نفساني - اذا المراجل لبسة شماغ وعقال........

نفساني (https://www.nafsany.cc/vb/index.php)

- الملتقى العام (https://www.nafsany.cc/vb/forumdisplay.php?f=26)

- - اذا المراجل لبسة شماغ وعقال........ (https://www.nafsany.cc/vb/showthread.php?t=39046)

اذا المراجل لبسة شماغ وعقال........

إذا المراجل لبسـة شمـاغ وعقـال
قـل للعـذارى يلبـسـنّ العمـايـم

ما عاد يفـرق زول حرمـه ورجـال
دام الفعايـل تشبـه البعـض دايـم

المرجلـه مـا هيـب كلمـه وتنقـال
وتروح ما راحـت هبـوب النسايـم

وإلا خشونة صوت أو رفـع الأثقـال
أو رزة صـدور وفـعـل الـزلايـم

ولا هي بعد مفتـاح موتـر وجـوال
وإلا ردى لسانـن حديثـه شتـايـم

المرجله شيمه عـن القيـل والقـال
رفيع نفس (ن ) حـر بالجـو حايـم

المرجلـه عقـلٍ وزن وزنـه جبـال
ودون العقـل وش فرقنـا والبهايـم

يا مسندي لو مايل الوقت بـي مـال
يا ولـد أبويـه يـا عظيـم العزايـم

يا معرب الجدين مـن العـم والخـال
يا نخـوة المفـزوع وقـت الهزايـم

المرجله يا خوي هـي طولـة البـال
هي العـزم هـي الصبـر فالظلايـم

فيهـا الكـرم عـزه دلـه وفنجـال
فيها الكرامه عن ردى الطبـع شايـم

والدين لامنـه خـذا القلـب منـزال
مشى طريق الحـق وابليـس نايـم

ومن لا عرف ربه في طيـب الحـال
لابـد وقـت الضيـق بالهـم هايـم

حتى صلاتك مـع جماعـات ورجـال
في خيرها يـا خـوي نعـم الغنايـم

ولامن نصف ليلك قم صفـي البـال
يا عظم أجـرك بيـن ساجـد وقايـم

ولا من رفع ربي لـه كـل الأعمـال
حسن الذكـر لا قالـو فـلان صايـم

وخلك شريف القصد يا طيـب الفـال
سـوء المقاصـد فالبيـوت الهدايـم

واحذر تبيع النفس فـي دب الأنـذال
وتتبع خـوي إبليـس راع النمايـم

النفس خيـل لـك إذا كنـت خيّـال
ومن لا قوى نفسـه قوتـه الهزايـم

ولا صرت ما تدري لو يش أنت رجال
والله خسـارة فيـك ذبـح التمـايـم

شافـت الدبلـه فيـدّي وازعلـت ""والملامـح فـي محيّاهـا غضوبـه
وسكتت لحظه.. وجتنـي وسألـت ""يا غلا..ليكون ملكـه..او خطوبـه

ما قدرت اتكلـم وعينـي اخجلـت ""قمت اطالع خاتمي..وانظاري صوبه
حلّفتنـي حيـل.. حيـل اتوسلّـت ""قلت آسف..وادري ما همّتها توبـه

قلت كلمه..الدنيـا فيهـا اتزلزلـت ""قلت روحي ابروح غيرك امغصوبه
شفت دمعه اتحجرت ..بس انزلت ""من عيـونٍ ناعسـه كلهـا عذوبـه

طالعتنـي وطالـعـت واتأمـلـت ""كنّها تلعـن زمانـي وكـل عيوبـه
وابصعوبه حروف من فاها اوصلت ""والسكون اصبح كما الريح وهبوبـه

اكرهك قالتهـا ..بـس مااتحملـت ""والله مسكينه مـن قليبـي وذنوبـه
قالت الدنيا مـن افراحـي خلـت ""انحكم ابكي من ظـروف امكتوبـه

قمت انا اتبسم وضحكاتـي علـت ""وقلت اسف قصتـي كلهـا اكذوبـه
كنت اجرب دبله ..يدي ابها ابتلـت ""واعلقت ما تطلع الا بكـلْ صعوبـه

تشكرات لك اختي خواطر العشاق على ماكتبته اناملك الفضيه

اهنيك عليها واقدر لك ذلك

جزاك الله الف خير

شكرا اخوي راشد واناملي الماس مو فضه .. فتح عيونك زين وش جاب اللماس للفضه

وع فكره تراها ملطوشه الاولى والثانيه بس عجبتني قلت انقلها للاعضاء في المنتدى يعطوني رايهم

الصراحة الأولى عجبتني حييييييييييييييييييييييييييييييييل...

مرة ضاربة على الوتر تسلمين يا قمر..

شكرا ع الاطراء اختي زنبقه

وحيااااااااااااااااااااك الله

تسلمـــــــين خواطر العشاق
الله يحفظك أختي

شكرا دمعه ع المرور ....... شر فتيني