هذه معاناتي, فهل حالتي غريبه ام انا مجنون.
 

السلام عليكم ورحمة الله وبركاته,

دائما اكون محتار, شارد الذهن, قلق نفسي, ماتكلم مع احد لفتره طويله,احاول اتحاشى فتح المواضيع مع زملائي. صرت مزاجي ما أقبل اي شي واحكم على الامور بسرعه مع عدم استيعابي الصحيح لها.اذا تكلم معي واحد ما أركز معه وما أقدر اوصلله معلومه واحاول اتحاشى اني اتكلم مع احد كثير لاني اخاف يعرف ان بالي مهوب معه.اتردد كثير حتى في ابسط الامور.صرت كثير النسيان وتفكيري تغير عن تفكيري اول وصرت سلبي على طول.
يهزني اتفه شي وماعرفت الراحه النفسيه من سنتين.في الفتره الاخير لما اتكلم احيانا اتكلم بتأتأه.كرهت كل شي كنت متعود عليه وماصار فيه شي يرفهني حتى الاغاني صارت عندي زي عدمها.لما احاول اتابع التلفزيون ماركز في الاحداث اللي فيه,اركز دقيقه او ثنتين وافقد التركيز بعدها واصير شارد على طول. مافيه شي صار له طعم عندي حتى الصدق صرت اشوفه زي الكذب.فقدت الثقه في نفسي وعذبتها كثير.صار فيني عقد من كل شي وكرهت الحياة لدرجه اني فكرة كذا مره اني اخلص منها لاني وصلت لمرحله شفت ان وجودي ماله هدف لاكن الحمدلله الله ستر. رحت لعياده نفسيه وعطاني الدكتور علاج اسمه <<سيروكسات 25 جرام>> بس مافيه فايده.حالتي هذي انا اعيشها كل يوم واعاني منها.اخاف من اي شي غريب او جديد واجامل كثير وعلى حساب مصلحتي بعد.ما اعرف اعطي رأيي بصراحه وبوضوح لدرجة ان كلامي صار غامض عند الناس.



ارجو من اهل الاختصاص الحكم على حالتي وهل انا احتاج الى علاج معين ومحدد او لا احتاج لعلاج.

أخي الكريم مقصود ...................
تحيه لك انت بحاجه لجلسات العلاج السلوكي بجانب العلاج الدوائي حتى تتخلص من معاناتك لذلك لاتتردد في زيارة المعالج النفسي والبدء في جلسات العلاج النفسي بجانب الدوائي وباذن الله تعالى ترتاح. مع تمنياتي لك بالراحه.

السلام عليكم....

اهلين استاذه هدى, انا جيت للعياده هذي من قبل بس عند دكتور ثاني واذا انتي شايفه انه عندك لي حل انا راح ازور العياده.