نفساني - عنواني....

عنواني الريح ودروبي سنا نجمه
واللي يبيني تراني ساكن جوفــــــــــــــــــــــــــــــــي
ما بين عيني وعيني تنتشي وسمه
فيها حياتي وموتي وامني وخوفـــــــــــــــــــــــــــــي
وحدي,,, لكن عروقي كلها زحمه
اشوف نفسي واشوف الناس في شوفـــــــــــــــــــــــي
واللحظه اللي تجيني ما بها رحمه
اترك لها الدمع وارفع للسما كفوفـــــــــــــــــــــــــــــي
لخاطر عيون غزالي اسرج الكلمه
من غير غزالي اطيعه واعطي حروفـــــــــــــــــــــــــــي
خان الزمان اللعوب وخانني اسمه
وانا احسب انه حبيب يصدق ويوفــــــــــــــــــــــــــــــي
مدري الوعد هو نصيبي او هي قسمه
او حظي اللي دعاني لاكبر حتوفــــــــــــــــــــــــــــــي
اموت واحيا واعانق بالسما نجمه
عييت على الخلق وارتاحت على اكتوفــــــــــــــــــــــي
في عيونها شي يشبه صرخة العتمه
تقول شوفي وانا اهتف بها شوفـــــــــــــــــــــــــــــي
ليلي نهار وصبحي صرت انا خصمه
غمضت عينها بكيفي ونامت سيوفــــــــــــــــــــــــــــي