مساعدتى فى ايجاد دكتور نفسانى فى الكويت
 

مرضى النفسى فى تزايد كبير
نوبات الهلع التى تحدث لى قد تدمر حياتى العائليه والعملية
احاول العلاج والتغلب عليها ولكنها فى تزايد يوم ورا يوم
ارجو من الاخوان الافاضل فى الكويت ارشادى الى اطباء نفسيين ممتازين
والشفاء من عند الله

اخوكم : اسير الهلع من الكويت

هلا بالغالى والنعم فيك ولد ديرتى
صدقت الايمان بالله والارادة مفتاح العلاج
ولكن فعلا انا محتاج الى دكتور نفسى ممتاز فى الكويت ، اداوم عنده واشوف تطورات المرض النفسى لعل وعسى نخرج من عنده بالشفاء وما الشفاء الا من عند الله

اخوك : اسير الهلع

هلا والله بعيال ديرتي المهلوعين ...:)
شسالفت هالهلع اللي صار وباااء ...دش ابكل بيت ..!!
اخواني انا راح ارشحلكم بعض الدكاتره ...وعلى حسب اذا تبون دوا ولا بس سلوكي ...
واخوي عليهم اذن اقولك انها ماراح تروح بروحها ...
وشي حلو ان لنوبه ما صار لها اسبوع فعلاجها سهل باذن الله ..
اخواني ...اليكم اسماء الدكاتره ....!!

اذا تبي دوا :
عصام الانصاري
عبدالله غلوم ..

واذا سلوكي .:
جاسم الخواجه : بمركز الاستشارات الاسريه بالروضه ..قطعه 4 بنفس مبنى صالة الزبن ..وهذا ابلاش مالحكومه ..تبع وزارة العدل ولا تخافون اهو مو طب نفسي ...لا استشارات بس يقعد معاك كل جلسه ساعه ..

مروان المطوع ..حسن الموسوي.. محمد صادق الموسوي ..ايوب اشكناني..مركز الراشد ..كاظم ابل ...فاطمه عياد ..المشعان ... مركز الانماء الاجتماعي ..وفي وايد بس اذكر هذيل ..

وترى اذا قريتوا بعض مواضيع العلاج هني راح تساعدكم ... وادعوكم لقراءة موضوعي (( التخلص من نوبات الهلع ...))... واتمنى لكم الشفاء العاجل...

اهم شي تعرفونه ان هالمرض ما يخرع ...وعلاجه سهالات ..بس يبيله اراده وعزيمه واصرار ....وقرار منك ..

وربي يشافيكم ويعافيكم اخواني ..

تقبلوا مروري

ممكن ارجع
اننا صارلي ساعه ادور على موضوعى ولا لقيته الى كتبته عن الاعراض وبصدفه شفت ردك على الموضوع قلت لاخ انك دكتور الزبن يعالج ببلاش (وين مكانه ورقمه واذا تعرف رقم مروان ياريت ترسله لى )

هلا اختي البتليه ...

مروان تقدرين تاخذين رقمه من البداله لان هني بالمنتدى ممنوع وضع الارقام ... والله اسف..

والدكتور اهو جاسم الخواجه ... بالروضه ..(( مركز الاستشارات الاسريه )) كتبي بقوقل ويطلعلج كلشي عنهم ..
بنفس صالة الزبن للافراح ...

اتمنى ان وصلت المعلومه ..:)

مشكور اخوى بس سؤال الدكتور جاسم مودكتور اطفال جنى سامعه انه دكتور اطفال

وبعد بسالك موضوعى كاتبته ووصلت لاخر الصفحات ولا لقيته هو محذوف ولا انا ماشوف ؟

لا في دكتور ثاني ناسي اسمه اهو اللي مال اطفال ...
اما جاسم الخواجه لا مال كبار ...خخخ ترا كل تحسني على الله وعلى جلساته ..انا ما اخذ دوا
بس اروح جلساته ..

ممكن اعرف عنوان موضوعج شنو ؟

ومتى كاتبته ؟اي تاريخ ؟

خلها على الله اخووووي ....وين شفيت ...:)
الحمدلله ما اقص عليك في تحسن كبير ...وبنفس الوقت وضعي مو عاجبني ..!!
حسني من اول نوبه بتحسن 50% .... وبس يعني مو تحسن مستمر ...وقاعد اعالج سلوكي بس .. بدون دوا....اللهم دوا القولون بس..
لله يشفينا وياك وجميع المسلمين واي استفسار انا حاظر ..:)

هلا اخوي انا اراجع عند دكتور عبدلله غلوم والحمدلله صرت زين ترا دكتور شاطر ولله

السلام عليكم ورحمة الله وبركاته
اخي العزيز ارشحلك الدكتور عبدالله غلوم ... دكنور شاطر وانا واحد من الناس اللي يعالجون عنده والحمدالله المرض قاعد اتغلب عليه كله بفضل من الله سبحانه وتعالي ...

اللي انت مار فيه احنا تعودنا عليه والمسأله مسأله وقت واراده وعزيمه وايمان بالله سبحانه .

نصيحه مني لك قبل لاتلجأ الى الدكتور الجأ الى الله سبحانه وتعالى (ادعوني استجب لكم) , (الابذكر الله تطمئن القلوب)

اسال الله العظيم رب العرش العظيم ان يشفينا ويشفي جميع مرضى المسلمين ..

مرحبا شباب الكويت 00 شلونكم الحين بعد هالمده الطويله 00 انا جديد اهني والحال الله يعلم فيه
الشباب اللي يمدحون الدكتور عبدالله يعني تنصحوني فيه ؟

في مركز اسمه السور حق الدكتور نايف المطوع الاصل انه لما تراجعهم ما تعطيهم الاسم الصجي اي اسم

ومادري اذا زين او لا.

هلا اختي بوح الجروح
سامع فيه المركز هاذا بس مارحتله العلاج السلوكي جربته كان ماشي حاله بس ماكملت عليه
انا الحين عند الانصاري اعالج وماشي الحال صحيح انه علاجه مره يصيب ومره يخيب لاكن وين انروح والحمدلله علي كل حال 00 يعني افكر اذا مافادني اروح عند الدكتور عبدالله يمدحونه الشباب والله اعلم 0