هاي
انا مكتئبة جديدة حبيت انظم لكم لعل وعسى احس براحة نفسية لأني حاسة اني راح اختنق

الوحدة تؤدي الى الملل والملل يؤدي الى الاكتئاب

اي احد يشوفني يقول اش فيج ابتسمي شوي بس ما اقدر ابتسم ماكو سبب يخليني ابتسم

الحزن باين على وجهي على طول

انا ادرس برة يعني مغتربة وهذي آخر سنة لي بس اشك اني راح اتخرج السنة
الكلية مأساة STRESS رهيب وREQUIREMENT وااااااااااااااااااايد وما ادري اذا راح اقدر اكملها او لا

العام الدراسي الثاني بدأ بنفسية مب زينة STRESS الشغل من جهة ومن جهة ثانية الوحدة
وعيد الحب كان في اول اسبوع من الدراسة وكنت مطنشته وما افكر فيه بس لما قالت لي رفيجتي في السكن مسكينة تحتفلين بروحج بالفالنتين
انصدمت وما عرفت شلون ارد عليها
هذا كله لأني شريت لي قطعة جاتوه

اليوم مثلا انا فاضية ما عندي دراسة ولا شي اسويه بس ماكو احد اقعد معاه او اطلع معاه على الرغم ان باجر اجازة

مليت من الدنيا عن جد مليت

ساعات تجيني افكار اني اجرح نفسي واجرب هل راح ارتاح
شفت في التلفزيون ان في ناس يسوون جذي عشان يرتاحون
بس ما تجرأت خفت

رفيجاتي في بلدي اتصالي فيهم قليل او شبه معدوم لأنهم مب فاضين او ما عندهم رصيد في الموبايل
وحتى لما كنت متضايقة حدي وطلبت من رفيجتي اكلمها بالمسنجر ما فدرت لأنها مشغوله

وزني السنة اللي فاتت قل 7 او 8 كيلو في شهر!!! بسبب النفسية الزفت
وبصراحة السبب الرئيسي في اكتئابي هو الحب

حبيت من ايام المدرسة شخص قريب لنا ما حس فيني واعتبرني اخته الصغيرة خصوصا هني في الغربة لأنه يدرس معاي بنفس البلد
لو قلت اي شي راح يسويه لي وكان يسأل عليي على طول وبعدين صار شي بيننا ما اذكر اش صار بالضبط فصار ما يسأل عني الا في السنة حسنة

ما ادري شقول بعد... احس اني فضفضت بما فيه الكفاية ونشرت غسيلي على الملأ وانا ما احب اقول لأي شخص مهما كان قريب مني اسراري واحاسيسي

محتاجة منكم اخواني واخواتي الكلمة الطيبة عشان تطيب جروحي