|
بصراحه تضحك ...
بصراحة تضحك
----------------- أبو صالح جالس مع أبو راشد بعد صلاة العصر يسولفون ويقطعون الوقت... تنهد أبو صالح وقال: أفكر في هالدين العظيم اللي طلع من مكة المكرمة ووصل إلى آخر الدنيا!!! قال أبو راشد: إيه والله إنك صادق يا بو صالح... قال أبو صالح: بس لا يهمونك دين أهل آسيا الوسطى وأوربا والله مالهم من الإسلام إلا اسمه! رد أبو راشد: والله إنك صادق يا بوصالح وأضاف أبو صالح: ولا دين هالأشوام (أهل الشام) والله دينهم ما هوب اللي إنت تبي يا بو راشد فرد أبو راشد: والله إنك صادق يا بو صالح قال أبو صالح: والا هالأفارقه والمصاريه والسودانين متصوفه مبتدعه ما عندهم من الإسلام إلا المظهر قال أبو راشد: ايه والله يا بو صالح إنك صادق... قال أبو صالح: إن بغيت الإسلام في ها الديره (السعودية) قال أبو راشد: ايه والله إنك صادق يا بو صالح... فرد بتنهد أبو صالح: والله ماهوب دين كل أهل هالديره على اللي إنت تبي يا بو راشد؛ أهل الجنوب أهل بدع وزيدية وإسماعليية مالهم من الدين إلا اسمه قال أبو راشد: ايه والله إنك صادق يا بو صالح قال أبو صالح: والا أهل الشرقية رافضة وشيعة والله ما خذوا من الإسلام إلا اسموه، وأهل الحجاز مبتدعة صوفية ماهوب والله اللي إنت تبي يا بو راشد وأضاف أبو صالح: إن بغيت الدين والله في نجد والباقين خلهم على يسراك (شمالك) رد أبو راشد: والله إنك صادق يا أبو صالح... قال أبو صالح: والله بعد ماهوب كل أهل نجد دينهم على اللي إنت تبي! أهل الرياض واللي حولها شرابين للتتن (الدخان) ويشوفون الدش والله ما أدري عن دينهم يا أبو راشد!!! لكن لابغيت الإسلام تراه عندنا بالقصيم!!! رد أبو راشد: والله إنك صادق يا أبو صالح... فأضاف أبو صالح: والله ماهوب كل أهل القصيم دينهم على اللي إنت تبي، أهل عنيزة واللي حولها يبعون التتن ويلبسون كبك والدشوش تملأ السطوح، إن بغيت الدين والله تره بذى عندك ببريده رد أبو راشد: والله إنك صادق يا أبو صالح... وأضاف أبو صالح: والله ماهوب دين كل أهل بريده على اللي إنت تبي!!! طلعت هالاستراحات وما يندرى من اللي يشوف الدش ومن اللي مايشوفه إن بغيت الدين إنزل ترى في حارتنا هاذى!!! رد أبو راشد: والله إنك صادق يا أبو صالح... قال أبو صالح: والله بعد ماهوب كل أهل الحارة على اللي إنت تبي، أشوفهم يسحبون رجليهم للمسجد تقل إنهم مغصوبين على الصلاة... والله ما بوه في الحارة إلا أنا وإنت يا بو راشد!!! رد أبو راشد: والله إنك صادق يا أبو صالح... أضاف أبو صالح: ماش أشوفك ما تخشع بالصلاة يا بو راشد!!!!! |
؟؟؟؟؟؟؟؟؟؟؟؟؟؟؟؟؟؟؟؟؟؟
لا اعرف بماذا ارد عليك ـ فعلا الامر مضحك نسأل الله العافية |
أضاف أبو صالح: ماش أشوفك ما تخشع بالصلاة يا بو راشد!!!!!
ياحليل شيابنا الله يرحمنا |
شكرا فاتن ع مرورك وتعليقك
|
هههههههههههههههههههه
حللللللللللوه ياروح المنتدى |
شكرا جود ع المرور .........
|
شرفني مرورك ريانه ........... دمتي بخير
|
جميله منك جدا .. اسامه
|
خخخخخخخخخخخخخخخخخخخخخخ
|
ههههههههههههههه
ايه أذكر ترانيكمنت معهم جالسه بس ما لي خلق ادخل معهم بالموضوع خخخخخخخخخخ |
اقتباس:
ترانيكمنت = تراني كنت <<نأسف زلة أصبع |
شكرا اســــــــــــــــــامه ع المرور ........ نورت
|
حياااااااااااااااااك د/ ناش
يشرفني تكون اول مشاركاتك في صفحتي المتواضعه |
حياك الله اختي to be
انا اقول هم ثلاث اشخاص كانو جالسين ..... وين راح الثالث ....؟؟ اهاااا الان فهمت كنت ساكنه يعني ما شاركتي في الحديث هههههههههه الله بريحك الان ارتحت لم انفك اللغز |
ههههههههههههههههه
عجبتني to be زلت اصبع خخخخخخخخخ موعيب عليج قاعده وياهم بالفريج وامج ادورج عند الجيران؟ خخخخخخخخخخخخخ الشرف لي عزيزتي خواطر انتوا وناااااسه :) |
| الساعة الآن 03:58 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا