|
ســـــــــــــــــــــــــؤال .. هل تحسون مثلى
السلام عليكم
الان اكتب لكم وانا على مشارف الخروج من نوبه الحمد لله بس ابسال انا دايم كل ماتجينى النـوبه العياذ بالله منها لى ولكم ولمرضا المسلمين احس ان البلا ومصدر الشعور بالهلع والموت اخر صدر واعلى البطن المنطقه الى بين الصدر والبطن او اخر الصدر واعلى من البطن شوى الى هو نحس فيه خفقان وكنه هوا ابيطلع ونظن اناه روحنا واحيان كنه بانستفرغ وغثيان احيان للبعض وبعض لا لو تركزون.؟ تحسون بالهوا او الخفقان او الاثنين سوا من المنطقه الى ذكرتها اخر الصدر واعلى البطن احس فى شى هناك كل البلا والعلم عند الله سبحانه وتعالى من هذى المنطقه.؟ هل انتم مثلى او تختلفون سؤال ثانى هل بعد النوبه احد منكم يشعر بخمول وتعب وكنه ابيطيح على وجهه ويحس بكئآبه |
ان شاء الله يجي من يفيدك من الاعضاء
اسال الله ان يثبكم الجنة يعلم الله اني اريد الخروج ولكني بقيت لأفتش عن موضوع الدعاء الذي طرحته امس جزاكم الله بكل خير في الدنيا والاخرة |
اقتباس:
كل الاعراض اللي ذكرتها تحصل لي و فعلا منطقة أعلى البطن تحس انها بتنفجر و تحس بثقل و ما تكون مرتاح وبالنسبه للخمووول بعد النوبه يحصل لي ... و بالنسبه للاحساس انك بتطيح على ويهك هذي الفكره كانت تأتيني اول ما بدأ عندي الهلع بس اول ما اقتلعت الفكره من راااسي ما احس اني بطيح على ويهي الله يشافينا جميعا |
كل اللي ذكرته يحصل معي بس ولا شي من اللي نتخيله يصير صح؟؟؟؟؟؟؟؟؟؟
|
صح
المشكله نحس ونتخيل ونوسوس ونتوهم والحمد لله مايحصل من الى نحسه او نتخيله او نوسوس فيها او نوتهم شى |
الاخ الحربي .... المنطقه اللي تتكلم عنها أنا سألت عنها وبحثت عنها في النت لأني كنت أعاني مثل ما تعاني ولم احصل على اجابه إلا من دكتور كنت اراجعه وقال لي : إن منطقة البطن عموما هي مركز أعصاب الجسم يعني كافة أعصاب الجسم تبدأ من منطقة البطن وبعدها تتفرع .... ولأجل هالشيء أول ماتجيك نوبة الهلع أنت تتوتر وتتوتر أعصابك كلها ويكون التوتر والقلق متركز في منطقة البطن فتحس بغثيان شديد وتحس ان روحك بتطلع من حلقك لأن الاعصاب تشد البطن وترخيه فيرتفع الحجاب الحاجر وينزل وحتى المريء يتحرك وكله بسبب الخوف والتوتر وهو طبيعي
بالنسبه للخمول والتعب بعد نوبة الهلع فهو شيء طبيعي نتيجة أنك شديت أعصابك وشديت عضلات جسمك كلها وأنت في غير وعيك وخايف وبعد ما تروح النوبه وترتاح ويروح الخوف يبدأ الجسم يرتخي وهو طبيعي لا تخاف كل اللي تعاني منه نوبة هلع لا اقل ولا اكثر سيطر عليها واستخدم العلاج المناسب وراح تنسى كل هالاشياء اللي صارت معك وراح يجي يوم بعد ما تتعالج ان شاء الله وتضحك على نفسك وتقول : أنا ليش كنت أسوي في نفسي هالاشياء وليش ماكنت اتحكم في نفسي وليش وليش الله يشفيك |
فجر منير
شمس الامل شاب ضايع عبد الله الكنانى جزاكم الله خير والله يفرج همى وهمومكم وهموم المسلمين بس ابعرف المعده اين تقع هل فى نفس المكان الى اشتكى منه |
اقتباس:
|
احسها بالضبط
بس زياده عليك اني احس بضيق شديد بالنفس شديد شديد وتنميل احيانا وحاله اللهم لك الحمد |
| الساعة الآن 04:55 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا