نفساني - وحيد{}

وحيد بدنيتي
مالي صاحب ولا خلان
والقلب ذاب
وضاعت علومه
بحثت في دنيتي عن انسان
صادق ماهو خوان
يسمعنى وبقلبه يحتوينى
وبأيده يمسح دمعتي
آه للأسف صعب الاقي هذا الانسان
اللي يقدر يستوعب معاي كل هذي الاحزان
ليه يادنيتي كل هذا الجحود والنكران
ليه حظي معاك كله أنا الخسران
تعبت وأنا ادور في اوراق دفتري عن لحظه حلوه عشتها بدون حرمان
عن صفحه مافيها لحظه
جرح
المدمعه
حزن
دفتري امتلى هموم وأحزان
آه منك يادنيتي
بسألك مو أنا انسان
ومن حقي أعيش مثل أية انسان
أنا مأبي أعيش مثل أبن السلطان
جاه
مال
وأحكم بالزمان
انا أنسان بسيط مأطمع بأية أحلام
أبي بس
الرحمه
العدل
الحب
الحنانولا هذا صار من أصعب الاحلام
أبي حب يملى علي دنيتي
أبي قلب بحنانه يضمني
وينسيني قسوة الأيام
أبي حب يرويني
ومن جروحي يشفيني
ومن الآمي يداويني
والله تعبت يازمان
تعبت من جفا الأهل..
وغدر الاصحاب..وفراق الخلان
ماعاد فيني حيييل يازمان
جفت دمعتي
وتاهت خطوتي
وانقتلت فرحتي
وضاعت ضحكتي
وماعدت أحس بالأمان
وش بقى بعد يازمان
أنا خلاص غديت مجرد بقايا انسان