استشاره / هل اعاني نوبات الهلع ؟
 

السلام عليكم اخواني واخواتي

اول شي الله يشفي الجميع .. امين ياذا الجلال والاكرام

..

ثاني شي انا اشوف كل واحد يتكلم عن شي يخوفه

والاغلبيه اشوفهم يخافون من الموت ..

انا ماخاف من الموت انا اخاف من الامراض او احيانا بدون شي اصحي

من النوم خايف وقلق وحراره وضيق بالصدر

حبيت اعرف انا مثلكم او لي تشخيص ثاني .. علما اني رحت لدكتور من

ثلاث سنوات واعطاني سيروكسات وافكسور واستمريت اول سنه حسيت اني

رجعت طبيعي بعدها رجعت الحاله تدريجيا لاني ماعاد اروح للدكتور

وللحين مستمر عليها .. انا عرفت ان هذا العلاج اللي عند الطب بزيادة جرعه

او تنقيصها والباقي وكل شي على الله

لكن هل فعلا هذا هو نوبات الهلع اللي فيني ؟ او مرض ثاني مثل وسواس او

غيره

ممكن من تجاربكم تأكدون لي ان في احد يخاف من لاشي او من الامراض بس

؟؟؟؟؟

ومشكورين

اهلن بيك اخويا بيننا..
اسال الله العظيم رب العرش العظيم ان يشفينا ويخلينا وتسير حكايه ونضحك على نفسنا
المهم
الوسواس يجر وراه القلق والقلق يجر ورا التوتر والتوتر ورا الخوف كلهم مرتبطين في بعض تقريبا
وممكن الي معاك يكون نوع من الهلع لانه فجأه يجيك او تصحى من النوم خايف ومن غير سبب
والحمدلله شكلها حالتك بسيط ماشاءالله وان شاءالله
ويارب ما تحتاج لعلاج

اخي عوده ..
هلا فيك بالمنتدى ..
مرض نوبات الهلع يتفرع ..واعراضه كثيره ... بس في شغله ودي انبهك عليها ..

غالبا ما يصاحب نوبات الهلع .. امراض اخرى (( رهاب _ وسواس _ اكتئاب ))..

فانت اللي فيك فيني ..ان اخاف من الامراض خاصه امراض القلب والسرطان ..!!

وما بقى فحص ما سويته وما بقا طبيب مارحتله ...لو تشوف الملفات اللي فاتحها عند الاطبا تقول هالانسان خلاص ميت ..وللاسف ..كل الفلوس اللي دفعتها اخر شي تطلع النتايج سليمه ..

اخوي اللي فيك فينا ..واللي عندك (( توهم مرضي )) مصاحب للهلع ..ووسواس ,,

انصحك انك تراجع اخصائي نفسي شاطر تاخذ عنده علاج سلوكي لا يقل عن 10 جلسات ..

واذا شفت ان ما يفيد ..في ادويه سليمه وقويه ..وكثير يستخدمونها ..بحالاتنا ..

بالنسبه لي بس اخذ علاج سلوكي .. وتحسن الحمدلله مستمر ..

اكيد اخي ما بك نوبات هلع لكنها خفيفة لا تدعها تتدرج وتقوى عليك عليك بمراجعة الطبيب وما تشوف شر

مشكورين وجزاكم الله خير

هالايام ذابحتني اختلال الانيه احس اني بحلم

بس الله يعين ويشفينا ويشفيكم

الاخ الحبيب ممكن ارجع
النتائج سليمة هذه نعمة تستاهل الحمد ما نقول للاسف النتائج سليمة

والله يشفينا ويشفيكم قولوا اميييين

لا لا اخوي بندق مو للاسف النتايج سليمه ..!!

للاسف على الفلوس اللي قطيتها ...:)
وصلت ؟!

الحمدلله طبعا على كل حال

معوضين ان شاء الله

الفلوس تجي وتروح وصدقني انا قطيت فلوس وايد على عالحالة بس وانا طالع من المستشفى ولا العيادة اقول العن ابو الفلوس المهم ارتحت وتطمنت ان مافيني شئ وهذا شئ ماتشتريه الفلوس اكثر فلوس احس اني حطيتها بمكانها الصدقات وهي على فكرة علاج قوي (داووا مرضاكم بالصدقات) والفلوس اللي اصرفها عند الطبيب ويقول لي مافيك شئ يعني مقابل هالفلوس خذيت طمأنينة وراحة بال ولو مؤقته عافانا وعفاك الله وعوضنا واياك خير ياوجه الخير

على راسي بندق ...

كلامك عين العقل ....

بس لا تسب نعمة ربك خخخخخ

والله لو مو هالفلوس جان طحسنا بمستشفيات الحكومه ...على النوبات تتسلط علينا واحنا ننطر الموعد ..

عساك عالقوة