نفساني - اشهر عباره بتقلها البنـــــــــــــــات...للولاد والعكس

اشهر عباره بتقلها البنـــــــــــــــات
(انا مش استهلك)

طبعا الولد من دول يسمع الكلمتين ويبقى فى عالم تانى
وفى احيان كتير اوى البنت بتنجح انها تسيب صوره ملاك فى ذاكرة الى بيحبها
يعنى ابسط كلمه هيقلها للدرجادى بتحبنى علشان تحس انها مش تستاهلنى وانى المفروض اخد واحده تانيه احسن منها (وطبعا دا عبيط ...سورى يعنى)او ممكن يكون طيب ذياده
وغيره يقول انها مش بتحبه للدرجه الى هو بيحبها ويقنع نفسه بكده وعلشان دا هى قالتلو انا مش استهلك
وفى واحد بئا مش بيعرف يفسر اصلا معنى الكلمه دى خالص ممكن تيجى فى دماغه حاجات كتير جدااا لكن استحاله يستقر على معنى للكلمه دى

وفى جميع الاحوال البنت بتنجح انها تسيب فى الذاكره صوره ملاك او على الاقل ذكرى جميله للى كان بيحبها

اقلكو انا بئا يعنى ايه ( انا مش استهلك ) ركزو انتو بس...

والله دى بتختلف من بنت للتانيه
فى بنت بتقول كده علشان تخرج نفسها من موقف انها تقلك مثلا انا مش بحبك
وفى بنت بتقول كده علشان خلاص يعنى انت خدت معاها اكتر من وقتك وطبعا كلنا عارفين النوع دا
وبنت تقولها لانها شايفه ان الظروف استحاله هتبقى فى صالحكو يعنى ممكن نقول مش بيكون فى حل الا كده

فى بنت بئا بتقول كده لانها مش قادره تسامح نفسها على حاجه مثلا عملتها زمان او غلطه حصلت منها
وشايفه فى نفس الوقت انك بتحبها فوق العادى وان من حقك تحبك واحد تانيه كويسه اوى زيك
بس اعتقد ان دى بتكون نادره اوى

__________________________________________

اما بئا بالنسبه لاشهر عباره بيقولوها الشباب
(مش عايز اظلمك معايا)

الطبيعى ان البنت كمان هتسيح زى ما انت كنت سايح فوق
والطبيعى برده انها عبيطه وهتفتكره ملاك(سورى تانى) بس بجد كلام يضايق

المهم
البنت طبعا اول ما تسمع كده هتفتكره انبل انسان عرفته فى حياتها (دا اصلا لو كانت عرفت حد فى حياتها )يعنى من الاخر هتصدقه
وهتعيش وهم ان الواد بيضحى بئا علشانها وعلشان سعادتها وبتاع ودا طبعا كلام فاضى
واحده تانيه بئا تفتكر انه من كتر حبه ليها يا حرام حاسس انو لو كمل معاها ممكن يظلمها معاه لان دلوقتى مش جاهز ولسه قدامه وقت وبتاع (محسسنى انو بيحب واحد عندها 40 سنه وقربت على سن اليأس )مش فاهمه انا والنبى
وفى شباب بئا بتقول الكلمه من هنا ومتشوفيش وشهم تانى بيختفو حتى مش بيستنى يقلك قال كده ليه
واكيد طبعا هتعملى زى اخينا الى فوق وتفضلى تفكرى قال كده ليه وابقى قابلينى لو عرفتى بئا

اقلكو برده ايه معنى الكلمه دى يعنى والله دا الى انا وصلتله لحد دلوقتى الله اعلم بئا هما وصلو لايه
ههههههههههههه

مش عايز اظلمك معايا يا حبيبتى (والله بابى مصمم اسافرله بعد الجامعه على طول وبيقلى مفيش جواز دلووقتى ومش عارف اقنعه باى حاجه اصل بابى شديد موت)
او يعنى اى اشتغالات من دى اكيد كلكو عارفنها مش محتاجه اقلها
تعرفى على طول يا توتا انك خلاص بئا خدتى كارت احمر وطلعتى من دماغه
او نقول خلاص زهق (بينى وبينك انتى طولتى برده معاه اوووى يعنى ميصحش كده خلى عندك دم بئا)الواد معذور برده الخنقه وحشه ياستى

يوم مايجيلك عريس بئا اول واحد هتلاقيه بيقلك مبروك يا حبيبتى انا مش عايز اظلمك معايا ومن رأيى توافقى انا شايف انه كامل ومناسب اوى ليكى وهيقدر يفهمك كويس اكتر منى وانا افضل انى اتعذب و
اضحى بحبى علشان انتى تعيشى سعيده و مرتاحه ياقلبى (حلى عنى بئا انا زهقت)طبعا مفيش حل الا انك تسمعى نصيحته مهو اكبر منك برده ولا زم تحترمى كلامه يا بنت انا شايفه انو ادرى منك وعارف مصلحتك ...
وخلاص مفيش اى اختيارات اصلا ..معلش بئا ياتوتا ...مانتيش اول واحده يعنى

انا برده مش عايزه اظلم الناس الى بتقول كده من قلبها...لان اكيد مش كل الناس وحشه...يعنى ممكن واحد يضطر يقول كده لانه شايف انكو لو كملتو للاسف مش هيبقا فى نهايه
هيفضل انو ينساكى لان فالنسيان وفاء مهو اولى انكو تفترقو ...مدام هو مش هيقدر يوفى بوعده معاكى..وينفذ اى حاجه انتو متفقين عليها
وفعلا دا بيكوووون نااااااااادر جدا الايام دى وبجد دا الى يبقى انبل انسان فى حياتك
عارفه انكو مكملتوش مع بعض ... بس دا احسن ما يكمل معاكى وهوو عارف انو رابطك جمبو كدا وخلاص يعنى من غير نهايه

اوك يا شباب عرفتو بئا الى فيها
انا طبعا جايه اهدى النفوس مش اكتر
ههههههههههههههههههههه
عايزه بئا رأيكو والى عارف معانى تانيه ياريت يقلها يعنى اهو يهدى النفوس معايا

منقووووووووووووووووووول