نفساني - دكتور ارجوك ارشدني قبل مااهدم بيتي تعبت ... تعبت

نفساني (https://www.nafsany.cc/vb/index.php)

- عيادة المشكلات الزوجية والأسرية (https://www.nafsany.cc/vb/forumdisplay.php?f=21)

دكتور ارجوك ارشدني قبل مااهدم بيتي تعبت ... تعبت

السلام عليكم ورحمة الله وبركاته
انا زوجه ثانيه دائمآ على خلاف مع زوجي
ابغى اعرض لك تصرفات زوجي هل هي طبيعيه وهل هو على حق او انا مكبره الموضوع مثل ماقال
تعبت ووصلت الى حد الااستطيع تحمله اتعبني بتصرفااااته ماقدرت افهمه
غاااامض جدآ
على الرغم اني ماقصرت بشي معه بالعكس مدلعته وحاطته على كفوف الرااااحه
احرم نفسي اشياء كثيره عشانه اعتزلت العالم علشان ابقى له
بعض الاحيان احس انه يموت فيني وبعض الاحيان احس انه عادي عنده
بالرغم ان ماينقصني شي الحمدالله
بعض الاحيان احس انه طيب وعلى نيااااته وبعض الاحيان لا
بس اللي لاحظته فيه انه شااايف نفسه بقوه
والله مدري من جد احس اني بنجن منه
انا بعرض لك تصرفاته وابيك ترشدني على الرغم اني الان زعلانه وطالبه الطلاق

1- انسان كل يوم له كلمه يعني يوعدني بشي وبكره يغير راااايه

2-شكاك بقوه يدخل علي فجاءه ويفتش في اغراااضي

3-يغلط ومستحيل يعتذر

4- كثير الكذب حتى في اتفه الامور

5-اذا اتصلت عليه مستحيل يرد

6-مايهتم في مشاعري وحبي له واذا عبرت له عن حبي قالي انتي متأثره بالافلام والمسلسلا

7-اذا صار بينا نقاش يتلفظ الفاظ بايخه وبعض الحيان يمد ايده

والله يادكتور تعبت منه وماني عارفه الشخص هذا مين عمري ماحسيت انه زوجي
والله انا ماقصرت بشي معه
واخر مره مد ايده علي وانا كنت تعبانه ويوم طلبت الطلاق ترجاني عشان ارجع ويوم وافقت رجع هو يحط شروط قالي بينقص المصروف واسواق مااطلع الا في الشهرين مره على العلم انه عارف فبل زواجي اني انسانه مجنونة لبس وموضه وكان موافق
بعدها حسيت نفسي ولا شي
رفضت الشروط وسكرت السمااااعه وانا كلي حطاااام حسيت انه خلاص ماعاد فيه فايده
وعلشان اكون واضحه انا عندي ولد منه
زوجي اكبر مني 12 سنه
وانا عمري 25 سنه

ابي الحل ارجوك قبل مااتخذ قرار اندم عليه بعدين

ارجوك دكتور اذا انا غلطانه وجهني

انا تعبت لاني ماقصرت بشي معاه

واسغه على الاطاله
واسفه كلامي مو مرتب بس والله من الهم اللي فيني
ولك خالص شكري

السلام عليكم ورحمة الله
نحتاج للمعلومات الأساسية على المثبت

بالإضافة أن تجيبوا على السؤالين التاليين :
هل تم زواجكم تقليدي وكيف
هل تعرفتم على بعض قبل الزواج

مع التحية ،،

اهلين دكتور مافهمت عليك من ناحية المعلمات الاساسيه للمثبت

مراااحب دكتور مره أخرى

بعطيك معلومات اتمنى تفيدك بموضوعي

كنت مطلقه من قبل وعندي ولد
عمري25
وعندي ولد منه
دكتور بعد ماكتبت الموضوع بيومين رجع يعتذر وسامحته ووعدني يغير طبعه
لكن مثل العاده كذب علي ورجع نفس الموال
وسكت وصار بينا نقاش وحسيت نفسي ضغطت عليه ومن بكره اتصلت اعتذر وقفل السماعه في وجهي
وبع ساعتين رجع البيت وصار بينا نقاش حاد ومد ايده علي
انا اعترف اني عصبيه بس انا بعد ماتحمل احد يستغفلني ويكذب علي عيني عينك
انا في حيره احس الحياة مع الانسان هذا صعبه والله مايمر اسبوع الا نتهاوش
المصيبه والكارثه اني احبه حب جنوني
وهو عارف عشان كذا دايم يحقرني ويطنشني لانه عارف مكانته
ابي طريقه يتعدل فيها والا الطلاق اريح
لاني من تزوجته وانا في عذاب
الله يجزاك الف خير يادكتور لاتهمل رسالتي والله اكتب ودموعي على خدي من القهر افكر ليش يسوي كذا والله معيشته في نعيم كل يوم معيشته في جو احلى من الثاني
طبعا هو عنده زوجه وعيال وزوجته الاوله عمرها 40
اللي استغربه انه اول ماشافني كان بيموت لو ماتزوجني الى درجة انه حط المهر من الالف الى مائة الف
بس بمجرد انه تملك على طول وراني الوجه الاخر له
عارفه كتاباتي ملخبطه بس والله من الهم بعيد عنك

السلام عليكم ورحمة الله

الرجاء تزويدنا بالمعلومات حسب المطلوب وبالترتيب

مع التحية ،،،