حياتي كابوس لاينتهي الا بموتي
 

السلام عليكم
مدري اشلون ابدا بس اليوم مدري مقدرت انام كل ماابي انام احس الموت جاني كل جسمي كان شئ يسري بدمي شئ غريب ومخيف كاني بموت
انا قبل يوم تعرضت لموقف بشع حسيت اني حقيره وتافهه ---ومن وقتها وانا حاسه بتعب جسمي ونفسي وان الدنيا ماتستاهل ان الواحد يتعذب عشانها --ويمكن لاني ايضا افكر بموضوع مقلقني طبعا يخصني ويمكن ويمكن بس الاكيد--اني ماني قادره انام من الخوف -اخذت 3 حبات فيفادول عشان انام بس زاد الوضع
اشعر ان شئ ضاغط على رقبتي وبطني مايخليني اتنفس زين بالقوه اتنفس ---وانا ماابي اروح اي طبيب لان مافي فائده ترجى يعني كله كلام فاضي بيقلونه لي ونفس الوضع مايتغير
الحين اتنفس احس كان شئ ثقيل على بطني ضاغط مدري بس خايفه من جد خايفه انا ماني خايفه من الموت بقدر خوفي يحصل لي ماحصل ويغمى علي اموت بس مايغمى علي واحس بالموت واشعر فيه وكل شئ يمر علي القبر الموت اولادي انا اول مره اغمى علي وصيت زوجي على اولادي قلتله امانه اولادي امانه معك مدري اشلون قلتها وانا كنت بحاله لايعلم بها الا الله بخار يطلع من فمي مثل النار برغم البرد الااني اشعر بحر شديد جدا
مااشعر بالجوع واذا اكلت على طول استفرغ ---كل شئ افكر فيه كل شئ افكر فيه تعبت من التفكير ومن نفسي

الاخت نور نصيحه اذهبي الى شيخ راقيثقه ..

لي عوده لدراسه الحال

مساء الخير اخي سواح
انا بالفعل رحت عند شيخ بس ماقال لي االا ان اللي معي عين واعطاني زيت وماء مقري عليه واستعملته يمكن شهر او اكثر بس ولا شئ تغير احيانا اكون جدا طبيعيه ومرحه واقول انا خلاص اتحسنت ونفسي اسوي اي شئ اخرج اتمشى نفسي تكون مفتوحه للاكل اضحك واحيانا لا اشعر بخوف وهلع واكثر شئ اخاف منه الموت يعني اليوم الصباح عادي كنت بس مو اني نفسيتي مرتاحه بس عادي مدري اشلون تغيرت بثواني حسيت بخوف واني بموت واني خلاص نهايتي قربت مقدرت انام بس افكر وجسمي صار فيه مدري مثل شئ غريب يسري بدمي خائفه جدا بل مرعوبه حاولت انام وانسى بس مقدرت اصوات السيارات ترعبني اي صوت يصدر يرعبني لما تجئ الشغاله تكلمني بدون ماادري اصرخ من الرعب مااشتهي اكل اذا غصبت نفسي اكلت زيتون هاللون بدون شئ وعلى طول استفرغ لدرجة معدتي خلاص مافيها شئ ارجعه اجلس استفرغ هاللون بس بعدها احس بصداع ويديني يكون لونها اصفر واطرافها ازرق حتى شعري بدا يتساقط بشكل مخيف اشرب مويه وعصير واكثر السكر فيه بس انا لا مااعتقد ابدا ان فيني مس لا اللي فيني عين وحسد وهلع من اللي صار لي قبل اكثر من سنه وعارفه انا اللي حسدوني واعطوني عين بس مااقدر اسوي شئ

شكرا لكم --بس مستحيل احد راح يحس فيني الكلام مافي اسهل منه بس الفعل صعب صعب صعب جدا
انا امر باسوى ايام حياتي ظلما وحزنا والما ---يداي مقيدتان وفمي مغلق او انالااستطيع ان اتفوه بحرف واحد لااستطيع حقا لااستطيع ليس هناك شئ استطيع ان افعله سوى ان ارجوا الله وارجوه ان يشفق بحالي ويحتويني برحمته الواسعه
نور

والله نفس حالتي انا سمعت ان في شيخ بالامارات يعالج بالطب النبوي ممتاز كثير يمدحونه
ماجربته لكني ناويه اجربه ياليت تفكرين وتبدين معاي تطلبين العلاج منه ويارب نلاقي الخير