الى من يستطيع مساعدتي ... لاتتردو لاني على وشك الموت
 

السلام عليكم

ترددت وايد عشان اكتب لكم هذي الرساله

الصراحه مشكلتي او سالفتي هي
اني تعرفت على شخص وعمري 12 سنه وحبيته حب ما ينوصف حتى اني بعت وايد اشياء عشان خاطر عيونه وسويت اشياء يمكن ما تخطر على بال احد وضحيت بوايد اشياء بس عشان هو يرضى عني.... وبعد مده افترقنا لانه اهلي عرفوا كل شي .... والحين انا عمري 17 وبعده هالحب بقلبي وفي هاي السنه الدراسيه تعرفت على وحده حسيت انها بالنسبه لي الدنيا وما فيها حبيتها حب ما ينوصف لدرجة اني اكلمها في اليوم اكثر عن 20 مره ومع الايام نستني حبي الاولي وبديت اهتم فيها وافكر فيها وايد وهي تبادلني نفس الشعور لين ما خلصنا الامتحانات كلمتها بعد الامتحانات وقالت لي انها ما تقدر تبقا وياي وانها تعبت مني وايد ومن طبعي لاني انا احب امتلك الشخص اللي جدامي وانه يكون لي وحدي والحين هي رافضه تكلمني وترد علي والصراحه فكرت انتحر ورقدت في المستشفى وما قلت لها وهاي هي سالفتي ......



يمكن تقولون انه ما في مشكله في حياتي بس انا اقول لكم اني تعبت نفسيا وفكرت اني انتحر اكثر من مره اول مره عشان الشخص اللي حبيته والحين عشان صديقتي وانا مب عارفه شو اسوي لها عشان ترضى علي لاني اذا فقدتها بموت لاني وحيده في هاي الدنيا وما عندي ربع غيرها و اطالع الله ثم اطالعها لاني اول مره فقدت حبي الوحيد وما اقدر افقدها



ساعدوني الله يخليكم لاني تعبت وتعبت من كل شي يصير في حياتي
هاي لمحه عن حياتي وما خفي اعظم ............... ارجو مساعدتي

ارجو منكم المساعده لاني على وشك الموت و فكرة الانتحار ما تروح عن بالي

الى كل من يستطيع المساعده

الأخت / توفا سلمها الله
يبدو من حديثك أنك وحيده ولايوجد لك أقارب تتحدثين معهم وتزورينهم ، وما علاقتك بوالدتك ، وهل والدتك تعرف عنك كل شيء ؟ أم أنك تخفين عنها ولا تصارحينها ، يبدو أنك مكتئبة ، لذا يلزمك مراجعة مركز الطب النفسي السلوكي أو الاتصال بالمركز وتلفونهم موجود في هذاالمنتدى مع دعائي لك بالتوفيق .

ابراهيم الدريعي

السلام عليكم
انا الصراحه ما عندي حد و امي كبيره في السن وما تفهمني ولا اقدر اقول لها شي والصراحه انا صدقق محتاجه اني اكلم حد


وشكرا على الرد