مشكلتي هي.........
 

بسم الله الرحمن الرحيم

اولا مشكلتي هي اني انا طالبه فالمدرسه فالثانويه وانا حبيت شاب من سنه وشي
, والولد يحبني وانا احبه بس مشكلته انه بدون ( جنسيه ) وانا اماراتيه , عسب هذا السالفه جذبت عليه وقطعت العلاقه من بينا , وقلت اني بنخطب وقالي وانا شو اسوي
انا بعد أباج وانقطعنا فترة ست شهور او اكثر , و هو كان يعرف الايميل مالي طرشلي رساله وكتب اذا انتي حيه الله يخليج اتصلي , واذا انتي ميته الله يرحمج , انا انصدمت
وعقب كل هالفتره يرد يطرشلي رساله , انا بصراحه حنيت واتصلت وقالتله ليش كتبت جي قال مالي الا هالحل , الي بيخليج تتصلين فيه , وانا من كمن يوم ادورج ومريت صوب بيتكم كمن مره ووقفت عند الباب ودقيت هرن , محد ضهر عقب سرت الاتصالات عطيتهم رقم بيتكم عسب ايب رقم ابوج , والحين انا فحيره .................................

أنا اخاف اذا تزوجته عيالي يتشتتون , واصلا خايفه اهلي ما يوافقون ....؟؟

شو اسوي اتم معاه ....؟؟؟

عطوني حل الله يخليكم ...؟؟

ابنتي / يارب سامحني المحترمة

أشكرك على طلبك الاستشارة وصحيح موقف يحير ، ولكن أنا في رأيي أن تطلبي منه أن يتقدم بشكل رسمي لإهلك ويطلب يدك ، وتخلين نفسك من المسؤولية والإحراج فإن قبلوا به اهلك فبها وإن رفضوه فانت في حل ولديك رد قوي تردين به عليه والسكوت على هذا الوضع ليس بجيد ، فمع الأيام تتعلقين به ويتعلق بك ولا تستطيعان الفكاك وأنتما لاتستطيعان الزواج أيضا ، إفعلي ما قلت لك وهذا في نظري أفضل حل وفقك الله وكتب لك ما يحبه لعباده الصالحين ///ابراهيم الدريعي ///