدنــيـــا كلـــهـــا ، وبــعــــد أنـــت أحـــبــــك مــثــلــــهــأ .

الى الدكتور سليمان .
 

السلام عليكم ورحمة الله وبركاته
كيف حالك دكتور سليمان ...؟
أروح للحمام كل يوم
ولا رحت للبقاله الا أمس
لأنهم عطوني فلوس النجمات
والنجمات الحين كثيره
وصارخت على أمي ثلاث مرات
وصرخت على اختي كثير
والتراب وصخ وأمي واعدتني
تجيب لي رمل نظيف عشان العب فيه
والمدرسه ميه بالميه
والمدرسين حليلين .
وأنا أحبك كبر مطار حائل والرياض وتبوك والمدينه وجده .
مع السلامه .

* الســلام ، علــيــكــم ، ورحــمــة اللـه وبركـاتــه ..
* كــيــف حــالــك يا خــالــد .. وأنـا بــعــد واللــه حــبـيــتـك كــثــيــر .. ولــك عــنــدي هــديــه إذا جــيـت إلى الرياض ..
* أنــت يا خـالــد شــاطــر مــرّه عـلـشــان كـل يــوم تـروح للـحـمـام من نـفســك ، وعلـشــان المــدرســة ميــة المـيــه !!
* الــصـراخ لـمـام بــعــد زيــن 3 مـرات أول كــثـيــر ثــم أخــر مــره قـلــت لــي 5 مــرات يــعــني كــل يــوم ينـقـص الـصراخ إن شــاء اللــه بكـرة تـقــولــي مــا صــارخــت أبــد ( وإذا صــار هــذا لازم يـعـطــونــك 6 نجـمــات منــي أنــا .. أخــوك الكبيـر يســمــعــنـي يـعـني يــقراء اللي أكـتــبــه .. عــطــوه 6 نجـمـات إذا مـا صــارخ بكــره !!
* مــا قـلــت لــي في الـيـل تـنــام بــدون ذاك ...
* لازم تـقـول لمـامـا شـكـراً إذا جـابــت رمــل نـظـيــف .
* بــعــديــن النـجـمـات أجــمـعـهـا عـلشــان تـشــتري سـيـكــل وإلا نـسيــت .
* شــيء حــلــو يا خــالــد مــارحــت إلا مــرة واحــده للبــقالــة .. أكــيــد مــامــا فــرحــانــه كــثــيــر .
* مــع الـســلامــه يا خــالــد .. وبــعــد أنـا أحــبـك كـبر مـطار الرياض ، وجــده ، وحــائـل ، وتـبوك ، والمـديـنـه ، وشــقــراء عـلشــان جــدّتـي فيــهــا .