ممرضة تخاف من الموت؟؟!! ارجوو المسااعدة جزاكم الله خير والله تعبت
 

السلام عليكم..
كيف حالكم جميعا؟
لاتصدقون فرحتي عندما وجدت هذا المنتدى الشاامل بصراحة اعطاني امل لمشكلتي اللي مااظن فيه احد بيحس فيها غيركم لانكم تعانون من نفس المرض الله يشافينا جميعا ياارب ..
مارح اطول عليكم وبقولكم قصتي باختصار .. انا طالبة تمريض عمري 20 عاما واحيانا احس انه تصرفاتي وتفكيري تفكير طفلة لاني اخاف هالخوف كله .. المهم انا دخلت التمريض باختياري ولحبي لمساعدة الناس وكما تعرفون التمريض شي طبيعي بصادف امواات واتعامل معاهم لكن حالتي هذه تصعب علي القصة لدرجة فكرت اطلع من هالتخصص لكن هذا صعب لاني ملتزمة معاهم بعقد يلزمني بمبلغ مالي كبير ومستحيل اقدر اجمعه وثاني شي انا مازلت احب التمريض واتمنى اواصل فيه لكني اتعب وماتحمل اسمع سيرة اموات فكيف اني اشوفهم؟! تخيلوا اليوم حسيت نفسي سخيفة لانه كان الدرس عن التعامل مع الميت واهله ووو.. مجرد درس نظري وقصص اموات وخفت لدرجة خفت يوقف قلبي وماقدرت استحمل وطلعت من الصف بسرعه واتضايقت من نفسي كثير محد حالته مثلي كلهم يضحكون وطبيعيين تمنيت ابكي لكني حتى بكاء ماقدرت .. اعرف انه ابتلاء واختبار من الله لكنه صعب ومايصير شووروا علي الله يخليكم ويشافيكم ويحقق كل امانيكم..

امووووووول حبيبتي
بنظري هذا شي طبيعي,الموت كلمه تتكون من ثلاث حروف,ولكن معناها يهز جبال,الموت مو حاجه هينه,وسهله..
بس انت الي اخترت قسم التمريض,فلازم انك تكوني قد المسؤليه,يمكن انت في حياتك العامه,نادر ماتسمعي كلمه موت,اوفي حياتك ماقد شفتي ميت,عشان كذا خايفه,بس ولايهمك-ان شاء الله-مافيك الا العافيه,هذا امر طبيعي,لانك جديده على هذا الشيء,بس بعد فتره تتعودي -ان شاء الله-
وانت مو سخيفه ولا شيء,انت شكلك حساسه بطبعك,اما صحباتك ولا يهموكي,اسمحيلي
محد يسمع الموت وسيرته ويكون طبيعي ويضحك..
المهم ولايهمك,كملي دراستك"بالتوفــــــــــــــــــــــــــــــيق"والى الامامaaaaaaaaas
وعلى فكره صحبتي كمان ممرضهaaaaaaaaac
دعواتك اختي...

مشكوورة اختي عالرد خففتي عني شوي بس بغيت اقولك انا موماعمري شفت ميت لاا بالعكس كنت عادية ولااخاف وحتى لو اشوف ميت قدامي ياجبل مايهزك ريح بس من صارتلي حالة الهلع وضيق تنفس وحسيت بالموت من يومها وانا اخااف بس مرات يقل والله يوفقك ودعواتك لنا بالشفااء

الله يشفي الجميع

يارب يشفيكم ..

اختاااااااااه لست وحده كلنا مثلك والله

انتي في القسم والمنتدى الصح

وأنا مثلك بعد ..

أنا شفت ميت قبل كم شهر وماقدرت أنام
يمكن صدمه نفسيه لكن ما اتوقع انها نوبه هلع
خاصه الي شفتها كانت متوفيه بالسرطات وشكلها تعالج كيماوي شعرها كله متساقط
ماودي اتذكر لأني أخاف

آمين ..
علشان كذا أنا ما احب ادخل مواضيع الموت صحيح أن الرسول (ص) يقول أكثروا من ذكر هادم اللذات ..
لكن أنا بت ما أتحمل أشوف أموات أبد وأبداء أتخيل أشكالهم ..
ويجيني خوف خاصه اذا جيت أنام ..
عشان كذا أحاول اني ما أشوف أموات أبد لكن بعض المرات يكون غصب علي أزور أحد في المستشفى ويكون فيه جثث يطلعونها برى ومغطاه
يبداء الخوف داخلى
سبحان الله الموت له هيبته عند كل شخص
وبالعكس كل ما اتذكر الموت يكون حافز لي لربي ولصلاتي والطاعات

ياارب شافنا شفاءا لايغادر سقما

الله يصرك يالغلا ..

جزاكم الله خير عالردود وشفانا الله شفااء عاجلاا.. انا اللي مصبرني انه في ناس كانوا اكثر مني يخافون من الدم والابر والحين ماشالله من احسن الممرضين عالاقل انا بس اخاف من الموت ومتاكدة انه في امل كلنا نشفي ياجمااعه وقررت احط حد للحالة وبقولكم حتى يمكن تستفيدون ..اول شي احنا ليش نخاف من الموت مثلا انا اخاف بالاساس من عذاب الاخرة والعقاب فالحل نتقرب لله اكثر وكل يووم نسمع قران عالاقل اذا ماتقدرون تقرون اسمعوا في مواقع صوتية حلوة وفيه رقية شرعية صوتية ونعدل الدين اكثر فهذا اتوقع بيخلينا نتطمن لاني جربت قبل واحس اكون اهدا من قبل والخوف يقل بكثيير والله ونكون بعد مانخاف العقاب لانه بالاساس هذي وساوس الشيطان واكثروا من سورة البقرة وثاني شي نتعلم من التجارب اللي سبقونا ونحاول نقوي نفسنا ونكرر بعقلنا انا مابخااف من الموت هذي وساوس الشيطاان .. وان شالله نستفيد
وان شالله الخميس رايحة ازور المدينة وبدعيلكم بالشفااء ان شالله على فكرة انا من البحرين