|
المفـــــــاجأه..
أحد الشعراء ...عندما راى أحد الفتيات تنظر له
لكن المفاجأه ؟؟ وش صار؟؟ تابعوا القصيدة يقول: كل شبر بهالوسيعـه ملـك ربـي تعلميـن وأعلم إن اللي خلقني هو خلق لـك هالعيـون لكن انتي من جلستي وانتـي فينـي تحدقيـن كن ما به ناس غيري بهالكراسـي يجلسـون لو سمحتي عاد أسمعي وحتى لو ما تسمحيـن المهـم اللـي بقولـه تسمعينـه و يسمعـون ع الأقل ليا نظرتك سـوي روحـك تستحيـن غضي طرفك مثل غيرك خوف ربعي يلمحون الركادة عاد زينة والحياء فـي البنـت زيـن وفيـك جآزم لا ركـادة ولا حيـاءٍ يـذكـرون تعرفينـي ؟! أعرفـك ؟! ماأذكـر إنــا ملتقـيـن لا أعرفك من تكوني و لا تعرفي مـن أكـون وإطمأني إن كان قصدك بس فينـي تشبهيـن ما هـو أنـا إلي تعرفيـه والبشـر يتشابهـون مـا دريتـي من التشابـه يخلـق الله أربعيـن وأعرف أربع يشبهنك بـس والله يستحـون وإن كان قصدك شي ثاني عاد قولي وش تبين خايف إنا نصير فرجة وإللي ماشتروا يتفرجـون وإذا ببالك عاجبتنـي لا يحوشـك تحلميـن صح ربعي من جمالك فيـك صـار يمدحـون بس وش لي في حلاتك دام فيهـا ترخصيـن حشمة البنـت وحياهـا والكرامـة يلفتـون ولو توفر فيك هـذا مـع حلاتـك تبشريـن ما هو أنا ألف غيري بـاب بيتـك يطرقـون وش علامك رغم كل اللي أقولـه وتسكتيـن مو طبيعي هالسكوت وهالبـرود وهالسكـون إنتـي خرسـا أسألـك ولا منتي تسمعيـن؟؟ قالوا ربعي ذي كفيفـة قلـت لا لا تمزحـون لين شفتك يوم رحتـي يمسكونـك باليديـن ما دريت إلا عيونـي أربـع أربـع يذرفـون آه ياني منه مشهـد يـوم شفتـك ترحليـن جيت اشوف عيون ربعي لقيت الكـل يدمعـون يالكفيفة يالعفيفـة إن قلـت آسـف تقبليـن؟؟ يغفر الله ذنوب عبده ليا خطا وهـل تغفـرون؟؟؟؟ * وتذكر ليس كل من يركز في شئ فاهم قد يكون ضعيف نظر . عجزت عن الكلام ..وأدهشني المقال منقول |
أووووووه .. عجبتني كتيييييييييييييييييير ..
كتييييييييييييييييييييييير .. فعلاً أنا إتفاجأت .. وماكنت متوقعه إنها راح تطلع كفيفه .. تسلمي على هذا الموضوع الشيق .. تحياااااااتي .. :) .. |
راااااااااااااااائعة بالفعل..ليس كما تصورت في بداية القصيدة أبداً..!
بارك الله فيك أخية.. |
المشكلة في وقتنا هذا صار محسوب على المرأة حتى النظر، يعني حتى النظرات العادية والبريئة، تفسر على المزاج.
واذا وحدة وقعت عينها في عين اي (مراهق) قال بس هذي تبغى الرقم وقام يطار المسكينة حتى تطلع من السوق عشان تخلص من دناءته. يعنى عندهم المرأة لازم تنظر الى الاسفل دائماً، حتى تصدم بأقرب عمود حتى تصير (عفيفة) ـ شباب عجيب ـ شكراً لك (خلجات) على النقل وعلى الرسالة التي حوتها القصيدة. |
مشكور ..على المرور
....بس انت يااخوي شكلك مافهمت مغزى القصيده ...فليس معناه ان احلل للمراه النظر بالعكس غض النظر نحن مامورون به في القران الكريم ...والمفروض للانسان غض نظره ... ...وإذا غضت المرأه نظرها مو شرط تصتدم بشئ فمن يتقي الله يجعل له مخرجا ..حاشى وكلى ان ..تفهم القصيده تحليل النظر من احد الطرفين للاخر فالنظر سهم من سهام إبليس ...ضروري ينحسب عليه نظرها لان الله غدا سيسألها عنه .................................................. ................. يمكن يكون معنى القصيده ان ليس كل من يحد النظر ...كقريب سلمت عليه او احد مبحلق بشئ وهو مو معااه اصلا كالكفيفه اللي مرت معنى جزاك الله الجنه .... |
خلجات.. اتمنى ان ترجعي وتركزي في مشاركتي
فانا لم ادعو النساء في مشاركتي للنظر للرجال، ولم اقل انك دعوت لذلك انا قصدت ان النساء لابد ان ينظروا امامهم وهذا شيء طبيعي واي شيء امامهم لابد ان تقع اعينهم عليه ، ولكن عند المراهقين لابوجد شيء اسمه نظرات عادية او بريئة. ولم اقل ان المرأة عندما تغض بصرها انها سوف تصطدم بشيء، بل قلت ان المراهقين يريدون منها ان تنظر الى الاسفل حتى لو اصطدمت بأي شيء حتى يتركوها في حالها ويعتبروها عفيفة. وهذا ماكانت ترمي اليه القصيدة.. ولكن بقالب كوميدي طريف كي تصل الرسالة الى الشباب بشكل غير مباشر، بمعنى انه ليس كل نظرة من المرأة تعني ان وراءها شيء مريب، فقد تكون نظرات فضول كما عند الرجل وقد تكون تبحث عن شيء ، او عن شخص تريده او اي شيء آخر، وان على الرجل ان يحسن الظن دائماً بالمرأة ولاينظر اليها نظرة مريبة. وانا في ردي كنت ادعو الشباب وانا احدهم ان نحسن الظن بالمرأة ولانضيق عليها ، ولانفسر نظراتها اي تفسير خاطىء، ونتعامل معها كما نتعامل مع انفسنا ونحترم خصوصيتها وحريتها وان الله قد اعطاها عيون كما اعطانا وان من حقها ان تنظر بها في اي مكان اذا احتاجت ان تنظر فيه، طالما انها محترمة ولاتثير الفتنة. |
أعتذرأخي إن ...تبادر لفهمك اني .أتهمك بشئ لا والله لا..وإنما كان القصد بل الخوف أن يفهم أحد مني انا بكتابة القصيده بعد تعليقك عليها ..ان ادعو لنظر المرأه ..اعتذر منك ...شكرا لمرورك
|
خلجات نفس شكرا لك على هذا النقل ..اعرف فتاة كفيفه لكن سبحان الله الذي اعطاها العلم والبصيره تحفظ القران وكتب الصحاح من الاحاديث وكثير من كتب الفقه ذات علم واسع ماشاء الله عليها
وصدق الاخ سواح فيما رمى اليه ... |
أضاءت صفحتي بمرورك يأم عبد الله ....ليس غريبا ان تجدي فتاة كفيفه .....متميزه ..فالكفيف او العاجز ليس عاجز البصر ..بل هو اعمى القلب ....يشكر الاخ سواح على المرور لكن إلى الان محد فهم قصدي ...من الاعتذار عن الطرح ...
أخيه للمرأه حرية النظر لكن من النساء من تنظر للاسف متعمده وتقول النظره الاولى لي ؟؟؟؟؟؟ اكرر الاعتذار للاخ سواح عن ...اللبس ..الله يجزاكم الجنه ...لا احد يشيل على بقلبه ...نحن اسره واحده ..ومن حق كل فرد إبدأ رااايه بطلاااقه وحريه |
بالعكس حبيبتي خلجات ماتكوني حساسه كلامك صحيح للاسف نحن الان نشكوا من الجرأه التي اسميها وقاحه من كثير من الفتيات تجديها من جرأتها تضع عينها في عين رجل غريب ربما يخجل الرجل ويبعد نظره وهي باقيه تحملق بكل جرئه ..
لذالك كلامك وكلام الاخ سواح صائب لكلا النوعين .. شكري لك يالغاليه .. |
صح والله كلامك اختي ..وانا وقفت على هالشئ بنفسي ..حتى ان البعض هدااهن الله تضع وجهها بوجه البائع حينما تريد السؤال عن شئ ..الله الهادي يارب ثبتنا واهدينا وفتياات الاسلام والله يحرقني حال الفتاة المسلمه اليوم جدا ...
مشكوره ..وانا لم اتحسس من شئ بالعكس روحي ريااضيه والحق وكلمة الحق احبها واستقبلها بكل سرور حتى لو كااانت نقد فنحن نتعلم من أخطائنا... |
اكرر الاعتذار للاخ سواح عن ...اللبس ..الله يجزاكم الجنه ...لا احد يشيل على بقلبه ...نحن اسره واحده ..ومن حق كل فرد إبدأ رااايه بطلاااقه وحريه
مافيه داعي ياخلجات.. للاعتذار ومافيه شيء في قلب احد، واللي بيصير في قلبه شيء من الحوار فهو انسان مريض، بالعكس انا احترمك جداً حتى لو كنت لا اعرفك فغيرتك على دينك وعلى اخواتك النساء دليل على طهارة قلبك ونقاء سريرتك هكذا احسبك ـ ولا ازكي على الله احد ـ وبالفعل كما ذكرت اختي ام عبداللة ـ وابارك لها اللقب الجديد ـ لاتصيرين حساسة وقولي كل مايدور في ـ خلجات نفسك ـ طالما انك تقولين الحق. تقبلي خالص الاحترام |
الله يبارك فيك أخي ويجزااك الفردوس الاعلى ...
|
| الساعة الآن 02:44 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا