تكفوووون ساعدوني الله يفرجها عليكم
 

السلام عليكم

ياجماعا انا صار لي موقف بعثر حياتي فوق تحت . حتى وربي كل الناس يشوفوني يقولولي اشفيك وناس قامت تنظر لي نظرة استعطاف عقب اول كل شي تغير بدش الموضوع وبقول كل شي صار وياي بس ابي منكم رد سريع ياجماعا ريحوني

قبل ثلاث اسابيع كنت مداوم انا وصديقي طبيعة عملي استلم يوم كامل يعني انام بالدوام يوم وطلع ثلاث ايام المهم ماني زايد المواجع صديقي توفي وهو نايم وهو مريض بالصرع انصرع وهو نائم . ياجماعا من يومها وانا حالتي حاله احس اني بموت احس انه ملك الموت يبي ياخذني احس بكتئاب ابقلق ابسواس نبضاااات قلبي سريعه ارجولي ماهي قادره تشيلني وستمريت على هالحاله وقاوم وقاوم ولكن ماقدرت الي صديقي الثاني هم توفي وزادة الطين بله يعني فوق همي الاول صار ثاني انا تعب حييييييييل وهم قدمت استقالتي من عملي صاير مالي خلق للناس حتى بنتي عمرها سنه كنت استانس لاشفتها الحين مالي نفس لأي شي


رحت لمطوع يقرا علي ومانفع شي رحت لدكتور اسمه عبدلله غلوم استشاري بالكويت . عطاني حبوب سبرالكس 10 وحبوب مهدئه .

ياجماعا انا خايف من هالحبوب حيييل حيييل وماودي اخذها اخاف اتعود عليها وقعد طول عمري على الحبوب

سؤالي

في احد خذى هالحبوب وتشافا منهم ورد حياته طبيعيه ؟

حبوب المهدئه اقدر اخذهم عند الظروره بس مادمن عليهم ؟

وشنو علاج السلوكي ابي اعرف؟


الله يرحم والدينكم ردو علي

السلام عليكم ورحمة الله وبركاته

بسم الله والصلاة والسلام على رسول الله اما بعد ...

اخي العزيز الي فيك فيني والدكتور اللي تعالج عنده انا اعالج عنده والحبوب اللي تاخذها انا اخذها يعني انا وياك واحد ... الحبوب اللي تاخذها سيبرالكس و ليكسوتانيل عند اللزوم وهذا احسن علاج ...

اول شي اخي العزيز اللي فيك يسمى بنوبات الهلع تتاثر بشيء معين وتطلع فيك اعراض تحس ان روحك تبي تطلع ... ولكن بالاخير ماكو شي ...

طبعا انت لو تقرا المواضيع اللي كتبوها اخوانا راح يطمن قلبك كثيـــــــــــر صدقني استعن بالله العلي العظيم واحرص على اداء الصلاة في اوقاتها خصوصا صلاة الفجر وقراءة القران وصلاة الليل صدقني العبد لمن يسال الله سبحانه راح يعطيه .. (انا عند حسن ضن عبدي بي ) و (ادعوني استجب لكم ) ... انا عانيت نفسك والحين الحمدالله شوي شوي قامت تروح مني ... كله بفضل من الله سبحانه وتعالى ...

وهم لاتنسى الادويه ... طبعا السيبرالكس دواء ما منه اي مضره كلش اللهم اللي حاشني منه ان يخلي نومك ثقيل وبس ولاتحاتي ماراح اتعاطى هذا الدواء طبعا اهيا فتره وتعدي وديربالك توقفه اله لمن تروح حق الدكتور واهوه طبعا اللي يقولك وقفه مو انت من كيفك والدكتور اللي تعالج عنده دكتور رائع رائع رائع واي شي تبي ياولد الكويت انا حاضر ...

أسأل الله العظيم رب العرش العظيم ان يشفيك ويشفي مرضى المسلمين اجمعين ..

السلام عليكم ورحمة الله وبركاته
اسال الله العظيم رب العرش العظيم ان يشفينا ويشفي جميع مرضى المسلمين اللهم امين .. اخواني الكرام عليكم بالرقيه الشرعيه وقراءة القران والدعاء وصلاة الليل عن رسول الله صلى الله عليه وسلم: ((ينزل ربنا إلى سماء الدنيا كل ليلة حين يبقى ثلث الليل الآخر فيقول من يدعوني فأستجيب له من يسألني فأعطيه من يستغفرني فأغفر له)) وان شاءالله باذن الواحد الاحد سوف تتشافون ..وهذا لايعني ان نترك الادويه والتخلص منها وعدم مراجعة الطبيب بل استمرو باخذ الدواء الموصوف لكم . وباذن الله هذي احسن طريقة للعلاج ان شاء الله وتقبلو مني جزيل الشكر ..

الخنفـــــــــــــــر .

اجتمعوا عيال الكويت ابموضوع واحد ...!! :)
حياكم الله ...
والله يشفينا ...

الله يجزاك خير ياخوي الخنفر طمتني الله يطمنك الحمدلله انا صرت احسن من بدايتي لمن كنت الموضوع ويوم عن يوم قاعد احس في تحسن وسأل الله ان يشافينا جميع

وفعلآ اخوي هالدكتور ممتاز وملقاه لك حلو وتاخذ راحتك معاه


بس انا خايف من شغله ماشفت بالمنتدى واحد كاتب كنت اخذ العلاج وتشافيت وقطعته

انا ادري انه العلاج لو تاخذه مدى الحياة مامنه مضره ولكن ودي تكون فترة كورس او سنه

وتركه سويت سيرج في قوقل وكل يتعالج بس ابي تشافه وترك العلاج ؟

السلام عليكم ورحمة الله وبركاته ...

اخي العزيز في ناس اخذت العلاج وتشافت بحمد من الله عزوجل ... دش ودور عدل بالمنتدى نفسه وراح تلقى باذن الله ... تحياتي لك

اسال الله العظيم رب العرش العظيم ان يشفينا ويشفي مرضى المسلمين اجمعين ...

توكل على الله اخي العزيز ... الا بذكر الله تطمان القلوب ...

مشكور ومافصرت والله يجزاك خير وسأل الله ان يشافينا جميع

اخويا عذبي..
ليش ما تستخدم الاعشاب والله مره نفعت معايا الحمدلله وليست مضره ان شاءالله
لو تحب اي استفسار انا حاضره ان شاءالله اسألني اي شي
اختك احفظنا يارب

ماعرف للاعشاب ممكن تعلميني اسمائهم وشلون الطريقه ؟

اولا ..
بذور القطونه وليس (القطن) تاخد منها ملعقه مع كاس كبير مويه بعد الغدا مره وعند النوم مره
وعشبه القديسين مفعولها راااااااااااااائع مرتين الى تلاته في اليوم تشرب ملعقه مع ماء نغلي تترك الين تبرد 10 دقايق وتشرب متل الشاي ويحلى بالعسل لو تحب والله كويسه الحمدلله
اي سؤال انا حاضره ان شاءالله
انت من وين عشان افيدك اكتر ؟؟
اي خدمه اخويا

عذبي من الكويت الحبيبه :)

اوكي ان شاءالله تلاقي كل شي عند العطار
وبرضو اي سؤال انا حاضره ان شاءالله لانكم اخواني

الله يعطيج الف عافيه انشاءلله بروح العطار وابي اجربهم ومشكوره اختي

السلام عليكم اخواني
شخباركم؟ عساكم بخير؟

انا عضو جديد على هذا المنتدى الجميل