اسئله ابي اجوبتها
 

كل الشكر لمرورك اخوي الحربي لي عوده للتعليق .....

انا اذا جتني النوبه في اي مكان مع ناس او في السياره احاول اني اهدي نفسي على قد ما اقدر..واذا ما هديت احاول اني اتحرك اغسل وجهي بمويه اسوي اي شي الين اهدى وتروح نوبة القلق لوحدها.. واذا كانت النوبه قويه اخذ حبه وحده او نص حبه مهدئه وبعدها اهدى بشكل كامل وتروح اعراض النوبه المزعجه والحبه المهدئه عند استخدامها وقت الضروره فقط ما تسبب اي تعود

وبنسبه لناس الي حولي اذا لاحظوا عليه هذه الاعراض..ما عندي اي مشكله ابدا اقولهم انه عندي نوبات هلع وقلق واشرحلهم اعراضها اني احسن بضيق نفس وخوف وغيرها..وعني انا كل الناس الي حولي يعرفون هذا الشي.. وما استحي ولا اخجل ابدا اني اقول حالتي واشرحها لهم.. لان هذه حاله مرضيه مثلها مثل كل الامراض الي تصيب الانسان والمرض مو عيب
وبالعكس انا ارتحت كثير لما شرحت لاقاربي والناس الي حولي الحاله الي عندي لانهم صاروا يتفهمون وضعي وحالتي اكثر

والاصنصيل والاماكن المغلقه كنت زمان احس باختناق منها لكن مع الدواء الي هو سبراليكس ومع تكرار ركوب المصعد اكثر من مره راح الاختناق وصار الامر عادي جدا

اكيد طبعها لانه مرض القلق ونوبات الهلع والحمدالله ليس من الامراض القاتله او العضاليه.. حتى الامراض العضاليه مثل السرطان والايدز اصبحوا اغلب الناس يتشافون منها ويعيشون حياه طبيعيه..فما بالك بمرض مثل القلق والهلع ..
فمرض الهلع مع العلاج الدوائي وجلسات العلاج السلوكي المعرفي باذن الله الواحد بيشفى منه وحتى مع الشفاء الكامل ممكن تجي نوبات هلع ولاكنها راح تكون خفيفه وقليله جدا
وكل الاحصائيات الطبيه الي قريتها حول مرض القلق والهلع وحتى الاكتئاب والوساس القهري والرهاب تقول ان هذه الامراض يمكن الشفاء منها بشكل كامل مع استخدام الدواء والعلاج السلوكي المعرفي..فهي ليست امراض مزمنه ولا امراض قاتله ولا امراض تعيق الانسان انه يعيش حياته بشكل طبيعي

وتفاءلوا بالخير تجدوه..فالواحد لازم يكون متفائل دائما وتفكيره ايجابي دائما

عجبنى حيل السطر يبث مشاعر اجابيه فى النفس

اممم يمكن انت تقدر تلقفها ومايبان عليك الربكه وانت تكذب
انا يبان علي اني مرتبكه وبالنسبه للنوم والله حتى لو قلت كابوس
بعد احس بالاحراج اكثر شي بنات خالاتي احسهم كاشفيني
وبالنسبه لرايك ان البنت احسن تقدر تتزوج وهي مريضه
امممممم مااحس انه احسن الرجال هو اللي يدير البيت ويقدر يتعايش مع وضعه حتى وهو متزوج
بقض النظر عن اللي يشتغل او مايشتغل لان اهم شي يصرف
على البيت انت حاول تلاقي عمل قريب من بيتك
حتى لو بدخل بسيط المهم تشتغل لان عليك الاعتماد لاتهدم حياتك
بالبيت انا جربت قبل سنه اشتغلت بمكان قريب من بيتي
والله انه النوبات ماتجيني الاخفيف وقت الشغل بس تركتهم
بسب تعامل الاداره السيئ لكن والله العمل حلو ويبعد جزء من الوهم
الله يوفقك ويسعدك

ماشاء الله عليك لانك تقدر تقاوم بالمهدئ النوبات الشديده ليتني القى طبيب يصرف لي علاج مهدئ
للنوبات الشديده وربي مااشيل هم
انت عندك شجاعه تصرح للي حولك انك مريض ماشاء الله
ناااااادر تلاقي شخص يقدر يفهمك ويتجاوب معاك
يااااااااااارب نتشافى قريب

شمس الامل الله يسعدك ويوفقك قويه يالغلا صارحتي زوجك
وش كانت رده فعله ؟؟؟يوم عرف
انا اهلي يعرفون عن مرضي بس انا مو متأقلمه على الوضع
احس بالاحراج بكل شي
ماشاء الله شمس انتي عندك اراده وصبر على تحمل البلاء الله يزيدك صبر ويرزقنا
طبعا مافي شي مستحيل على رب العالمين و ان شاءالله بإذن الله عندي أمل في الله كبييير و ان شاءالله بإذنه تعالى ما راح يخيب ظني
النسبه 100000000000000000000%%% :)
اكيدمافي شي مستحيل بس احيااااان يجيني احساس اني ماراح اتشافى وان هالشي مكتوب علي لمن اموت

تسلم اخووي الحربي
والله انا حاااسه انها مسألة تحدي بيني و
بين نوبة الهلع اعتبرها عديلتي أو شريكتي
و أحاول أتنافس معاها و ان شاءالله بتغلب عليها
لأن الله معاي و هي بتخسر لأنه الشيطان معاها
أسأل الله العظيم رب العرش العظيم أن يشفينا جميعا
و بصراحه أحس ملتقى أصحاب الهلع كل الأعضاء اللي فيه
متفاعلين و متعاطفين مع بعض الحمدلله و هالشي يساعد
في انه الواحد ما يحس انه وحيد و انه فيه ناس تتعاطف
وتتفاعل معاه .. الله يخلينا لبعض ولا يحرمنا من بعض :)

والله احس اجوبتك مثلي بالضبط بكل شي انتي تخافين من الموت ؟؟؟
وكم عمرك ؟

اختي حياتي كلها لله

كل الاشخاص الي عندهم نوبات هلع لازم يكون عندهم دواء مهدئ مثل زانكس او ليكسوتونيل ويستخدمونه وقت الضروره فقط.... انتي روحي لطبيب النفسي واشرحي له حالتك وان عندك نوبات الهلع واطلبي منه يصرف لك حبوب مهدئه وقوليله انك راح تستخدمينها عند الضروره فقط يعني عند نوبات الهلع الشديده..في بعض الاطباء يصرفون حبوب مهدئه وبعضهم ما يصرفونها كل طبيب وطريقته.. ولكن انتي روحي وجربي اذا ما صرف لك الطبيب الاول جربي طبيب ثاني الين تلاقين طبيب يصرف لك الحبوب المهدئه واسمها مثل ما ذكرت لك زانكس او ليكسوتونيل

وهذه الحبوب عند استخدامها في حالة الضروره فقط فهي مالها اي اضرار.. وما تسبب التعود الا اذا استخدمت كميات كبيره في اليوم مثل 4 او5 حبات لمدة طويله متواصله يوميا مثل شهرين او ثلاثه

النوبات وانتي متزوجه جاتك عادي تصرحين بس قبل لا
لانه الرجل يقول اتقدم لوحده سليمه احسن
من ارتبط بوحده مريضه اتعب معاها الله يرزقنا احب خلقه له
من الازواج وللشباب الزوجات
ويقر عينا ولايحرمنا ومشكوره يالغلا على الدعوه
الاخويه اللي طالعه من القلب