طرائف طلاب أول إبتدائي...
 

طرائف طلاب أولى ابتدائي







الطفل الأول

طفل قعد يبكي في اليوم الثاني من الدراسه وسأله المدرس ليه تبكي ؟....قال
مالقيت فصلي ..
قال له المدرس انت في اي صف ياشاطر ؟ ...قال الطفل انا في صف ثاني
اخذه المدرس لفصل ثاني ودور اسمه ومالقاه فقال له اسمك ماهو في ثاني انت امس
وين كنت ؟
قال الطفل انا امس كنت في ' اولى ' بس اليوم اصير في ثاني ..!!!
' هذا على كيفه يحسب الدنيا فوضى '
=============



الطفل الثاني


الثاني مسكين احتاج الحمام وراح له وبالصدفه مر احد المدرسين جنب الحمام
وتفاجأ ان فيه ملابس كامله مكومه خارج الحمام من ثوب وفنيله وسروال وجزمه وشراب
المسكين الطفل بعد ماخرج من الحمام قالو له ليه كذا ؟ ....قال انا كذا اروح
للحمام في بيتنا
=============



الطفل الثالث


طفل داوم معاه ابوه اول يومين وفي اليوم الثالث قال له انا ابروح للعمل واذا
احتجت اي شي رح يم هالرجال واللي هو مدير المدرسه....
والمدير يلبس نظاره وله لحيه واللي تسمى سكسوكه وبعد ماراح الوالد بفتره قعد
الطفل يبكي وراحو به للمدير والمدير اتصل على الوالد واعطى التلفون للطفل يكلم
ابوه فسـأله ابوه انت من وين تكلم ؟....
قال الطفل انا اكلمك من عند الملك عبدالله..
=============



الطفل الرابع


طفل آخر من المستجدين ذهب في وسط الدراسه لفصل اخوه وقال للاستاذ ممكن
اخوي....ضحك المدرس وقال ضروري ؟ قال الطفل ايه ضروري مره....
المدرس توقع انه محتاجه يوديه لدورة المياه فقال لاخوه اطلع معاه....ولما طلع
قال الطفل لاخوه تعال نبغاك تلعب معنا.
=============



الطفلة الخامسة


وهذه ام تقول
بنتي في الحضانة.. أول يوم راحت.. انبسطت و كل شي تمام.,,لما رجعت قالت لي..يا
ماما انت فشلتيني!!حاطتلي فطور يكفيني انا بلحالي ترا حنا بالفصل واجدين ..
و الساندويتش ما كفانا كلنا و لا بقى لي شي!!!(أثرها توزع على الدنيا.. تحسب
الفطور قطة!!!!)
و نفس اليوم قبل ما تنام قالت لي: ياماما اذا جيتي تقوميني الصباح و لا طعت أقوم لا تقوميني..معناه ان بطني بيعورني وماني رايحة المدرسة!!!!!!


منقول...

يازينهم من نااااااس اجمل مايجمل الدنياا هالصغاار

الله يسعدك ويفرح قلبك زي ماونستييينا
تقبلي مروووري

أمين وياكي

مرورك عطر صفحتي

واسعدني

ههههه،،،،ههههه،،،،


حـلوين،،،،


هـــذه الطفولة وبراءتها،،،،


يعطيـــك العافيــــة غاليتي على هـــذا المنقول،،،

هههههههه


احاسيس طفله

اخوي كان واحد من هالأطفال..


والله عاد به حركات اكثر فديتهم ما يخلون شي بخاطرهم


تحياتي لكِ

ومنها ان طفلا كنت اعرفه كان يسكن بجانب المدرسة يبعدعنها بخطوات قليلة
وكان يتاخر عن المدرسة كثيرا من الاوقات وقال المدرس اخر مرة لما راةللفصل يا جماعة قوموا حيوا الباشا

يعطيك الف عافيه ...