تعبت من هالعيشه .. أبي حل .. أرجوكم..
 

مشكلتي يا جماعة هي (أبوي) ..
عمري 18 سنه .. أبوي شكاك وسواسي زياده عن اللزوم .. ممكن أسميه ( معقد)..
بس المشكله الي انا لاجئة لكم عشانها .. مشاكلها الماتنتهي ..
قبل كان يدخن وترك الزجائر من 8 سنين تقريباً بس بعد ماعرفنا .. من بعد هالسالفه تغير 150 درجه .. في البدايه صار يتهاوش مع امي على أتفه الاسباب مثل إنها اسمعت غنيه مع العلم إنه كان قبل يسمع أغاني أو إذا شافت مسلسل في بنات آخر زينه ..
وصار يأخذ الرسيفر ويخشه ومايطلعه إلا بطلعة روح . بعدين صار يقطع وايرات التلفزيون والرسيفر والفيديو ووصل له الحال إنه في يوم كنا طالعين غير قفول غرف نومنا وقطع وايرات المكيفات كلها ماعدا غرفته وخلا المفاتيح عنده .. وصار يدخل غرفنا يوم نطلع ويفتح كيتاتنا أحنا البنات ويطلع الهملابس الي ماتعجبه ويقطعها .. وتمينا على هالحاله لين غيرنا القفل .. وبعدين زادت مشاكله مع أمي لدرجه إن كل يوم نسمعه يسبها ويشتمها بأبشع الالفاظ وكلما تهاوش مع حد منا دخل أمي في السالفه وسبها ..
ويتمون بالشهور مايتكلمون وأحنا الظحيه .. أو أنا الظحيه .. لأني أكثر وحده أتحسس من هالمواضيع لدرجه إن مره ياني ألم شديد في بطني لما سويت التحالل ظهر إن فيني قولون أعصاب .. والحين أمي وأبوي مايتكلمون .. في البدايه كان الخلاف يومين ثلاثه بعدين يتصالحون ,, تمت الفتره كلما تطول لين ماوصلو 7 شهور والله يستر من هالمره ..
حرمنا من إنا نكون صداقات والنتيجه إن ماعندي صديقه وحتا طريقتنا في الكلام أو الاحتكاك مع الناس صارت منبوذين حتى من أهلنا ..
ملحوظه : هو كل شهر 4 تجيه هالحاله .. انتظر ردودك لو سمحتو...

لو سمحتو لا تطولون!!!...

بس ملحوظه حبيت أظيفها : مره كان على وشك يذبحني خنقني لين ماسوديت في يده ماهدني لين رفسته وشردت ...

الحاله صعبه والبيت عايش في توتر ..
لاتطولون لو سمحتو!!

أكثر من إسبوع ناطره .. البيت مشوط ولازم أتصرف .. لاتتاخرون رجاءاً ..

اختي انتظري رد الاخصائين بس اعتقد انه بسبب التدخين لما اقتقده صار عصبي واكيد الاخصائين راح يعطوك الحل حبذا لو يحمل العنزان المشكله حتى تلفت الانتباه

بس هو من زمان هاي طبايعه من قبل ماياخذ أمي ..
على العموم مشكوره إختي تفاحه ,, وفي الانتظار..

وين الاخصائيين .. 14 يوم وماحد ..

وينكم يادكاتره .. طالت الغيبه..