|
يــــــــــــــــمه
محادثة يتيم وامه على التلفون وهي فيه السكر والضغط والروماتيزم ياولد وش اللي خلاك
تدق بالليل مانمت عندك دوام بسرعة و ش تبي ابصلي الليل يمه انا تعبان يمه انا وجعان يمه انا ماصرت انا الليل يمه انا مشتاقلك ابغى اشوفك يمه الناس يدقون يقولون وينك يمه يسئلون عنك في اي لحظة رجيعة ياولدي تزوج وارتاح بس بشرط تسكن بشقة بيعدة يمه انا وين والزواج وين ياولدي ربك يعينك بس انت وافق ياولدي انا ماني دايمه لك ولغيرك ياولدي الله يرحم ابوك من بعد ماخسر تجارته راعيته عشر سنين حتى وفاته يمه وش جاب طاري ابوي الحين الله يرحمه ياولدي تذكرته ومانسيته في لحظة وجيعة يمه انا عايش لوحدي في ضيعة كبيرة يمه انا عجزت انا الليل من الوحده القتيله يمه انا ماعندي احد يسليني بغيبتك الطويلة ياولدي انا ودي اقعد عند خواتي بالقصيم بريده ياولدي انا تعبانه من امراضي طويلة يمه انا خلاص راح اسكر السماعة وانهي المكالمة الحزينه ياولدي صلى الحين ترا ربك ينتظر منك تجيله سجودك له تكون قريبة يمه ان شاء الله راح اصلي وادعيلك في هذه الساعة عساها لي سعيدة ياولدي الله يوفقك ويزوجك ويسعدك يارب استجيبه يمه مع السلامه وان شاءالله بكر ادق عليك والا اجيلك |
الله يخليها لك ويشفيها, وكل شي مكتوب ومقدر
تفاءل بالخير |
جزاك الله خير مشكور اخوي عمران الوحده شينه عايش وحيد ان شاءالله بكرا اكون بخير
|
مقدر اتحمل اشوف كلمة " يمه " ببكي على طول وربي
|
الله يخليها لك ...
ويفرحها فيك وفي عيالك .. ويشفيها يارب.. |
يمه ليتك تشوفين دمعتي طول غيتك يمه انا سهران يمه انا اببكي عليك ايام طويلة
|
الله يكون في العون ياخاله
تسملين ياكسرة |
تفاءل بالخير يا عزيزي ورزقك مقسوم,,,,, عش في حدود يومك واستمتع بلحظتك وبكرا ما تدري وش الدنيا تصير عليه
|
انا اللي ضيق صدري بعد امي عني ماقدرت انام
|
وربي ثلاث سنوات كنت كل ليله اردد هالكلام وكل ليله اتعب ويصير فيني الهوايل لين ربي استجاب دعاي وجاني النقل والحين صرت عند اهلي وميمتي
الله يكون بعونك يتيم وربي ذكرتي بأيام الرياض الله لاتعيد ضيقتها علي ولا المسلمين اجمعين الله يكون بعون كل المتغربين تحياتي لك اخوي |
الله يخلي لك أمك ويحفظها لك يارب
أخوي يتيم الحظ قل لأمك تخطب لك بنت خالتك ورح أطلب نقل من العمل وأسكن بالقصيم |
اخوووووي يتيم بصراحة رحمت امك الله يكون بعونها
وبصراحة حبيت امك احس انها انسانة صبورة ومكافحة الله يخليها لك ويرزقك برها |
الله يصبرك اخي يتيم ويجمعك بوالدتك عن قريب
|
لاتفووووووووتك الواسطة يالاه
احطك بالخبيب ههههههههههه |
يااخي روح لامك الله يحفضه لك
|
| الساعة الآن 02:40 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا