|
ضروؤوري .....!
السلام و عليكم صايرلي 5 شهور و أنا أعاني من نوبات الهلع و اللي زاده ان فيني تضخم بالغضروف و بلاعيمي ملتهبه يعني ما أقدر أتنفس عدل و قمت أخاف من وايد أشياء مثل السينما و العروس و الحفلات و الشارع و الأماكن اللي فيها تجمعات و المشكله ان ملجة أختي قربت فكله أفكر و أخاف اني أموت أو أحد يموت و حتى صار فيني وسواس حتى صار فيني أعصاب مو طبيعيه و قمت أبجي على أقل الأشياء و يوم قمت بصلي يتلي النوبه و انا أصلي حسيت اني بموت و ألحين خايفه أصلي مع اني ودي أتقرب من الله لأن أتوقع هالنوبه لأني كنت مبتعده عن ربي أبي مساعده |
و بغيت أعرف هالأعراض من النوبه و لا لأ ..
أحس بخفه بوزني خصوصاً بإيدي و ريلي أحركهم و أحس اني مو قاعده أحركهم و صداع 24 ساعه و ما أقدر أبلع و أذوني متصكره و بطني منتفخ يمكن من القولون بس ما أقدر أتنفس عدل و السبه معدتي و ساعات أحس دقات قلبي سريعه و ساعات بطيئه و بس |
حبيبتي .. انت في بدايه الطريق..
لازم تلحقي حالك وتروحي على مختص يعالجك قبل ما تمر الايام وانت ظالمة لنفسك بها المرض.. اهم شي واجهي مخاوفك, ولا تختبيء من اي شي.. والا المواضيع بتتفاقم.. واقرأي كل شي في المنتدى.. راح تفهمي مرضك كويس.. وادا فهمت بيصير اسهل التعامل معه.. صدقيني.. انا صديقة هالمرض من 5 سنين |
اقتباس:
ايي بس أهلي رافضين يودوني يقولون انتي ما فيج شي أنا أبي حل بدون مختص و مشكوؤره |
اختي ضروري مختص نفساني
|
ليش ما أقدر أتشافى بدون مختص ؟ لأن كلش ما أقدر مختص |
القران الكريم والمحافظة على الادكار والرقية الشرعية
|
انزين و شلون ع الصلاة ؟
قمت أخاف أصلي لأنها يتلي النوبه بالصلاة |
اختي اولا سلامات وما تشوفين شر ...
يبا احنا اهني الخليجيين قفووله ومو مقتنعين بالطبيب النفسي ..وانا اهلي كانوا جذي بس على شوي شوي وصلتلهم المعلومه ليما صار عادي وشافوني تحسنت استانسو ...قوليلهم اخذ دوا وارتاح واريحكم ولا تبون كل يوم يومين شايليني موديني المستشفى ومسوين سالفه وعافستكم ..واخر شي ما فيني شي بس من النفسيه ..؟؟!! ...وعقب اذا خذيتي وتحسنتي قوليلهم شفتوا صدقيني راح يستانسون ويرتاحون ... والله يشافيج اقري المواضيع اللي هني ...وان شاء الله تخفين ....لحقي عمرج قبل لا تطلعلج اعراض يديده ... |
الصلاة ضروووري لازم تصلي ..
|
و الله كلمتهم وايد قالوا صلي و مافيج الا العافيه و أنا شوي غيرت تفكيري السلبي بس الأعراض مأثره و الاخصائي يخافون من الأدويه اللي راح يعطيني اياها |
مافيك الى العافية وتوكلي على الله روحي عند طبيب نفسي يمكن ما يوصف لك دواء يمكن تتعالجين سلوكي
|
اختي سماويه ارجو منك اولا ان تفتحي موضوع بملتقى الراقية مجد الغد (أم فراس) وتجيبي عن الاسئلة التشخيصية الموجودة بالرابط هنا ..
http://www.nafsany.cc/vb/showthread.php?t=54268 ومن ثم تفعلي بالاسباب وتحاولي الذهاب الى طبيبة نفسية تصرف لك دواء مناسب أو علاج سلوكي حسب حالتك .. |
الله يشفيك ويعافيك
أبدأي ببرنامج الرقية الشرعية وطبقيها وصدقيني فالك العافية، وقوي توكلك على الله أختي يعلم الله أبيلك الخير زي ما أبيه لنفسي، لذلك قوي صلة بالله، ولا تضعفين من بدايتها زينا شئ طبيعي بتخافين من الصلاة وشئ طبيعي إنك بتحاولين تتهربين عن العبادة، بس مهما صار أغصبي نفسك ربنا تعالى في سماه ما يرد من أتاه طالباً ولائذ ببابه..........فما ظنك بالحي القادر أكثري من الاستغفار...........ولا تنسين الساعة الذهبية في الثلث الأخير من الليل....والله أنها ساعة خير من الدنيا ومافيها......عندما تبثين همك وتتضرعين للملك وتتطلبين من القادر المعطي بلا من........رفعة اليدين للدعاء لا تذهب هدراً.........فإما فرج وإما تييسر وإما إنشراح وإما رد قضاء.......... الحمدلله على نعمة الدعاء أسأل الله أن يشرح صدرك وييسر أمرك |
ان شاء الله ببدي أصلي مع وحده من خواتي عشان يروح شوي الخوف بس اللي موترني و مخوفني ألحين اني رايحه ملجة أختي و خايفه حدي ان تييلي النوبه خصوصاً ان اليوم أحس ان بيصير شي لأن انقطع سوارها و خالتها دشت المستشفى ساعدوني |
| الساعة الآن 03:01 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا