إيش اصعب موقف حصل لك ؟
 

السلام عليكم ورحمة الله وبركاتة
انا طبعا حصلت لي مواقف صعبة كثيرة بس ما اذكر كل شيئ بس من ضمن المواقف الي ما نسيتها
وانا كنت بختبر في كلية الطبية العسكرية بالضهران وانا جاي من الأحساء احنا ومعة ربعنا كنا اربعة كان واحد من ربعنا بيقدم في الإختبار وما سمحو له طردوة لاأن نسبة ما تأهل وبعدين مدري جاتني ضحكة قوية علية لاأن ماقبلوة وضحكت في وجه وكلنا ضحكنا لأن الطردة كانت طريفة اشوي وبعدين يجي دوري علشان اقدم طبعا قبلوة شهادتي وفرحت كثير بس سألني سؤال قال عطني البطاقة الشخصية وافتح المحفظة علشان اعطي البطاقة شان ماشوفهة في المحفظة دورتها يمين يسار ما شفتها دورت في السيارة يمكن نسيتها اتضح اني نسيتها وبعدين صار العكس صديقي الي ما قبلوه وربعنا كلهم ضحكو علية كثير وانقلب الموقف ضدي بعدين قلت والله ما يصير لازم اجيب البطاقة من الأحساء كان اتصل على ابوي واحكي له السالفة كان زفني بشكل غير طبيعي وما خلى كلمة ماقالها لي انت غبي وانت ماتعرف الحياة وانت وانت الى ماله نهاية وبعدين يرسل اخوي يروح الظهران وفعلا اخوي ماقصر وجاب لي البطاقة جابها قبل الأختبار يبدأ ب5 دقائق وبعدين قبلوها واسمحو لي اختبر والحمدالله اختبرت بس بعدين عطونا النتائج ولا واحد منا نجح بعدين صديقنا المسكين ضحك علينا كلنا
وهذا من المواقف الصعبة الي حصلت لي

اتمنى منكم ان تحكو لنا وتشاركونا في هذا الموضوع

انا اصعب موقف حصل لي
كنت انتظر زميل لي في العمل من شركة اخرى حيث انه كان من المفترض ان يتم عقد اجتماع بيننا الساعة العاشرة صباحا
انتظرت صديقي و زميلي و لكنه تأخر جدا حتى الساعة الحادية عشر و لما اتصلت به على الجوال و جدته مغلق
بعدها بخمس دقائق اتصل بي احد الاصدقاء الشخصيين مكن خارج العمل
و لا يعرف زميلي الاخر
و سألني عن زميلي هذا ان كنت اعرفه ام لا فقلت له اني اعرفه
و اني منتظره في الاجتماع
فقال لي انه توفي في حادث سيارة الان
و انه علم اسمه و اسم الشركة التي يعمل بها من اقامته
و هو يعلم ان لي تعامل مع تلك الشركة
صراحة كانت صدمة قوية في حياتي
و موقف ما مر علي اصعب منه

الله يعينك فعلا موقف صعب