السلام عليكم ورحمه الله وبركاته

الى الاخصائيه هند الغصن..

بعرض لك مشكلتي ..

انا بنت من الشرقيه عمري 18 سنه

يوم كنت صغيرة عمري 10 او 11 سنه وكنا مسافرين

صار لي موقف كنت طالعه مع الوالده الى السوق ومابعدنا كثير


عن الشقه وكنا شارين نعل _الله يكرمك_ وصاروا ثقال وتونا في

بدايه السوق قلت الى امي بروح اوديهم الى الشقه وبرجع قالت

امي ماعليه وانا امشي لحقوني 3 شباب وهم يتكلموا كلام وانا خايفه موت

والى واحد منهم مسكني وضربته بالكيس الي عندي ورجعت

الشقه وانا واقفه على الباب ميته خوف واصيح

مادخلت ماابي احد يشووفني ومن يومها صرت اخاف من الكل

واذا احد مر علي ارتجف ومااقدر اتكلم

ماتكلم مع احد اخاف اطلع بروحي حتى من عايلتي اذا سلموا علي

ماارد ومارد على التلفون



اخاف يطلع لي شاب وصرت انطوائيه حتى مع البنات الي معاي

في الفصل ماتكلم معاهم دايما ساكته

حتى صديقاتي اقعد بس استمع كلامي معاهم قليل حتى هم

انتقدوا هالشي فيني وحتى الاهل

والكل يسخر مني وحاولت اني اتغير ماعرفت وخسرت كثير في حياتي

ياريت لو تشوفي لي حل واكون شاكره لك

واسفه على الاطاله وان شاء الله ماضيعت وقتك

والسلام