|
][][§¤°^°¤§][][قصـة طريفـة جداً ][][§¤°^°¤§][][
مساء الورد و الفل و الياسمين :
بما أني اليوم مروقة شوي و نفسيتي نوعاً ما مرتاحة حبيت أنقل لكم قصة طريفة قرأتها في أحد المنتديات و أعجبتني كثيير فإليكم القصة : هذي قصة راعي ديك منسم المهم اقولكم القصة ... فيه ولد طفران (ماعنده ولا ريال) راح لابوه وقاله : عطني 15 ريال,,ودي اشتري كوره الاب : أقول إنقلع عني تراها واصله معي الولد : تكفا يبه,,بس 15 ريال والا اقولك خلها عشرة ريال الاب : ماعندي فلوس ... إذا تبي فلوس رح بع الديك حقك المريض اللي بالحوش .. الولد :بس هذا مريض ومحد بيشتريه الاب : ماعلي منك,,,دبر نفسك والله الولد استسلم للأمر الواقع واخذ الديك أول واحد قابله في وجهه اكيد أبوه....قاله الولد: تشتري الديك؟ الاب : اقول بتنقلع عني ولا أقوم اتوطا في بطنك؟ الولد :خلاص خلاص لاتنفخ> طلع الولد من البيت ومعه الديك في محاوله يائسه إن الديك ينباع عرض الديك على أهل الحاره كلهم ولا واحد فيهم قبل إنه يشتري الديك قال الولد: ممممممممم, والله مالي إلا فلانه,,عقلها خفيف وأكيد بقدر ألعب عليها بسهوله فلانه هذي كانت وحده متزوجه بس للأسف كان عقلها مضروب .. راح لها الولد عشان يبيع عليها الديك الولد :تشترين الديك تكفين؟ هلا والله بحبيبي .. تعال قرب مني عشان ابوسك بوسه خفيفه الولد :اقول مانيب فاضي لك .. خذي مني الديك وخليني اروح تروح مين ياعمري!! انا ماصدقت إني شفت رجال عندي في البيت ... الولد :ومنهو اللي قالك إن انا رجال؟ خذي مني الديك وخليني أنقلع شوي الا الباب يطق ... خافت الحرمه ... وقالت للولد تعال إندس هنا في الدولاب لايطلع زوجي ثم نروح فيها. حطت الولد في الدولاب وراحت فتحت الباب إلا وطلعلها صديقها اللي ما يحتاج .. الحرمه:هلا والله بعمري وحياتي الرجال: يا هلا فيك عمري ما أمدا الرجال يكمل كلمته إلا والباب يطق الحرمه: ياويلي ويلاه,,هذا شكله زوجي,,,تعال وادخل في الدولاب دخل خوينا في الدولاب وفجأه في عز الظلام سمع صوت يكلمه داخل الدولاب ويقوله: تشتري الديك؟ الرجال: اصصصصصصصص,,,,وطي صوتك الله يرحم والديك لاتفضحنا الولد :أقول تشتري الديك؟ الرجال: ياخوي خلاص بشتري الديك بس قصر على حسك تكفا,,, الولد :طيب الرجال: بس بكم تبيعه؟ الولد :ب100 ريال الرجال: ايش!!!!!!!!!!!! هالديك المنتوف المريض ب 100ريال!!!!!!!!!!!! الولد :تبي تشتري ولا ارفع صوتي؟ الرجال: لا لا خلاص,,ابشتري وأمري لله جلسو 5 دقايق الولد :تبيع الديك؟ الرجال: توك بايعه على يابن الحلال!! الولد :تبيعه علي ولا ارفع صوتي؟ الرجال: لا لا خلاص,,اببيعه وأمري لله,,بكم تشتريه؟ الولد :بريال الرجال: أيش!! بريال!!!! انا مشتريه منك ب 100 ونت تشتريه مني بريال!!!!! الولد :تبيعه علي ولا ارفع صوتي؟ الرجال: لا لا خلاص,,اببيعه وأمري لله جلسو 5 دقيق الولد: تشتري الديك؟ الرجال: ياخوي توني مشتريه منك! الولد :تبي تشتري ولا ارفع صوتي؟ الرجال: لا لا خلاص,,ابشتري وأمري لله,,,بكم تبيعه؟ الولد :ب200 ريال الرجال: الله يمحط بك انشالله,,,,توني مشتريه منك ب 100 ريال! الولد :تبي تشتري ولا ارفع صوتي؟ الرجال: لا لا خلاص,,ابشتري وأمري لله جلسو 5 دقايق الولد :تبيع الديك؟ -الرجال: انا لله وإإنا إليه راجعون,,,,,بكم تبي تشتريه؟ الولد :بريال الرجال: وش تبيني أقول!! تبيني أبكي ولا أشقق هدومي,,,,يالله خذ الديك وببلاش بعد اخذ الولد الديك شوي ألا الحرمه فاتحه عليهم الدولاب وقالتلهم: يالله بسرعه انحاشو دام إن زوجي في الحمام,,بس واحد ورا الثاني وبشويش عشان لايحس فيكم زوجي طلع الرجال وانحاش ولحقه الولد بعده ب5 دقايق المهم,,,قام الولد يتمشى في الشارع وهو مستانس إن صار معاه فلوس .. بعدين راح للبيت يوم دخل البيت شاف ابوه قدامه .. راح قال لابوه: تشتري الديك؟ الأب ناظر فيه والشرار طالع من عيونه وقاله: مايكفيك الــ 300 ريال اللي أخذتها مني في الدولاب؟؟؟ سمية القحطاني |
ههههههههههههههههههههه
حلوة تذكريني بنكتة الولد يقول لصاحبة وهو زعلان والله الدنيا مافيها امان رحت بسرق البوك من ثوب ابوي وشفت بوكي في ثوبة |
اقتباس:
مساء الورد : حياك الله أخوي حياتك كلها صبر و شرفني مرورك و أعجبتني النكتة التي ذكرت لك كل التقدير ... سمية القحطاني ... |
انا تعبان ياسمية : مشكورة على القصة الحلوة
|
اقتباس:
ألف سلامة عليك وما تشوف شر و ترى ما يحسد المال إلا صاحبة حصن نفسك و ما بتلقى إللي يضرك بإذن الله ... و شرفتني و نورت موضوعي و أتمنى يكون خفيف عليك و يكون شال عنك شوي و أدخل البسمة لمحياك ... لك مني كل التقدير و الشكر الجزيل : سمية القحطاني ... |
والمشكلة اني تعبان واضحك والله حاله
|
مساء الورد :
عادي جداً أخوي سعيد الحظ أنا أكوون في قمة الحزن و الألم و كل البلاوي فوق رأسي لكني مبتسمة دائماً ، شلون نتغلب على تعبنا و ألمنا بالتكشيرة خلك دائم الدوم مبتسم و روحك حلوة و ربك كريم و بييسرها و بتتعافى بإذن الله ... أنصحك تروح للمالديف :wink: يمكن ترد لك عافيتك ... لك كل التقدير سعيد الحظ .. سمية القحطاني .. |
هههههههههههههههههههه
حلوه وربي الف شكر اختي سميه |
ههههههههههههههههههههههههههههههههههه
حلوه منك سميه خير ماعلى قلبه شر هاليتيم ليش تعبان ومرضان؟؟؟؟؟؟ لايكون مريض مثل الديك؟؟؟؟؟؟؟؟؟ طيب بتشتري مني اليتيم بريال ولا اعلي صوتي؟؟؟؟؟؟ ههههههههههه |
صباح الخيرات :
الحكيم ، سعودي حياكم الله في موضوعي البسيط ههههههههههه ... و الديك الحكيم لو تدفع ملييون ريال أنا بأعلي صوتي :wink: سمية القحطاني ... |
صباح النور والسرور أدام الله عليكِ الروقان أختي سمية قصة جميلة شكراً لكِ |
اقتباس:
حياك الله أخوي البدراني اللهم أميين و أياك إن شاء الله دون بسعادة وراحة البال ... شرفتني أخوي الكريم و نورت صفحتي لك مني كل التقدير ... سمية القحطاني ... |
والله طرررررررريفة جدا
وسعدت بقراْتها |
اقتباس:
حمد لله على سلامة رجوعك من السفر إن شاء الله إستانستي .. شرفتيني بمرورك و نورت الصفحة بوجودك ... لك كل التقدير ... سمية القحطاني ... |
قصه حلوة سماسم يسعد صباحك ويحلى ايامك ان شاء الله
|
| الساعة الآن 05:44 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا