نفسيتي زفت
 

السلام عليكم

شحالكم يا مهلوعين شخباركم عساكم بخير

والله ياجماعه الخير انا هالايام نفسيتي حدهاا زفت والمشكله

اني بعد اسبوع واربع ايام بيكون حفل تخرجنا مع اني كنت قبل متحمسه حق التخرج

بس الحين افكر اني اسحب اسمي منه صرت اخاف اطلع من البيت

والمشكله الاكبر ان بعد ثلاث اسابيع بتبدا الامتحانات النهائيه وانا مب قادره اركز

وكل تفكيري في الموت والقبر وهالاشياء انتوا عارفينها وكل ما جيت بفتح كتاب بذاكر

اقول انا ليش اذاكر راح اموت مااراح اذاكر واصكر الكتاب واجلس افكر

ويوم اجي افكر بالتخرج وشو بسوي اقول لا ليش افكر انا راح اموت ماراح احضر التخرج

يعني هالايام صدق نفسيتي زفت :frown:

ساعدووني الله يخليكم

وعليكم السلام ورحمة الله وبركاته

لا تقولي كذا انتي مؤمنه وقويه المفروض انك يا قلبي تهزمين هالإحساس وتقولين لنفسك انك اقوى

وصدقيني انتي ما فيكي اي شيء انت بس محتاجه لشويه استرخاء وهدوء فقط

انا كنت زيك ضيعت على نفسي شهر وما رحت لتحفيظ وكنت اقول وش فايده خلاص انا راح اموت ما كان عندي احد اشكيله خلاص وأجلس في الغرفه لوحدي ولا احب اكلم احد بس دعيت ربي ان يشفيني وصرت استغفر كل وقتي بنية الشفاء واكثرت من "لا اله الا الله وحده لا شريك له الملك وله الحمد وهو على كل شيء قدير "
وأخذت ورقه وقلم وجلست اكتب فيه كل اللي احس فيه ... من مشاعر سلبيه ... ورحت ابدلها مشاعر ايجابيه

وقال: (صلى الله عليه وسلم)

(من سلك طريقاً يلتمس فيه علماً سهل الله له طريقاً الى الجنة)


وكان أربعا الأسبوع الماضي اول يوم لي بعد الغياب الطويل رحت لتحفيظ وأنا نفسيتي زفت كانت

بس حاولت اشغل نفسي بأي شيء وأعاند هذا الإحساس والحمد لله

حاولي انك تشاركي في فقره من فقرات حفلة التخرج وأشغلي نفسك فيها

وحاولي انك ترتبي جدول مع صديقتك المقربه للمذاكره عشان يكون في تشجيع

وتنافس

والله يوفقك ويسهلك كل امورك يا قلبي

اتمنى اكون افدتك واسفه على الإطاله

دمتي بحفظ الله ورعايته

ياحبيبتي اول شئ اعجبني اسمك يارب احفظني ...يوحي بإيمانك وتوكلك على ربك


لا اعلم التمست ذالك من اسمك ..والله تعالى اعلم

اتمنى ان يكون لك من مسمااااااااااك لك نصيب


و أسأل الله الكريم رب العرش العظيم أن يحفظك ويطيييييييييييييييييييييييل عمرك

علبى طاعتــــــــــــــــــــــــــــــــــــــه

قولي آمــــــــــــــــــــــــــــــــــــــــــــــــ ــــــــــين


اختي خوفنا مايقدم ولايؤخر خليك متوكله على الله سبحانه وانت مؤمنه بان مااصابك لم يكن ليخطئك

ومااخطائك لم يكن ليصيبك كله مقدر بيدالله وفي كل قدر خيـــــــــــــــــــــــــــــــــــر لنا




اختـــــــــــــــــــــــــــــــــــــــــــــي

الله هو المدبر الحافظ ...لاتخافي توكلي على ربــــــــــــــــــــــــك ومارسي حياتك طبيعي

وبـــــــــــــإذن الله الســـــــــــــــــــــــــــــــــــــــــعاده قدامك لاتفكري في القبر والموت اذا بتفكري

فيهم خلي التأثير إجااااابي اعملي اتحصني اقري قرآن اذكري ربك اتزودي بالاعماااال الصالحه للاخره

بس اعرفي ان كل امر مكتوب على المرء من قبل ولادته ...استودعي نفسك وقلبك وامرك الله

فهو خير حافظ سبحــــــــــــــــــــــــانه وتعالى


خليك الان في وضعك الحالي فرحة تخرجك ..شيلي من فكرك الخوف حاولي تفرحي بالتخرج ...استعدي مثلا لذالك اليوم فكري فيه كيف بيكون

و و و ...لاتجيبي لنفسك الغم ..حاولي تسعدي نفسك ارجوك


الله معااااااااااااااك


اتمنى اكون افدتك
تقبلي مروري

يعطيكم الف عافيه حبابيبي

وان شاءالله راح احاول اني اتغلب ع هالخوف باذن الله

وعليكم السلام ورحمـة الله وبركآته : اهلييين فيك

طيب ابي اقول لك شي كل من في المنتدى مر في حالتك . وكلنا نقول ليه نسوي كذ1 خلاص راح نموت : ههههههه وعايشين الدور كان كل واحد يعرف عمره

المهم . انتي اول شي ما همك ولا شي يعني اقدر اقول انتي معك نوبات الهلع . بس انتي قويــه ؟ لو قويه وقفي الهلع عند حده زي مره ابي اقول لك .

ابي اروح مششوار من البيت لـ اصحابي . وجالسس افكر اللحين يصير لي حادث . وراح اموت . واتخيل حريق واشياء وايد .

المهم . شغلت السياره وكل مافيني يرقص من الخوف . يعني رايح وطيي . مرره

والله وشغلت السياره وامشي على ملي وكلي خوووف . وجالس اقول اللحين ما اشوف اهلي هذي اخر مره يشوفوني فيييها

وماشي الين وصلت المششوار الي ابيه ، وقلت لـ نفسسي شفت ما صار لك شي !؟ انت بس تجالسس تخوف في نفسسسك

قلنا اوكي شي حلو : طيب اللحين الواحد لا فكر يرجع !؟ وبدا الوسواس يلعب في راسي . وخفت مرره . هههه ، قلت يا ولد خليها وماعليك . والله ومشيت من عند اصحابي لـ البيت . ورجعت لـ اهلي مافيني شي وراح الخوف الي كان معي في سواقت السياره . يعني انتي . اللحين ولا عليك ولا تفكري. فييه ، الي معك . مرضض يعني مو شي خطيـر . مرض نفسي كلنا نعاني منه يارب لك الحمد

يعني ريحي بالك وعيشي حياتك ولا يهمك اي شي بـ اذن الله . وصدقيني راح تشوفي كيف تتغير نفسيتك : قبل تذاكري . حاولي انك تمشي نصف سساعه

المشي ذ1 النصف سساعه يساعد كثيـر في خفض الاكتئاب ونوبات الهلع

وصدقيني راح تذاكري وراح تكوني افضل وحده في حفل التخـرج وكلنا مرينا في ذ1 الشي ولا تخافي واستعيني بـ الله وادعي وراح تنجحي بـ اذن الله يارب ..

وان ششاء الله راح يكون كل شي يسعدك يارب . وطنينا عليك وصدقيني كلنا معك وكلنا في المنتدى اخوانك وخواتك . ولا تشيلي هم .

يعطيك العافيه اخوي

غالي الاثمان

والله ريحتني واايد

تسلم