الخووووووووووف متعبني؟؟
 

هلا بالجميع
ابي منكم الدعم النفسي ورايكم يهمني؟؟
انا اعاني من الخوف بسبب موقف صار لي اني شفت بنت يغمى عليها قدامي
وبعدين تطورت معي الحاله اخاف اني اتعب مثلها
حاولت اعالج نفسي واخذت علاج من عياده نفسيه طبعا صرف لي العلاج عن طريق التلفون علاج افكسر
بعدها جتني حاله غريبه كانه مويه حاره تمشي بجسمي خفت ان العلاج يسوي بي شي
وهالحين صرت اخاف من انواع العلاجات مهما كانت لازم اذوبها ماابي اخذ الحبه كذا
وغير هذا كله اخاف من اني اتعب في المجمعات او اتعب اذا راح زوجي عني او اتعب عند ناس
بعدها رحت لعياده الشريف بالرياض الدكتور محمد خان وشرحت حالتي له صرف لي علاج اسمه سيبرام طبعا قلت انا اخاف من العلاج قال بتاخذيه اهلا وسهلا ماتاخذيه براحتك
انا ضاق صدري لان هذي النقطه اللي اعاني منها طبعا صرفت العلاج والى الان مااخذته
خايفه من الاثار الجانبيه له لاني بحثت عنها بالنت لان كل النشره بالعلاج انجليزي اخاف اتعب زياده
ابي حل ؟؟وفيه احد مثلي؟؟

والله شاهد علي انك مثلي بالضبط اخاف اتعب بروحي او لخلاني زوجي وضعت

باي مكان احس يضيق انفسي حيل كانه بيغمه علي وابرد استغفر الله مفروض

انتذكلر انه الله معانا وحاولت ماكو فايده واتشجع لو شنو ماروح بروحي لاي مكان حتي

المناسبات والزيارات اخاف يمكن اذل اختي معي اقدر بس

تلاقيني متوتره وخايفه ويالله اخذ نفس مع العلم ماكنت قبل جذي صج

خجوله بس كنت اروح بروحي الصالون وازور بروحي واسوق السياره بروحي

الحين مستحيل بسبب موقفصارلي اخافني مااطول معاكم نبي علاج انا ولاخت لاني تعبت من اثر علي بجد انا عندي اعيال وزوج شلون اقوم فيهم

انا تعبانه افيدوني مثل اعراض الاخت

جربوا جلسات العلاج السلوكي

ماانصح بالدواء الا في الحالات الشديدة

كله خوف غير حقيقي وغير مبرر

والدليل انه وهم ان وضعك يرجع طبيعي اذا كنتي مع العائلة

مساء الخير
انامثلكم والله لدرجة اني اذا طلعت مجمعات تجيني دوخه
وصرت مااحب اطلع لمكان
وانا اخذت حبوب سيبرام لمدة سنه ونص بس من يوم ماقطعتها رجعت لي الحاله
ماقول غير الله يشفينا يارب

هلا ام سارا طيب بعد الحبوب هل راح عنك الخوف وعشتي حياة طبيعيه

اهلا لانا
لما استخدمت الحبوب خفت الحاله طبعا وكانت اذا بتجيني تجي خفيفه مره
اما الحين انا تركت الحبوب لي فتره ورجعت لي الحاله من جديد

انا متلك بس انا مشفت صديقتي انا شفت نفسي

ولهلا الخوف معي ودمرلي حياتي سيطر علي بشكل فضيع جدا

مثل حالتي بالضبط ونفس وصفك بالتمام

بخاف انو يغمى علي وكمان بحس بحراره تندفع في جسمي


اعتقد فينا يانقص فيتامينات او فقر دم

طيب ابغى اسألكم سؤال
لما تطلعون للمجمعات تجيكم حاله تحسون انكم غير ثابتين يعني مثل عدم توازن
وانكم تبغون تمسكون شي او تجلسون
تكفون ردو علي

اييي انا يصير معااي جذي واايد

هذي من حالات الهلع

واحس ان الدنيا تلف فيني

بس الله يعين

انا اقوول رحو عند دكتور واثقين منه وعالجو عنده

وانا مثلكم وباقي على زواجي شهر وماقدرت اتغلب على هالحاله

حبيبتي روحي لحقي على عمرج

لان في ادويه ما تنوخذ واانتي متزوجه

على الأقل تر العلاج لمده شهر راح يفيدج وايد

نصيحه

لان الزواج مسؤليه كبيره وراج انج تزورن اهل زوجج وتطلعين

روحي عند اي دكتور واثقه منه لان بعض الأزواج ما يتفهمون شنو هالحاله


نصيحه حبيبتي وانا أبي لج االخير

والله يشفيج ياااااارب

والله يحفظج من كل شر

^__^

الله يشفينا ...

كل كلامكم ينطبق علي بالظبط ....

ترا لازم العلماء يشوفون سر انتشار هالمرض بصوره كبيره عندنا ...

شنو هذا فجأه .....يعني انا تدرون من شنو صرت جذي ترا دوخه خفيفه وانسدت اذني شوي ...

جان تنقلب حياتي من ساعتها .....والعلاج سلوكي روحاني دوائي ...خخخ بس انا كرهت الدوائي من اللي سواه فيني ...:)