|
علشان انت مصرى !!
عشان أنت مصري لازم تعانى
وتفقد كرامتك بكل المعاني وتحرق في دمك سنين مش ثواني وأوعى تصدق كلام الأغاني بتاع الحضارة وكانى ومانى ده كله هجايص ما يدخل ودانى عشان أنت مصري العذاب بيناديك بتبدأ في يومك بحاجات بترازيك في نومك في قومك تعكنن عليك تضايقك ولسة العماص في عينيك مفيش ميه تشطف صابونه في ايديك وجسمك ملزق وريحتك عاديك فتلبس وتنزل وفيك اللي فيك ورايح لشغلك حتحتاج مواصله أدى المترو واقف وكهربته فاصله وفى الميكروباص خناقه وحاصله وأوتوبيس فرامله عايزالها وصله وتوك توك ده تايه ومحتاج لبوصلة بتوصل لشغلك بدم اتحرق في زحمه وكتمه وحر وعرق رئيسك سايب لك كومه ورق ده غير دمغه ضايعه وملف أتسرق وفى كام مواطن عامل لك قلق بيشكى تقول له روح اندعق وعركه وهوجه وشاي اندلق ومخك خلاص من الصداع أتفلق ها ترجع لبيتك ده لو كان في بيت ها توصل ها تندم ياريتك ماجيت مراتك بتصرخ خلاص استويت عيالك بتطلب وهات كيت وكيت تزعق تهاتى يا ناس اتهريت ولاحد سامعك مهما هاتيت عشان أنت مصري وده للأسف فلازم تآسي تعيش تتقرف وكل الأساسي في حياتك ترف فتنسى الكرامة وتنسى الشرف وتسرق وتنصب أو تنحرف ودمعك بيجرى وجرحك نزف مش أنت اللي مصري؟؟؟ جتك القرف ×××× أبيات نقديه من منتدى / ابن النيل ×××××× |
اسامه ،،،
مساء الخير اه يااسامه سبت ايه بس؟؟؟ شر البليه ما يضحك!!! |
هههههه,,, فعلا شر البلية مايضحك
شكرا أسامة |
اقتباس:
يومنا .. لازم نعيشه ونتحمله ولو قدرنا .. ياريت نجمله وبالفرفشه والضحك والفكاهه نمسح فى آخره .. أحزان أوله إيه رأيك ؟؟ قدرت أصلح الأمور شويه ؟؟915 شكراً جزيلاً لتفاعلك ومشاركتك ..... |
اقتباس:
وجعل السعاده من ورائك ؛ وقدامك .... سعدت جداااااا بمرورك الكريم ... ويارب أقدر أقدم حاجه تليق بمقامك .......678 |
حلوة منك أسامة،،،،،،،،
وصدقني الحال من بعضو،،،،،،،،،مش بس عندكم بيحصل دا،،،،،،،،،، تقبل تحياتي العطرة . |
تتصورى ياورده أننى فوجئت لما قرأت كلمة (( عندكم ))
مُش عارف ليه " ماشيه معايا أوى " انك مصريه !!!!!! عموماً من أى البلاد كنتِ ؛ أنا سعيد جداً بمعرفتكِ واخوتكِ ..... ربنا يديم المعروف ....... |
مش انت أول واحد بقولي كدا
كتار من المصريين قالوهالي ومعلومة صغيرة أنا زرت مصر من كم سنة وإن شاء الله لي أن أروح السنة دي هاروح . تقبل تحياتي العطرة . |
دى مصر تنور وتتشرف بزيارتك .....
أهلاً وسهلاً بيكى فى أى وقت ..... |
أسامة أنا بشكرك على حسن ضيافتك لي و كل الشكر لك
أنت لم تقرأ موضوعي : لا تقولي وداعاً......... تقبل تحياتي العطرة . |
الآن قرأت الموضوع ؛ ووصلنى المفهوم ......
شكراً لكِ ..... |
أسامة أنا بقولك كدا حتى تتشجع وتكتب بقى يا أخي
وعلى فكرة لاء كنت عايزة أقولك إني من....................... فقلت أخليك أنت تحزر . |
" بر الشام " ؟؟؟؟؟؟؟؟؟؟؟؟
|
صباحك عسل أسامة...........
أرجو التحديد أكثر وأكثر............ تقبل تحياتي العطرة . |
ماهو ياإما سوريا أو لبنان ......
ح أقول : سوريا ....... |
| الساعة الآن 06:55 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا