تعال نغازل
 

احرج سؤال انسألته الشهر اللي طاف

واحد سألني ليش ما تحب ليش ما تغازل يا خواف ؟

قلتله : انا ما اخاف الا من اللي خلقني

واخاف من ضميري على يوم يأنبني

ما اقدر اغازل وحده مثل اختي

كل بنات الديره كل وحده منهم اختي

و قلتله : انا ضميري حي بعده ما مات

و تعوذ من ابليس الشيطان بالذات

رد علي و قال : بتفهمني عمرك ما حبيت

بالغلط يا معود مرة و سهيت ؟!!!

قلتله : يشهد الله عمري ما حبيت

غير امي و ابوي و اخواني بالبيت

رد علي و قال : هذا حب طبيعي كل من يحب اهله

انا اسألك عن حب بنت تستاهله

قال : انت عمرك الحين ستة و ثلاثين

ما يصير ما حبيت بنت ليما الحين

قلتله : انت شنو تبي توصله علمني

انت قاعد تلف و تدور فهمني

الحب اللي اعرفه حب الزوج لزوجته حب طاهر عفيف

حب يشرح القلب على النفس خفيف

رد علي و قال : انت منت عايش في الدنيا

روح و شوف روح متع عيونك بالدنيا

قلتله : افا هذا مفهومك للدنيا و الحياة

تضايق خلق الله و تغازل البنات

قال : انت ما يفيد معاك الكلام

بمرك و اخذك معاي و بخليك تغازل تمام

قالي : انا باخذك معاي على يوم المجمعات

و بعلمك الغزل و شلون تجذب البنات

قلتله : المجمعات اللي اتكلم عنها تراني دشيتها

ما كلمت بنت ولا احرجتها و اذيتها

قلتله : انا ان مشيت عيني بالارض

مالتفت يمين و شمال على البنات و اغضب الرحمن

قالي : خلاص انا غسلت ايدي منك

عيزت و انا افهم فيك عيزت وانا اعلمك

قلتله : انت تعلمني شتعلمني

سواد الويه قولي فهمني

قالي : يا خالد قلتله : يا يوسف

قالي : يا خالد قلتله : يا يوسف

بسك يا يوسف لا تكثر الحجي

بروح انام و باجر نكمل الحجي

وانت تراك يا يوسف

رهانك معاي رهان خاسر

ابتسم و ابتسمت و كلن راح في طريجه

هذا احرج سؤال انسألته الله لا يعيده

منقول

أختـي الفاضلــة / loloo
تحيـة طيبــة ، ومساء كله خير ..
ما زلت أتوق إلى أن يكون لك تعليق من قلمك ، ورؤيتك .. فمعظم ما تسطريــه نحـت أسمك اقرأه ..
تحياتي لك ، وحفظك الله من كل شر .