ماما فوزيه الدريع انا فكرت في الانتحار اكتر من مره
 

السلام عليكم ماما فوزيه انا اسمي روان من السعوديه شفتك اول مره في برنامج

سيره الحب وكنت مرتاحه لردودك على المواضيع الي بتنطرح لكي دكتوره تكفين

ساعديني انا مالي من بعد الله غيرك دكتوره انا والله موضوعي عمرو ماكان هين انا

عندي عائله من احسن العوائل وعندي ام الله يخليها لنا مافي ام زيها وكانت دايما بتقول

انا مااعرف شي اسمو مراهقه خصوصا في بناتي لانو الحمدلله ماحصل انو تعبناها ومن

ناحيت بابا فهو متوفي عمري ماحد ضحك عليا لانو كنت فاهمه الي بيحصل مع البنات

دكتوره بعد وفاه بابا دحين ست سنين من بعد ماتوفى بفتره عرفت واحد ومو عن طريق

الترقيم هوا كان بيعرف صحبتي وكانت تبغى يرتبط فيها والبنت ماهي كويسه وهوا عارف

وهوا ولد عائله معروفه عندنا هنا لمن عرفت انو مومفكر فيها بزواج سارت تتمصلح منو

وهوا بيعطيها بس بكيفو كان بيعرف رقم موبايلي حصل انوماما قالتلي ابعدي عنها لانها

مو كويسه بعدت عنها سار بيتصل عليا وكنت بقولو انو انا اتزاعلت معاها المهم سار

بيتصل يوم بعد يوم وكنت بكلمو بس ماحصل انو فكرت في انو ممكن احبو مرت الايام

وسرت بكلمو من اول مااصحى لين ماانام حبيتو ياذكتوره وهوا حبني وهوا كان معايا

بالمره محترم

وكويس استمرت علاقتنا سنتين بعدها سافر امريكا لانو اهلو كانو يبغى يدرس لغه لانو

اتنين من اخوانو مقيمين في امريكا قبل مايسافر يادكتوره قالي اشياء ماكنت افتكر انو

ممكن خصوصا للي في شخصيتو ممكن يتكلم او يرتاح لاحد بسهوله وانا كمان لمن

قالي انو كان جرب كل شي حشيش شراب كل شي يعني صدقيني يادكتوره بالرغم انو

بكيت من الفجعه لكن حبيتو بزياده لانو وثق فيا اكتر سافر امريكا وكانت الفتره الي بكلمو

فيها بس اتزاعل معاه بيتظايق ولمن نتصالح بيفظل يبكي وانهار لمن سافر امريكا

خصوصا انو اهلو كانو متصلطين سافر واعطاني رقم تتلفونهم في امريكا وكان بيكلمني

وبيطول وسارت مشاكل مع اخوانو علشان بيطول المهم تعب في امريكا ودخل

المستشفى ولمن رجع كنت بكلمو بس متضايقه منو لانو دخل مستشفى امراض

نفسيه لانو الي كان بيشربو الحشيش بالذات كان بيشربو كتير او هوا يمكن ماكان عارف

يتعاطاه دخل المستشفى ورجع من امريكا وكان بيكلمني وبيكلم اهلو بطريقه شويه

غريبه يتلكم بزعل وينافخ على اهلو بس معايا بيحاول يتكلم بهدوء شويه وكنت مستغربه

كيف يكلمني قدام والدته بعدها اتضايقت بالمره من مزاجيتو وبقول هوا مريض واخوه

الي اصغر منو كان عارف انو احنا بنحب بعض ففمره دقيت عليه مارد دقيت على اخوه

وقلتلو صحيه من النوم ماصحي اتخاصمت مه اخوه وبعدها مادقيت عليه وحاولت اتناساه

الفتره الي طافت وقلت خلاص فتره وعدت كانت بتجينا اذيه على تلفون البيت مره كتير

ماجاه في بالي انو هوا بالمره لانو الفتره الي راحت صح حبيتو بس ماكنت متأكذه انو

بيحبني حتى بعد كل الي بيعملو علشاني مااعرف ليش برغم انو معاملتو ليا بتدل انو

بيحبني واختي دايما تقولي انا ماحس انك ياروان تحبيه بس هوا بيحبك يمكن علشان

مااحب ابين لها بس عارفين اني احبو بس كانت بتقول هوا بيحبك اكتر ماعرف ليش هيا حاسه كذا

وبعد تقريبا مازهقنا من الاذيه

في البيت حطينا كاشف بعد تقريبا 8 شهور من الاذيه الين ماشفت رقمو طبعا الاذيه

كانت حتى في جوالي من ارقام غريبه ناس ساكتين بعد الكشف شفت رقمو وسرت

مستغربه معقوله فاكرني كنت بشوف رقمو وبرد بدون مااحسسو انو عرفتو الين في مره

ارسلي نفسي اكلمك على موبايلي دقيت ماحد رد وجلس يدق على البيت ويسمع

صوتي واسمع صوتو وهوا يبكي ومو عارف يتكلم الين مارد طبعا بعد صعوبه كلمتو

واستمرت زي اول واحسن بعد فتره سنه بعد ماكلمتو من بعد ماقطعت عنو فتره كان

سايرلنا مع بعض 3 سنين بعدها حصل الي عمري مافكرت انو حيسير انو دخل عليا

دكتوره لاتستحقريني بعدها جلس يقولي والله اني ابغاكي واتعلق فيا اكتر بعدها تاني

يوم بلعت حبوب ونقلوني المستشفى والحمدلله طلعت بالسلامه خصوصا انو الذكتوره

كانت تعرفنا وماكبرت الموضو ماما فظلت تسئلني وانا اقولها مافيا شي تعبت مره تعبت كرهت

نفسي عارفه يادكتوره انو من يوم ماسافر امريكا واخوانو عرفو انو بيحبني ويبغى

يتزوجني وبعد مارجع من امريكا اهلو عرفو انو بيحبني ويبغاني اكون زوجتو يعني جلس

سنتين تعبان وساكت ولمن بنفتح سيرت الزواج مايحب يجرحني ويقولي انو اهلي

بيعرفوكي ويعرفو كل شي عنك بس رافضين وانا كنت عصبيه على طول وبتخاصم معاه على طول

هوا بطبعو كتوم وانا عصبيه بالمره دكتوره انا ماعرفت بس منو انا اختو دقت عليا

وجلست تتخاصم معايا انهم كلهم عارفين انو لمن مايكون في البيت ولا المركز معناه انو

معايا رسئلتني عنو وانا من الفجعه انها كيف عرفت رقمي ماعرفت

اردعليها وفظلت اقولها ماعرف انتي بتتكلمي عن ايش وقفلت في وجهها ولمن كلمتو

ماستغرب انو اهلو يعرفو رقمي بس زعل وضربها علشان كلمتني بطريقه وحشه وانا

سرت اتخاصم معاه انهم كيف عرفو رقمي وفمره كنا بنتغدى عندهم في الديوانيه

وكنا ندخل من نفس البوابه لفلتهم وكنت دايما اقولو لاتدخل من البوابه الاماميه بس مابيخاف

من احد ومره كنا جالسين نتغدى ودخل اخوه والحمدلله لحقت اتغطى ولمن دخل سار

بيتكلم انو انتي روان انا يادكتوره ماخفت وقلتلو ايوا وعبد الرحمن سار بياكل ومطنش

اخوه وفضل التاني يتكلم وانا عملت وانا حعمل بالرغم من انو كان في امريكا ورجع هوا

وواحد تاني من اخوانو ولمن كان بيتكلم يرفع صوتو انا كمان كنت برفع وعبد الرحمن كان بيهديني ورد على اخوه وقالو والله انو ماحتقدر تسوي شي

حاول انو يكلمني بهدوء علشان اسمع كلامو انو نبعد عن بعض

وفضل يقولي عبد الرحمن ماشفتي كيف كان يخطرف بأسمك وهوا في امريكا وابغاه

يكون قوي قدامك انتي بالذات اتخاصم هوا وعبد الرحمن وكان اول مره اسمع فيها

عبدالرحمن يسب ولمن حاولت اخرج هذاني وسلم على راسي وايدي ويحط راسو على

رجلي بعدها عبد الرحمن تعب ورجع للحشيش ودخل المستشفى مره تانيه وكنت

بكلمو علشان ياكل ويسمع كلام الدكتور بس يادكتوره كان بيضرب الممرضين ويسب اهلو

برغم انو هوا مو كذا مايحب انو يتلفظ كلام وحش ورحت للدكتور الي بيعالجو وقالي طب

عادي كملو مع بعض بالحرام وماخلاني اشوفو وكان شايف حالتي

وبعدها كلمت عبدالرحمن وماقلتلو اني جيت المستشفى وبعدها اخدو التلفون من الغرفه دقيت رد عليا واحد طلع اخوه قالي

انتي روان وكان بيكلمني بهدوء بس بأسلوب لئيم بس انا ماسكت وكنت برد عليه الين

ماحترم نفسو وقالي انتي عارفه انو عبد الرحمن بيحبك بيموت فيكي بس زواج انسو

المهم في النهايه عرفتو مستواه واتكلم بأدب وطلب مني وقالي عبد الرحمن مايسمع

كلام احد غيرك خليه يشرب الدواء ومايسبني هامو بس انو يحترمو ويسمع كلام الدكتور كلمت عبد الرحمن

بس ماقلتلو انو كلمت اخوك بس مافي دقيقه الى ودخل اخوه حسبي الله ونعم الوكيل

بعدها اتعافه وبطل نهائي الي كان بيشربو وكل الي بيماشيهم سابهم دكتوره عندو اخون

الكبير متزوج بنت عمو بس زواجه كذا وبيعرف عليها حريم كتير واخوه التاني الي كلمني

واحنا في الديوانيه هاذا اكبر خربان وبيشرب بلاوي بس يبغى كلمتو تمشي ومو عارف

كيف ومتزوج بنت عمو وبيعرف حريم ومابيحبها هوا قالي واخوه التالت اتزوج اجنبيه بعد

ماعمل مشالك في العائله واتزوج الي بيحبها بس اجنبيه يعني لا فرح ولا مهر ولا اهل

واهلو استسلمو برغم انو كان بيكلمهم انو مايبغى بنت خالو ومارضيو غير انو حط اهلو في مشاكل مع بيت خالو ومشى الي في راسو

وعبد الرحمن 6 سنين وبيكلم اهلو ومو موافقين الين

ماقال لوالدتو بعد تعب لانو كان رافض انو حكايت انو دخل عليا احد يعرفها غير انا وهوا

وربنا وفي النهايه قالها وماستغربت ولا خافت الله برغم انها بتصلي قالتلو عادي سيبها

واتزوج الي اخترناها لك وحده يادكتوره من الجامعه مع اختو مايعرفو عنها ولا شي

ويقولولو حنتعرف عليهم واحنا سئلنا وهما كذابين لا سئلو وان سئلو الناس ماحيعيبو

البنت ولا اي بنت خصوصا انهم سارو يقولو انتا ماتبغى من العائله اهو جبنالك من بره

العائله بس روان لا واخوانو كل من يالله نفسي وحتى لمن كلم ابوه رضي قالو اخت

صاحبي بس اخوه حسبي الله عليه الي اتخاصمت معاه في الديوانيه قالو هوا بيعرفها ويحبها

واتخاصم مع عبد الرحمن وقالو ماني موافق مدام انك تحبها دكتوره عائلتو كل من يالله

نفسي يقولولو تبغاها روح اتزوجها لانو عارفين انو ماحيقدر يسوي شي بدونهم ولا عمرو

اشتغل وكل اخوانو مابيشتغلو غير في حلال ابوهم بس مافي ريال مايطلع الى ويعرفو في راح

دحين هوا يبغى يعمل جمعيه وبيدخل الاسهم وبيعمل اي شي خصوصا بعد ماقالتلو

والدتو انو عادي سيبها حتى لو دخلت عليها وهيا حتتزوج ولو ماتزوجت الي اقولك عليها

انا حموت فارضيني قبل لاموت وكل شويه وحده من اخواتو تقولو متى حنروح للبنت طب

شوفها طب كلمها عادي مو حرام انك تكلمها طب املك عليها وكلمها دول ناس عادي

الام سعوديه والاب مو خليجي يعني عادي تكلمها جالسين بيحلوها في نضرو وهوا

كاره نفسو ومتظايق من اهلو ومستحقرهم خصوصا انو والدتو عرفت وتقول عادي وانا يادكتوره انضربت من اهلي بعد ماتقدملي اكتر من

عريس ورفضت حتى سرت اي واحد يتقدم اقولو انا بعرف واحد واحبو في ناس وافقو

بس بشرط انو اكون نسيتو بس انا مااقدر كل ماتقدملي واحد افظل اقولو كذا يادكتوره مااقدر اموت ولا اتزوج واحد تاني وهذا مو كلام بجد

ومحاولت الانتحار سارت معايا وفبالي مره كتير انا عجزت بصلي الحمدلله بدعي كتير تعبت تعبت انا

يادكتوره لمن بزعل منو بزعل من بروده اعصابو انا بطبعي اتكلم لمن بزعل لكن

هوا مابيتكلم لو اتكلم في النادر ومابيحب يقولي لا في اي شي انا مااعرف ايش اعمل

تايهه لدرجه انو في وحده بعرفها تقولي اوديكي عند وحده تقرا على اهلو ويوافقو بس

تبغى 9 الاف قلتلها سحر قالت لا

بس كلمت اختي وقالتلي هاذا سحر وكلمتو هوا وقلتلو

حتى لو سحر انا موافقه هوا مارضي وقالي حرام انا اصريت سار يقولي طيب بس هوا مو مقتنع لانو شرك

وانا خفت من ربنا وطلعت الحرم وان شاء الله ربنا يغفرلي انا يادكتوره عجزت وتعبت

خصوصا انو هوا كمان من النوع الي يقهرني بارد وبالو طويل اتكلمت معاه كتير يقولي

انتي بتجلس تقهريني وماتسمعي كلامي وتعايرني بالي اتقدمولك واحس اني رحت ولا

جيت مو فارق معاكي ماعرف ليش على كل الي بعملو بيحس كذا وهوا بيقهرني ببرودو

دياما يقولي انتي ماتحسي بالنار الي حاسس فيها خصوصا انو اهلي في وجهي ولمن

اتزاعل معاكي بتخليني اروح اجلس في الغرفه معاهم وانا ماحب اشوفهم وبيبان عليا

انو زعلان ويعرفو انو اتزاعلنا ويسيرو يصرو عليه اكتر على بالهم انو زعلان وحوافق

يادكتوره كيف اتصرف اطنشو ولا اتعامل معاه بطريقتو ولا ايش اعمل انا مندفعه

وهوا هادء ايش اعمل يادكتوره اييييييش اعمل اهلي مو عادي اقلهم يدبحوني وقبل

لايعرفو انا حموت نفسي مقهوره والدنيا مسوده في وجهي مافي

شي حلو كارهه نفسي مااعرف ايش ابغى مااعرف ايش يعني راحه دكتوره فوزيه

ساعديني ايش اعمل ولو انتحرت حموت كافره بفكر في الانتحار اكتر من الاكل والشرب

وبقول لو انتحرت ربنا عارف ايش حصلي وحيغفرلي انا بكتبلك وانا مقهوره مااحب احد

يشوفني وانا ابكيي سرت بس ابكي حتى لو قدامو اتضايق احد يشوفني ابكي انا

متضايقه مخنوقه يارب خليك معايا وانصرني عليهم لو انا بنتها وتخاف الله ماقالتلو عادي

سيبها حتى لو ماحتتزوج غيرك حسبي الله ونعم الوكيل حسبي الله ونعم الوكيل يارب

خدني وريحني دايما بدعي انو ربنا ياخدني والله حرتاح الدنيا مره وحشه مره وحشه

خايفه اموت كافره دكتوره انا مقهووووووووووره ومحروقه

دكتوره فوزيه ساعديني

دكتوره فوزيه لم تعد موجوده هناك اخصائين في المنتدى ان احببتي انتظري ليردوعليك

مفتاحه
 

مشكوره اختي مفتاحه بس ممكن تقوليلي دكتوره فوزيه في اي منتدى اوايميلها او ارقام تلفونات لها في الكويت ومشكوره مره تانيه للأخصائين والاستشارين في الموقع الله يعطيهم العافيه