|
الزوجه إلي زوجها رأسه يابس تدخل ( للمتزوجات فقط )
بسم الله الرحمن الرحيم
السلام عليكم ورحمة الله وبركاته الموضوع موجه للزوجه اللي بلاها ربي بزرج ذو رأس يابس و ياكثر ما نسمع من المتزوجات مثل هالعبارت ( زوجي راسه يابس , زوجي عنيد , زوجي في راسه حب(ن) ما انطحن) ... وغيرها من عبارات تتكرر على مسامعي كثيييراً من الزوجات.... أولاً..اذا كان زوجك عنيد .. لازم تعرفين كيف تتعاملين مع هالعناد وتكسرين راسه بالطيب والا بالقوه !! اللي يجي المهم تسوين اللي في راسك وتنبسطين انا عندي لكم كم طريقه مجربه ... وبإذن الله تنفعكم بس على فكره ترى كل رجال له طريقه يقتنع فيها.. يعني مو طريقه وحده تناسب للجميع !!! <<< تراعي الفروق الفرديه جزاها الله خير إذا كان زوجك من النوع اللي مايحب الحنه وبعض الناس يسمونه (الزن) يعني القلق فمعناتها ان الاسلوب هذا هو اللي ينفع معه عشان كذا يكره هالاسلوب لأنه يخليه يوافق غصب وهو أساساً ما يبغى يوافق ... عشان كذا استخدمي هالطريقه معه في الشديد القوي مو دايم عشان مايمل .. وفي الأخير قولي ما قالت مطنشه بيوافق غصب فيه نوع من الأزواج يقتنع بطريقة الدلع في الطلب.. يعني إذا جت زوجته تطلب منه شي تقعد تتدلع عليه حبتين خاصة في الأوقات الحرجه (....) انتم عرفينها عاد ههههههه... الزوج ذيك الساعه ما يقدر يقاوم يوافق رغغغغم أنفه وستربحين في النهايه فيه نوع من الأزواج إذا طلبتي منه الطلب وقال لا <<< ياشين هالكلمه اكرهها قولي طيب... سم هو إذا شافك سكتي وتقبلتي الأمر بصدر رحب راح يرحمك ويوافق في النهايه...... وستربحين الجوله فيه نوع من الأزواج من النوع اللي يغار ومايبي يصير اقل من غيره يبغى ينقال عنه انه هو السنع وهو اللي ما شاء لله ما مثله .... هذا الزوج قبل لاتطلبين منه الطلب ... أقعدي سولفي عليه ... قولي ... تصدق يافلان... وحده من صديقاتي والا أخواتي وإلا أحسن شي قولي أختك عشان يقتنع مره قولي له فلانه سوت كذا وكذا أو سوى لها زوجها كذا وكذا ... على شكل سالفه عاديه وبس و اسكتي... بعد شوي اطلبي الطلب اللي تبينه ويكون مثل اللي قلتي له ان فلانه سوته .. راح يوافق على طول لأنه يشوف ان الناس يسوونه عادي وماراح يخليك أقل من أختك أو صديقتك أو أخته وبذلك تكوني انت الرابحه بالله وش رايكم في الافكار ؟؟ جهنميه صح م ن ق و ل فتونه الموضوع هديه لك طبقي الطرق حتى يغير زوجك الفرن :) |
خخخخخخخخخخخخخخخخخخ
لو قلت فلانه عندها وبعد اكثر من شهررررر طلبت يقول اكره اسوى زي الناس زوجى مايحب المثل هو يجي بالدلع بس وربي طلباتى كثير المشكله شهر اربعه داخلين جمعيه اول شي الفرن لا توصين حريص بحسن المعامله قبلها باسبوع ونسحبها باذن الله نصب نصب ايش اسوى هذي شغلتنى |
اسمحو لي <<<< خاش عرض
من وجهة نظري ان الطريقة المثلي لجعل الزوج يلبي الطلب هو ان يكون طلب منطقي وفي حدود المعقول يعني ماتجي زوجة لزوجها اللي راتبه 3 آلاف وتتطلب منه خاتم ب 2950 صدقوني اغلب الرجال طيبين ويحبون يسعدون زوجاتهم لكن المشكلة في بعض الطلبات المبالغ فيها واذا مانفذها الزوج صار راسه يابس <<< كني قلبتها جد :) |
اقتباس:
علمينا إذا شريتي الفرن حتى نبارك لك :) |
اقتباس:
الموضوع للزوجات فقط مايصير تدخلون حتى ماتكتشفون الخطط نجي للجد : معك حق لكن فيه بعض الأزواج يطلعون الشيب في رأس زوجاتهم ومايلبون طلباتهم إلا بالحسره شاكره تواجدك بالموضوع |
| الساعة الآن 05:53 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا