نكت (نتمني اضافة بسمة علي شفاه اعضاء المنتدي)
 

نكت قديمة وجديدة منتقاة لكم اخواني

بخيل واقف فى البلكونة... ابنه جاى من بعيد يقول له بابا بابا بابا ... قاله:
يا ابن الكلب بابه واحده كفاية.
__________________________________________________ ___
امراه بخيله قالت لولدها يامحمد روح اشتري ثلاثه رغيف واحد لي وواحد
لوالدك وواحد ليك وبعد ما راح الولد لشراء الرغيف طلعت الام من البلكونه
وقالت يامحمد رجع الرغيف الثالث ابوك مات.
__________________________________________________ ______

__________________________________________________ ______
اشترى رجل بخيل ثلاث برتقالات، قطع الأولى فوجدها متعفنة فرماها، قطع
الثانية فوجدها متعفنة فرماها، فأطفأ النور وقطع الثالثة وأكلها.
__________________________________________________ __
تراهن بخيلان على من يبقى تحت الماء أكثر من الآخر يدعوه للعشاء...
فلم يخرج أحد منهما حتى الآن.
__________________________________________________ _

واحد نذل اختلف مع ابوه طلع من البيت وكتب عليه هنا مقر طالبان


مرة واحد قروي لقى الفانوس السحري دعك الفانوس العفريت جاله
تسلخات
__________________________________________________ _

مجانين حط لهم الدكتور أغنيه ... قامو يرقصون الا واحد !! قال له
الدكتوور ليه ما ترقص قال اصل انا العروسة
__________________________________________________ _

مهندس كمبيوتر، حلل دمه، طلعت فصيلته HP


مرة واحد بيحلم كل يوم بماتشات كتاكيت... راح للدكتور..يقوله هاتجنن يا دكتور الحقني كل اما انام احلم بكتاكيت بتلعب كورة ومش عارف انام . الدكتور قاله هديلك
حقنة دلوقتي ومش هاتحلم بيهم تاني خالص... قاله
خليها بكرة يا دكتور علشان النهاردة ماتش النهائي
__________________________________________________ _____

مرة واحدة ست بتقول لجارتها الحقيني يا أم سيد بعت جوزي يجيبلي
ملوخية راح مخبوط بأتوبيس ... يالهوي وعملتي إية .. عملت بامية وامري لله

واحد سباك نفسه اتسدت غرقت الشقة

مهندس كمبيوتر في ليلة دخلته ماعرفش يفتح الويندوز

في مجموعة بخلاء مشوا على الكورنيش لقيوا لوحة مكتوب عليها منطقة
قروش قاموا كلهم نطوا في البحر

طفل صغير سال امة ازاى انا جيت الدنيا قالت له حطيت شوية سكر تحت
السجادة لاقيتك جيت ... راح الطفل حاطط شوية سكر تحت السجادة... يومين و
لاقى صرصار فقال له لو مكنتش ابنى كنت قتلتك

غبى شاف مقهى انترنت مكتوب عليه الساعه بــ 3 جنيه .... دخل يسأل
هي ضد الماية ؟؟

واحد رخم قرصه ثعبان قعد يضحك يضحك الثعبان قاله مالك بتضحك ليه
دانا قرصتك قاله اصلي أنا عندي الايدز

مرة اربع صعايدة داخلين امتحان فجالهم سؤال فى الامتحان وهو كام
عدد ارجل المعزة فكلهم سألو صاحبهم حسنين وما كنش بيرد عليهم فلما خلص
الامتحان قالولو انتا ما قولتيلناش لية قالهم المراقب كان جنبى ومعرفتيش اطلع
المعزة .
__________________________________________________ __________

جماعة قرويين بيلعبوا كهرباء على الطريق السريع اللى تخبطه عربية
يطلع برة
__________________________________________________ _

مرة تلاتة صعايده راحوا محطه القطار لقوا القطر ماشى اتنين منهم طلعوا
يجروا ورا القطر و التالت واقف يضحك عليهم .
الناس ساءلوه بتضحك ليه قالهم اصل انا اللى مسافر والاتنين التانين جايين
يودعونى

غبي راكب تاكسى السواق نزل يحيب علبة سجاير لاقاة خلع عصاية
الفتيس
سالة لية خلعتها
قلة شفتك عمال تلخلخ فيها قلت لما اشلهالك علشان متتعبش

واحد بلدياتنا كان قائد فى الجيش و قدامه أربع صفوف عساكر ....واحد
من العساكر عطس..القائد سأل أول صف مين اللى عطس محدش رد فتح عليهم
النار قتلهم كلهم
و بعدين سأل الصف التانى مين اللى عطس محدش رد ..راح فاتح النار عليهم
....و إدور على الصف التالت قام واحد خاف و قاله انا اللى عطست ياباشا...قاله
القائد يرحمكم الله
__________________________________________________ ______

مره واحد فتح التلاجه شاف الجيلي بيرتعش قال له متخافش حشرب ميه
__________________________________________________ ___

مرة واحد دماغه لفت قابلها من الشارع التاني.

واحد اتجوز واحدة اسمها نعمة باسها وش و ضهر

مدير مدرسة عمل فرح وزع على المعازيم أرقام جلوس.
__________________________________________________ ______
مرة واحد توأم شاف أخوه قال له: انت فين من الصبح يخرب بيتك أمك
خلتني أستحمى مرتين.
__________________________________________________ ______

دكتور عيون قاعد مع خطيبته في حديقه الاسماك معاه ورده قالها شايفه
الورده دي يا حبيبتي قالت له ايوه فرجع ايده لورا شويه وقالها طب وكده

في المدرسه استاذ الحساب بيسال التلميذ بتاعه: لو باباك استلف الف جنيه
من البنك والف جنيه تانيه من جاركم يبقى هيرجع كام الف
التلميذ: مش هيرجع حاجه يا استاذ
الاستاذ: ياابني استلف الف وبعديها الف تانيه
التلميذ : مش هيرجع حاجه يا استاذ
الاستاذ: اعد يا ابني انت متعرفش حاجه في الحساب
التلميذ: انت اللي متعرفش ابويا
__________________________________________________ ________

واحد مسطول بيسأل واحد مسطول ثاني: اسم دولة أوروبية لو حطيت على
أخر حرف فيها نقطة تصير اسم عالم ذرة
التاني قاله أنا غلب حماري
الأول قاله: الدولة هي قطر ولما تحط نقطة حتصير قطز
التاني قاله هو قطز عالم ذرة؟؟؟؟؟
فرد عليه الأول يعني هي قطر دولة أوروبية

مرة واحد متجوز عنده دولاب قافلة 20 سنة والمفتاح معاه هوه بس,
مراته هتجنن وفي يوم راح الشغل ونسي المفتاح.
مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحه كنت كل ماخونك أحط بيض في
الدولاب الست قالت عشرين سنه جواز ومرتين بس مش مهم وسالته طب
والعشرين الف جنيه
قالها كنت كل ماجمع كرتونه ابيعها
__________________________________________________ ____________

واحد سنانه كلها طايرة ما عدا الانياب... قدم علي وظيفة عينوه خرامة

مرة حلاق و ابنة بيتفرجوا على متش كورة فقال المذيع :وشطها بمشط
رجلة و جت فى المقص فقال ابن الحلاق: الحقي بابا دول بيلعبوا فى العدة

مرة واحد عجلاتى قعد على قهوة طلب كاوتشينو

كمسري أبوة مات ماشى في الجنازة يقول يا حضرات الجنازة فاضية آدام

واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها


مرة واحدة ست ماشية في جنازة جوزها عمالة تنوح عليه اتنين كانوا ماشيين في الجنازة واحد بيقول للتاني تراهني إن الستات دول ما يصدقوا ازواجهم تموت و ينسوهم قالوا ازاي ام راح ماشي وراها و عمال يقول اه يا حلو يا مسمسم لو الواحد يعرف عنوانك بس ما كانش يسيبك راحت الست ماشية في الجنازة تنوح و تقول اه يا جوزي يا اللي كنت مستتني و مجوزني في شقة برحة في 3 شارع
النسيان الدور الثالث شقة 5 .
__________________________________________________ ____________

تلاته عمالين بيحششوا فى مزرعه فراخ طب عليهم البوليس استخبوا فى تلات شوله جه الظابط شاط الشوال الاول برجله قام الحشاش الاول عمل نفسه بط و قعد يكاكى راح الظابط سابه و راح عالشوال التانى و شاطه قام الحشاش اللى
جوه قعد يدن و يقلد صوت الديك الظابط سابه و راح عالشوال التالت برضه شاطه
برجله الحشاش التالت متكلمشى..شاطه تانى بس بالجامد برضه متكلمش قعد
الظابط يخبط فيه طلعله الحشاش يقوله بطاطس بطاطس انت مبتفهمش

واحدة فافى راحت لمصنع من مصانع تعبئة الالبان وشافتهم وهم بيحلبوا البقر
فسالتهم طب والبقر الفاضي بتعملوا فيه ايه.
__________________________________________________ _________

مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : درة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه.... راح مشي التاجر بالعربيه وهو في الطريق وقفته لجنه تموين تاني وقال له المفتش انت بتأكل الكتاكيت دي ايه قال له بأكلهم علف يا بيه فقال له المفتش انت ايه يا أخي انت ما بتفهمش دي بتاكل درة وعمل له
غرامه 1000 جنيه وبعد شويه وهو ماشي وقفته لجنه تموين تاني وقال له
المفتش انت بتأكل الكتاكيت دي ايه قال له يا بيه انا كل يوم الصبح ادي كل
كتكوت جنيه وهو ياكل اللي هو عايزه
__________________________________________________ ____________

واحد راح الصيدلية وقال للدكتور : عايز لبن اطفال ..... الدكتور: اسمه ايه !؟
,,,,,, الراجل : اسمه اشرف
__________________________________________________ _________

كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه.الأسد قال للنمر يا أخي إتلكك
للأرنب بطريقة أحسن من كده، قول له هات لى جزر، إذا جاب لك جزر لونه
أصفر إضربه و قول له أنا عاوز جزر أحمر، و إذا جاب لك جزر أحمر إضربه و
قول له أنا عاوز جزر أصفر. فقال النمر للأرنب أنا عاوز جزر، فقال له الأرنب،
عاوز الجزر أصفر و لا أحمر.النمر نزل في الأرنب ضرب و قال له إنت ودانك
طويلة ليه
__________________________________________________ ____

فرختين مشيين الاولى معلقة بيضة على رقبتها .. فالتانية بتسالها اية البيضة
دى؟ قالت دى صورتى و انا صغيرة

واحد متجوز وقاعد في البيت وبيبص كتير في عقد الجواز، مراته قالت له :
" بتبص في عقد الجواز ليه يا حبيبي؟" قالها: "مش عارف يا حياتي المأذون
كتب تاريخ انتهاء العقد فين
__________________________________________________ __________

واحد نشر في إعلانات مبوبة :مطلوب زوجة!!! تاني يوم جاله 100 جواب
فيهم نفس الرد: تاخد بتاعتي؟؟
__________________________________________________ ___________





اتمني منكم ترشيح احسن نكتة
اخوكم اسد الصحراء

واحد قاعد في أمان الله بيقرا الجرنان، وفجأة جت مراته وضربته بالطاسة
فوق دماغه . طرررررخ!!! الزوج: "فيه ايه يا بنت الحلال؟ ليه
كدا؟؟؟ " الزوجه:"ايه الورقه اللي في جيب بدلتك ومكتوب عليها "سوسو"؟؟ "
الزوج : "يا بنت الحلال، ده أسم الحصان اللى بنشجعه في السباق!" الزوجه
صدقته وراحت لحالها... بعد اسبوع، الزوج قاعد في أمان الله يقرا
الجرنان، وفجأة جت مراته وضربته بغطا الحلة على راسه !! الزوج: "خير
يابنت الحلال في ايه تاني؟؟" الزوجه:"حصانك على التليفون ..!!"
__________________________________________________ ______
__________________________________________________ ______

مرة حماة أرادت اختباره اجواز بناتها فاخذت الأول وعملت نفسها اتزحلقت
في البحر فنزل وراها وانقذها، تانى يوم وجد عربية بيجو ومكتوب عليها
"هدية من حماتك" وفعلت نفس الشئ مع الثانى فاحضر لها الاسعاف ووجد فى
تانى يوم عربية بيجو ونفس الرسالة، أما الثالث فسبها تغرق، ففى اليوم
التالى وجد عربية مرسيدس ومكتوب عليها "هدية من حماك"
__________________________________________________ _______

مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه
قالوا " هتعمل إيه؟" قالوا "هوديها الصين" قالوا "يا راجل فى عيد
جوازكوا العاشر توديها الصين، أومال فى عيد جوازكوا الخمسة وعشرين
هتعمل ايه؟" فقالوا : هروح اخدها "
__________________________________________________ _______

مرة واحد عصبي اتجوز وحدة عصبية الدكتور جاى يولدها الولد قاله اوعى
ياعم انا نازل لوحدى

اتمني منكم ترشيح احسن نكتة
اخوكم اسد الصحراء

حلويين أوي يا باشمهندس بجد روعه تسلم ايدك يا ريس

شاكرين يا خالد باشا اهتمامك

بالنسبه لاكتر واحده عجبتني فهي

كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه.الأسد قال للنمر يا أخي إتلكك
للأرنب بطريقة أحسن من كده، قول له هات لى جزر، إذا جاب لك جزر لونه
أصفر إضربه و قول له أنا عاوز جزر أحمر، و إذا جاب لك جزر أحمر إضربه و
قول له أنا عاوز جزر أصفر. فقال النمر للأرنب أنا عاوز جزر، فقال له الأرنب،
عاوز الجزر أصفر و لا أحمر.النمر نزل في الأرنب ضرب و قال له إنت ودانك
طويلة ليه


و في واحده تانيه بس لما اشوفها فين هاقول لك

شكرا يا باشمهندس خالد علي ترشيحك لاحسن نكتة
ونتمني لك دوام التوفيق اخي العزيز

والله كلهم حلوين تسلم يابشمهندس

شكريا



هه هو



ليت تحذفها

بخيل يوم مات لقوا وصيته ) انا مستحمي لا تغسلوني)


استغفر الله

كل النكت حلوين

اعجبتني ياصديق خالد عباس هههههههههههههههههههههههههههههههه

شكرا يا اختي المشرفة فاتن علي اهتمامك

كل عام وانتم بخير يا اخ راشد ونتمني لك التوفيق
علي فكرة اعجبني توقيعك

تم حذفها يا جود الفرح
واستغفر الله