نفساني - كل حرف بألف ...

يستحق كل حرف من هذه القصيدة وقفات ووقفات ، وقد نقلتها لكم لإدراكي أنكم تتذوقون طعم الحروف التي لا توزن بالألوف...

الضيق ما هو بالسعه و المساحـه
الضيق لا ضاقت بك قلوب و ارواح
والبعد عن ما تكره النفس راحـه
من لا توده فارقـه يـوم ترتـاح
وتبسمك بوجيـه ربعـك سماحـه
خلك بشوش تعيش بـأيامك افراح
وحظك يعزك من يرفـرف جناحـه
يجيب من ودك يجي لك ولـو راح
والكبـر لله والتكـبـر بجـاحـه
والوقت نصه "جد والباقي "مـزاح "
والصوت حشمه وارتفاعه وقاحـه
كذاب من قال انطح صياح بصياح
والحب يبدل صحرا الايام واحـه
اذا حضر يلغي مسافـات وجـراح
و أما الزعل لا بد تكبـح جماحـه
اصبر تشوف ان الفرج بارقـه لاح
والحق يثبت في كـلام الصراحـه
مثل السماء ما همها النجم لو طاح
بعض العيون تشوف فيهاشفاحـه
ما كنها الا بس " نظرات الاشباح "
وعيون تاخذ هاجسك لـانشراحـه
نظراتها تحنـان والرمـش ذبـاح
كم كحل ضم الشوق والدمع ازاحه
و ياما كحل يقعد له سنين ما ساح
ودنياك لو ضاقت بكـل المساحـه
تلقى السعه والحب بقلوب وارواح

منقول