|
مشورتكم في طبيب نفسي ناصح وموثوق ؟؟
السلام عليكم ورحمة الله وبركاته
أخيكم لم يسبق له الذهاب إلى طبيب نفسي قط .. لكني شعرت بالفترة الأخيرة بأعراض أثرت علي سلبا في عدد من مجالات الحياة ,,, لذا قررت أن أذهب للطبيب واسأل الله الإعانة واريد منكم مشكورين أن تنصحوني بطبيب جيد في الرياض واهم شيء : - ما تكون مواعيده بعيدة فأنا مستعجل جدا هذه الايام - يكون على قدر من عال من الالتزام - يصغي جيدا ويعرف تفاصيل المشكلة وأعماقها وعندي سؤال ايضا هل الطبيب يبدا في أخذ تاريخك وسيرتك ليستنتج من أين بدا المرض أم انه يطلب منك ان تشرح مشكلتك ويصرف لك العلاج وانتهى الامر ؟؟ بانتظاركم كتب الله لكم الاجر |
مممممممم
انا مب من الرياض ان شاء الله الاخوان يفيدونك وبخصوص سؤالك اشرح له مشكلتك ومن وين بدت وشلون .. وهو على الاساس بيحدد لك المرض ويصرف لك العلادج والله يشفيك اخوي وحسيت من كلامك انك جدا مشغول .. فياريت لو تعطي نفسك رااحه شوي.. وتسترخي ..وتبعد عنك جو الشغل لانه العمر يخلص بس الشغل مايخلص لازم تغير جوو وتريح اعصابك وترفه عن نفسك والله كريم .. =) |
مشكورة اختي ع النصيحة والمرور الطيب
بانتظار افادة الاعضاء |
وعليكم السلام ورحمة الله وبركاته ..
لابأس أخي أجر وعافية إن شاء الله .. وماتشوف شر بإذن الرحمن ,, ماراح أبعد كثير .. هنا في المنتدى دكتور فاضل من الرياض وهو الدكتور / سعيد عسيري .. وفّقه الله .. ماعهدنا عليه إلا كل خير .. تواصل معاه .. عن طريق الايميل اللي واضعه فالتوقيع والله يكتب لنا ولك مافيه الخير .. ونرجوا المعذرة من الدكتور سعيد .. في حفظ الله .. |
عليكم السلام
هلابك اخوووي إبراهيم ان شاالله ماقدامك إلا العافيه والصحه بالنسبه للدكتور انا انصحك في زيادة عيادة الدكتور عبدالله السبيعي اسمها ميدي كير طريق الملك عبدالله حفظه الله فيها اكثر من دكتور دو خبره مثل عبدالله السبعي والدكتور اسعد وغيره من المتخصصين الوصف العيااااده طريق الملك عبدالله بعد مطعم مامانوره وانا اطمنك مافيه الاالعافيه وان شالله انك بخير وبالف صحه لك احتراااامي بندر سعد |
بالفعل يا أخ بندر ذهبت إلى عيادات ميدي كير عند الدكتور ماهر ..
والحمد لله على كل حال .. اللهم اشفي جميع من ابتلي بالاكتئاب يا رب |
اقتباس:
مصري الجنسيه على مااعتقد ياابراهيم صح وش صرفلك من ادويه رغم نه دكتور خبرته في الطب النفسي اكثر من 35سنه لكن ماهي الاعراض اللي تعاني منها ياابراهيم لك رق تحيه بندر |
أهلا أخي بندر
الدكتور مصري نعم .. ومحترم جدا وأنا أعاني من اكتئاب .. أصابني في البداية في مرحلة البلوغ .. في الفترة السابقة أتتني نوبة شديدة جدا .. لم أستطع أن أتماشى معها كما في النوبات السابقة .. لذلك قررت أن أذهب للطبيب وصف لي (سالي باكس) لمدة أربع أسابيع ثم يقرر ماذا سيفعل شفا الله مرضانا ومرضى المسلمين شكرا لحرصك أخ بندر |
السلام عليكم ورحمة الله وبركاته
اخي ابراهيم اعانك الله وشافاك ومرضى المسلمين بمستشفى الملك خالد الجامعي(د-عبدالله السبيعي, د-طارق الحبيب, د- الحمد ) بمستشفى الملك عبدالعزيز الجامعي(د- محمد الصغيّر) اما العيادات الخاصه فلا اعرف فيها لكن هؤلاء الدكاتره بالمواصفات اللي طلبتها لكن الدكتور عليه التشخيص فلذلك لابد ان يعرف تاريخك المرضى من بدايته فيحسن صرف الدواء لك ان استدعت حالتك (واضن انك تحتاج لجلسات نفسيه من تنفيس انفعالي وتمارين استرخاء) الله يكتب لك اللي فيه الخير |
جزاكم الله خير
ميدي كير بعد ماما نوره اللي بطريق الملك عبدالله؟ وموجوده العياده على الشارع الرئيسي؟ وشو جنبها لاني كل يوم امر عند هالشارع ومانتبهت للمركز وودي اعرف موقعه هو بالشارع اللي قدام جرير وبنده؟؟ جزاكم الله خيرا |
اقتباس:
هلابك والله ياسيدتي الوصف بالضبط بعد مطعم ماما نوره يجيك صيدليه الحزيمي وبعدها مسجد العياده مقابله باب المسجد الشرقي وبوابة العيادة تفتح على المسجد من غرب ان شالله الوصف واضح لك ارق تحيه بندر سعد |
اقتباس:
هلابك والله ياسيدتي الوصف بالضبط بعد مطعم ماما نوره يجيك صيدليه الحزيمي وبعدها مسجد العياده مقابله باب المسجد الشرقي وبوابة العيادة تفتح على المسجد من غرب ان شالله الوصف واضح اذا وصلتي العياده قولي انا من طرف بندر سعد ههههههههه لك ارق تحيه بندر سعد |
| الساعة الآن 04:45 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا