تعبت نفسيتي من كثر الصدمات
 

السلام عليكم ورحمة الله وبركاته

انا مشكلتيي بدأت عندما كنت في الصف الثاني الثانوي عندما اتهمتني خالتي خالتي ظلم اني اكلم شباب وصارت عقبها مشكله كبيره

وانا بقرارة نفسي مابغيت اني اشوفها عقبها بس امي وابي غصبوني اني اروح عشان جدي ابو امي وجدتي يتعذرون فيهم

وغصبوني اني اسلم عليها تخيلوا الضغط النفسي الي صار لي وما اقدر اني ارفض لاني مهما قلت يعتبرون لها مكانه عندهم وانا بنظرهم لازم انفذ

المهم اني تعبت نفسيا تعبت من نظرات اهلي لي صرت اكره القعده عندهم حتى الي مالهم ذنب بالسالفه

انا تعبت نفسيتي صرت اكره اطلع

هالسالفه مر عليها تقريبا اربع سنين وانا ماقدر انساها

قعدت اغير طريقة نومي غصب عشان ما اروح الزياره

واذا زرتهم اقعد ساكته ما اتكلم وما اتناقش معاهم ابدا

امي تقولي ماعليج منها اضحكي وفرفشي

بس انا ما اقدر الي جاني مو شويه جاني اكتئاب

ماقدر اتخلص منه لدرجه اني كل ما اتذكر السالفه اجلس ابكي بغرفتي

انا مقدر اتحمل اشوفهم اكثر احس اني بديت اصير مجنونه وانطوائيه صراحه تعبت

صرت ما اثق بأي احد و حتى لو اي احد يتغشمر معي احط حد له

كرهت الناس حتى اهلي


انا صايره حتى نفسي اكرها

الله يخليكم ردوا عالموضوع انا قعدت افكر اني انتحر وارتاح