ولدي متعبني ابي حل
 

السلام عليكم
ولدي عمره 3سنوات وشهر اذا عصب يضربني ويسبني ولا فيه احترام عنده لاي شخص كاان ومتعلق فيني كثير واتكالي علي لازم اسوي له كل شي حتى ابسط الامور اذا جلس يتابع لازم اجلس اتابع معه اذا طلع للحوش لازم اطلع معه مايقتنع باحد غيري ومع هذاا ماايحترمني ويضربني ويبسق بوجهي وانا جداا تعبانه ودي يتغير علما اني اظربه بس ماافيه فايده وشلون اعدل سلوكه من دون مااظربه ابغى ابطل ظرب لاني اذا ظربته اندم وارحمه واجلس ابكي ماودي اتعامل معه بعصبيه بس غصب مو بيدي على بالي ان الظرب يأدبه لكن للاسف انعكس عليه شوروا علي وش اسوي وااسفه على الاطاله

اختي نوره مساك الله بالخير
ربي يحفظه لك ويبارك لك فيه
ابنك الله يسلمك ينقصه حنان حاولي ان تضميه لصدرك كثيرا
وحاولي ان تطعميه وتشربيه من يديك

حاولي ان ينام بدري وان لايسمع ازعاج كثير في البيت

في هذه السن تكون عمليه التلقي مفيده جدا
لاتكثرون عليه كلمات التجريح والتانيب ولاتضربوه على الوجه
مهارات بسيطه استخدموه معاه وسيرجع ابنك كما تشتهين
والطفل في هذا السن في الغالب تكون حركته كثيره
اهم شي لاتجعليه يعتمد عليك كثير

طمنيني عنه في رد اخر اختي نوره

دعواتي لك وله بالعافيه والسلامه