قصيدة اعجبتني
 

الا ليت الزمن يرجع ورا والليالي تعود
ويرجع وقتنا الاول وننعم في بساطتنا

زمان اول احس انه زمان فيه صدق شعور
نحب ونخلص النيه وتجمعنا محبتنا

زمن مافيه لاغيبه ولاحتى نفاق وزور
ياليته بس لو يرجع ونسترجع طفولتنا

صغار قلوبنا بيضا نعيش بعالم محصور
ولانعرف ابد اغراب ماغير عيال حارتنا

صحيح صغار بالتفكير لكن ماعلينا قصور
نخطط نكسر اللعبه وتسعدنا شقاوتنا

نروح المدرسه بدري ونضحك داخل الطابور
نحاول نزعج العالم في روحتنا وجيتنا

وعشان نأخر الحصه نخبي علبه الطبشور
نشاغب بس في الاخر تميزنا برائتنا

نحب الضحك والهيصه نحب ننط فوق السور
نفرفش ليه مانفرفش مادام الضحكه عادتنا

ولكن دارت الايام وبان الخافي المستور
وصار الهم متعلي على قمه سعادتنا

كبرنا وصارت الدنيا تصف احزاننا بالدور
وتهدينا الالم والهم غصب عن عين رغبتنا

تعبنا من بلاوينا احد ضيق واحد مقهور
وكلن غارق بهمه وفي الاخر تشتتنا

وانا ماقول غير الا ياليت ان الزمان يدور
ونرجع للورا فتره نعدل وضع عيشتنا ,,

صباح الفل و الياسمين :

قصيدة في منتهى الروووعة أستاذي وهذي القصيدة
نفسها مسموعة :)



وللحفظ :

من هنا بارك الله فيكم :)

لك كل التقدير :
سمية القحطاني ...

كبرنا وصارت الدنيا تصف احزاننا بالدور
وتهدينا الالم والهم غصب عن عين رغبتنا

تعبنا من بلاوينا احد ضيق واحد مقهور
وكلن غارق بهمه وفي الاخر تشتتنا

وانا ماقول غير الا ياليت ان الزمان يدور
ونرجع للورا فتره نعدل وضع عيشتنا ,,



سلمت

زمن مافيه لاغيبه ولاحتى نفاق وزور
ياليته بس لو يرجع ونسترجع طفولتنا


رائعة جدا

شكرا لك اخي ابوعمر

سميه قحطاني

فاتن عسيري

جانين

ابو رهف


اشكر مروركم ، بصراحه في القصيده الكثير الكثير من المعاني الرائعه ...