مخنوقة بسبب مرض مو معروف!!
 

[align=center]السلام عليكم ورحمة الله وركاته[/align
يعطيكم الف الف عافيه على الموقع المفيد
ماتدرون شكثر انا فرحت لما لقيت موقع متخصص - فيه منتدى مميز بمراقبينه واعضائه لمساعدة الناس ...والله انا فرحت لاني لقيتكم بالصدفه
أسال الله يمكنكم ان شاءالله انكم تفيدوني بالحاله اللي انا فيها حاليا - فعلا حاله اجبرتني اني اختار نك "مخنوقه" لاني والله يشهد علي كلامي مخنوقه - بقولكم شنو حالتي.. واتمنى انكم توجهوني - تنصحوني - توضحولي ....لاني بصراحه ماني عارفه شنو اللي غير حياتي....

انا احس بختناق وضيق تنفس وماعرف اتنفس عدل وتيني دوخه حيل اذا صليت واذا قاعده اسولف ومانام عدل اقعد ساعتين بالفراش على مانام وقلبي يعورني بشده واحس امراض الدنيه فيني وراجعت الاطباء كلهم يقولولي مافيج شي وقالي دكتور هاذي الحاله ماتروح منج طول عمرج واحس صدري بيوقف من ضيق التنفس
يعني رحت المستشفى بسبب ها الحاله اكثر من مره يعطوني حبوب حديد ومقويات
وبعدين ارد نفس الشي ، ويسوولي تخطيط قلب يقولولي مافيج شي يعني يبيحسسوني غصب اني انا متوهمه وانا والله حاسه انه فيني اختناق واحس بقلي والحاله هذي اثرت فيني صرت ماروح المعهد الا غصب وبضغوط من الاهل وجم مره بغيت اختنق وانا بالمعهد بس اتصبر ليما ارد البيت يعني صرت كله بغرفتي ماحب اطلع مع العلم اني انا ماكانت طبيعي بالاول جذي كنت اضحك واقلب الناس وعلاقاتي الاجتماعي زينه الحين تغيرت ، ناس يقولوي حاله نفسه انا وناس تقولي اخذي ادويه مهدئه بصراحه مادري سسوي انا على الله وعلى نصيحتكم لي وبعد شنو تشوفن فيني يعني ماراح اطيب طول حياتي بتم جذي لنه ها الشي صار فجاه فيني اهلي تعبوا من كثر مايودوني المستشفى وارد مرت ايام اروح باليوم مرتين احس اني صرت عاله على اهلي يقولولي انتي مافيج شي انتي توسوسين وانا احس مو تفكير بس لانه احس اني اختنق واحس بقلبي طول اليوم يعني مو بس تفكير يصير معاي اشياء احس فيها ، بس زين ياربي ليش ماتبين بالفحص . يعني انا فيني مرض مومعروف ؟
ارجوكم ساعدوني - والله يجزاكم خير.

السلام عليكم ورحمة الله وبركاته
اختي الفاضلة اهلا وسهلا بك في هذا المنتدى الذي اسال الله ان يكون منتدى خير وعون للجميع
ومن هذا المنتدى ابشرك بان هذه الحالة بسيطة جدا وانت لست وحدك تعانين منها بل هناك كثير من الناس تعاني كما تعانين وتحسنت حالتهم بشكل واضح ومن كلامك يتبين ان مالديك هو نوع معروف من انواع القلق بما يسمى بنوبات الفزع وهو احساس بخنقة وضيقة ودوخة وربما ظهر بعض الاعراض مثل خفقان القلب والالام جسمية متفرة وبرودة ورعشة احيانا رغم ان التحاليل الطبية والتخطيط سليم عطفا على مصاحبة اعراض اكتئاب بسيط من لوم للنفس وعدم الاستمتاع بمتع الحياة خاصة وانك من الناس الحساسين الذين يفكرون كثيرا ويهتمون والكتومين فهذه الاعراض تزيد بزيادة الضغوطات حوليك وهذا الامر يتطلب علاج دوائي وعلاج نفسي سلوكي والامر بسيط ولاتقلقي فالله وعد بان يجعل بعد العسر يسر والله يحفظك ويرعاك ويمكنك الاتصال هاتفيا لاستكمال المناقشة

مادري شقولك بس مشكور واايد شسوي عشاان اترد حالتي نفس قبل

للحين ماياني رد شسوي لني الصراحه ماعرف شي ومأدل ؟؟؟

اختي لمناقشة الحالة يفضل الاتصال هاتفيا للوصول

زين اشلون اتصل فيكم ماعرف شي انا شسوي ؟؟؟

اتصل على هاتف المركز ويرشدوك على هاتفي